IT業界資訊媒體

【生財工具】邊款 車 Cam 最「安心」?

司機用嚟自保嘅 車 Cam ,真係會記低好多重要嘅影像證據,仲隨時賣到好多錢!如果長開鏡頭,分分鐘連自己嘅「醜態」都會拍埋落嚟,一旦被放上網,到時就會成為食花生嘅最好戲碼。

不過,附有 Wi-Fi 無線傳輸技術嘅 車 Cam,其實亦屬於 IoT(Internet of Thing)嘅一種,如果生產商無做好保安措施,就好容易成為黑客嘅攻擊目標,隔空偷走入面嘅珍貴片段。

偏偏網絡保安專家指出呢類型嘅監視鏡頭存有好多漏洞,而且生產商就算知道有漏洞,礙於成本問題又好少會推出更新檔條補漏洞喎,就算有,用家亦可能會偷懶唔更新,所以如果自認懶人,買車 Cam 就唔好揀有 Wi-Fi 傳輸功能,都係用番斷線嘅款式會安全啲啲。