IT業界資訊媒體

【向美國求助?】FBI 去年收到 367 宗來自中國嘅網路犯罪投訴

IC3 隸屬於美國 FBI,每年都接收到大量網絡犯罪投訴,2018 年錄得 351,935 宗,即平均每日有超過 900 人求助,按年升 16.7%。顯示網絡犯罪情況越來越嚴重。個案中,投訴量最高的前三名依次序為不付款/未送達詐騙(non-payment / non-delivery scams)、敲詐勒索及個資外洩。

所謂不付款/未送達詐騙,是指商品出咗貨但未收到數,或者係消費者俾咗錢但收唔到貨,上年就有約 6.5 萬人中招;敲詐勒索就有 5.1 萬宗;至於個資外洩嘅投訴,都有成 5 萬宗。

再睇經濟損失,2018 年網絡犯罪造成 27 億美元損失,按年升 90%,非常嚴重。從金額睇,最嚴重嘅網絡犯罪手法,首推變臉詐騙攻擊(BEC),黑客從中獲得 13 億美元,在此再次呼籲各位員工,尤其係高層認真要提防中招。

值得一提嘅係,技術支援詐騙(Tech support fraud)嘅數字大升 1.5 倍。所謂技術支援詐騙,即係騙徒冒充服務供應商如 Microsoft 之類,話你部電腦有問題,要你俾錢或提無遠端連結權限以進行修復。

FBI 全球救助

IC3 於去年 2 月特別成立咗救援隊伍 Recovery Asset Team,與 FBI 合作,專門替 BEC 受害者追返啲錢,至今起回超過 1.92 億美元,recovery rate 高達 75%。

另一個數字又幾特別,IC3 除咗收到美國境內投訴,亦收到來自世界各地嘅求助,首位係印度(4,556宗),次名係英國(3,970宗),第三位係加拿大(2,880宗)。亦有來自中國,有 367 宗,即平均每日起碼有一單,強國點解會向美帝求助㗎?

資料來源:https://bit.ly/2VnFAWt

相關文章:【鹹魚翻身系列】Mirai 罪犯將功贖罪 變身 FBI 特工