IT業界資訊媒體

【有錢大家搵】GandCrab 升級招聘啟事

無錯,黑客組織都會落廣告。創造勒索軟件 GandCrab 嘅黑客組織 Pinchy Spider 最近除咗推出最新版本嘅 GandCrab 5.2 版本,再次領先歐洲刑警組織等機構創立嘅 「拒絕勒索軟體」(NOMORERANSOM) 計劃推出嘅破解技術之外,仲喺地下論壇上出廣告,公開招募遠程控制電腦或企業網絡滲透專家加入,仲話「唔好錯失改善人生嘅美好機會」,寓意有錢大家搵。

經過「解讀」呢番言論背後嘅意義,網絡保安公司 CrowdStrike 嘅資安專家認為 Pinchy Spider 好可能打算改變攻擊模式,由以往攻擊單人目標,轉變為經網絡散播勒索軟件,待更多電腦感染後先一舉爆發,增加中招電腦數量,令佢哋嘅顧客可以勒索更多贖金。留意返,Pinchy Spider 嘅營運模式係開發 GandCrab 俾其他黑客使用,從而收取三至四成贖金作回報,所以增加顧客嘅收入,對雙方嚟講都係 Win Win CrowdStrike嘅專家為呢種大範圍攻擊模式取名為「Big Game Hunting」,如果用中文嚟講,就即係食大茶飯啦。

資料來源:https://bit.ly/2C9W1uG