IT業界資訊媒體

【搶玩新科技】HKT 5G 嘉年華 十萬打機神器最吸睛

HKT 香港電訊喺觀塘郵輪碼頭舉辦嘅 「5G 科技嘉年華」今日正式開放讓公眾人士參觀,唔少新科技都同大家息息相關,好似呢部價值約十萬嘅打機神器,真係買唔起都要嚟坐下!

HKT 嘅 5G 科技嘉年華,一連四日喺觀塘郵輪碼頭舉行,不過頭兩日只招呼業內人士,今日先開放俾公眾參觀。場內有唔少即將應用或已經應用緊新科技展示,好似將會喺今年第三、四季推出嘅智能泊車系統、燈柱資訊站、5G 手機、自動執貨、智能洗手間,以及個人健康管理產品等等。筆者最鍾意二樓展場嘅打機神器 Acer Predator Thronos,呢張櫈有三個大芒砌出大包圍式超廣闊視野,仲有升降式駕駛艙設計,配合 HKT 嘅 10GB 寬頻上網,真係完全做出零延時嘅暢順感覺,反應奇快。據展場嘅職員講,呢張櫈大約十萬港幣就買到,你話幾吸引呢!

【搶玩新科技】HKT 5G 嘉年華 十萬打機神器最吸睛
Haagen Dazs 三款新推出嘅甜筒雪糕喺會場內優先試食

除咗呢張打機神器,一樓展場仲有新推出嘅 Haagen Dazs 三款新推出嘅甜筒雪糕喺會場內優先試食、Highland Park 威士忌試飲,仲有同香港機場獨有嘅「MyTAG行李通」行李送達服務體驗,今個禮拜六日就有地方好去啦。

【搶玩新科技】HKT 5G 嘉年華 十萬打機神器最吸睛
香港機場獨有嘅「MyTAG行李通」行李送達服務體驗,裝咗專用應用程式,就知行李幾時送到。

HKT 5G 科技嘉年華

日期:2019 年 6 月15、16 日
地點:觀塘啟德郵輪碼頭
網址:https://www.hkt-5gtechcarnival.com/tc/

相關文章:【Cloud Expo Asia】 HKT 多雲架構 集各家所長 集中管理快捷安全減浪費

Privacy Preference Center