IT業界資訊媒體

【開心些牙】Firefox Send 檔案分享平台主打加密

利用雲端儲存空間分享檔案,相信好多人都做過,而家又多一個選擇,Firefox Send 檔案分享平台新鮮出爐,唔似 Google DriveDropbox 等可以提供大容量俾用家儲存檔案,Firefox Send 最多只俾到 2.5GB 免費儲存空間,同其他對手比較的話,吸引力好似差一大截,但 Firefox 提供嘅服務就強調擁有高度安全性,至於信唔信就梗係用家自己諗,反正我就是信了。

7 日後 Firefox Send 自動刪除

Firefox Send 其中一個好處,就係完全唔需要登入都可以用,但上載上限只得 1GB, 登記後就可增加至 2.5GB。現時只要去 send.firefox.com ,就即刻可以 drag and drop 直接上載檔案,而上載前,系統會俾你揀呢個檔案打算提供俾人下載幾多次或自動刪除時間,最多只可以俾人下載 100 次或 7 日後刪除,唔使返轉掉手動刪除,另外亦可以為檔案設定密碼,收件人必須使用呢個密碼先可以打開檔案,感覺上有雙重保障。其實最 buy 係控制介面簡約,完全可以靠直覺使用,據講遲啲會推出 Android 專用 app,到時用手機傳送檔案就會更方便。

【開心些牙】Firefox Send 檔案分享平台主打加密
Firefox Send 嘅操控介面簡單易用,仲可以俾用家輕鬆設定下載次數或自動刪除時間。

資料來源:https://mzl.la/2Cg29S1

Privacy Preference Center