IT業界資訊媒體

【找數真漢子】贓款已鎖定同時Coincheck承諾賠償

Coincheck剛宣佈成功鎖定失竊贓款行蹤,同時承諾向26萬受影響帳戶賠償5.23億NEM虛擬貨幣,找數真漢子,睇嚟好擔得。

上星期發生史上最大宗虛擬貨幣交易所失竊案,事主Coincheck終於追蹤疑犯戶口號碼。失竊當日,大量NEM從不同管道流入「NC3BI3DNMR2PGEOOMP2NKXQGSAKMS7GYRKVA5CSZ」這個帳戶。現時Coincheck已標記此帳戶,準備隨時行動。

日本虛擬貨幣交易所Coincheck於上星期中招,其Hot Wallet被駭客盜取5.23億NEM虛擬貨幣。Coincheck已即時暫停NEM交易運作,並召開記者會向客戶致歉。Coincheck更表示,願意向受影響帳戶賠償。

同時,Coincheck剛於官方博客確定賠償,該筆款項將從「公司基本」撥出,再度向公眾致歉。Coincheck誓言會痛定思痛,全面檢討,確保再度開放時百份百安全;同時,Coincheck繼續申請日本金融廳(FSA)正式牌照手續,絕對唔想步Mt.Gox後塵關門大吉。

似乎Coincheck都係一時「唔為意」先出事,又多次主動就事件致歉,期望市民及炒家給予機會,畀時間佢地處理事件,證明自己能夠做好虛擬貨幣交易所嘅工作…好熟口面喎。

Well,起碼Coincheck會認衰、有承擔、肯找數,好唔好畀次機會包容一下呢?