IT業界資訊媒體

【Workshop】睇通睇透 數據翻譯師 Splunk 有問必答

無論係邊一種行業,要提升公司嘅營運效率同競爭力,都有需要借助數據分析,將有價值嘅數據揪出嚟運用。舉個例,網絡保安部門可以通過睇 log ,監測公司伺服器上有無一啲不尋常嘅流量,如有問題出現,就可以分析記錄去搵出問題所在;又例如營銷部門可以透過收集銷售數據,分析客戶群嘅消費行為模式,制定更精準嘅市場營銷策略。但你有無諗過,上述兩種資訊原來可以喺同一組數據入面發掘出嚟?只要有 Splunk ,你就可以達成以上目標。

一組數據多部門受惠

今時今日,幾乎所有公司都會用到電腦系統,同時間亦會收集到一大堆數據。不過,由於呢啲數據係電腦系統或各種應用程式運作時產生出嚟機械數據(machine data),所以要了解呢啲火星文,就一定要交由專家去整理同分析。 Splunk 本身就係一個數據處理同分析專家,只要使用者輸入指定資料, Splunk 就會喺茫茫數據汪洋中搜尋出相關答案,即使係同一組數據流量記錄, Splunk 都可以係裏面搵出網絡保安、營銷、行政、財政等等部門所需要嘅資訊,而且操作一啲都唔困難。

想親自體驗一下 Splunk 嘅神奇魔法? Splunk 將會喺 4 月 18 日(星期四)舉辦一場工作坊,示範一下點樣簡單地運用公司收集返嚟嘅寶貴數據。座位有限,快啲點擊以下連結報名啦!

報名:https://bit.ly/2TUwDPx