IT業界資訊媒體

【侵侵叻返次?】4G/5G 網絡首次發現漏洞

熱愛玩 Twitter 嘅侵侵,上星期四凌晨五點突然出 tweet ,催促美國公司快啲追上 5G 技術,甚至要搶先推出更快、更醒嘅 6G 制式。雖然呢番言論受到公眾猛烈抽水,但由多位外國學者組成嘅研究團隊表示,首次發現隱藏喺 4G/5G 技術內嘅漏洞,唔單只可以透過電訊網絡追蹤目標嘅位址,更可進一步確定手機使用者嘅身份及暴力破解 IMSI 密碼,甚至非法截取通話及短訊,仲話外國已經有電訊公司受到攻擊添,唔通今次係侵侵嘅「神預測」,預早知道呢個制式有漏洞?

今次由學者發現嘅三個漏洞,分別係 TorpedoPiercer IMSI-Cracking Torpedo 利用咗電訊商與特定手機之間嘅尋呼協議(Cellular paging protocols)漏洞,只要喺短時間內向特定電話號碼發出及取消來電,就可以觸發尋呼協議,令目標人物嘅手機自動發出位置訊息。而根據攔截得來嘅數據,黑客亦可以破譯出目標人物嘅 IMSI(國際移動用戶身份)以及暴力破解 IMSI 密碼。學者表示美國四大電訊商包括 AT&TVerizonSprint 以及 T-Mobile 都受到影響,而且呢個漏洞並不限於美國電訊商,幾乎同全球各地嘅 4G/5G 網絡有關。要進行以上嘅攻擊,只須一部價值 200 美元嘅無線電設備就做到,非常簡單。

【侵侵叻返次?】4G/5G 網絡首次發現漏洞
鍾意玩 Twitter 嘅侵侵,最近又再製造關公災難,好多人懷疑侵侵係咪誤會咗 6G 制式係一件產品,可以好易研發出嚟?

資料來源:https://bit.ly/2XmLCEY