IT業界資訊媒體

【一條心】黑客趁亂大舉出擊 老闆僱員防毒錦囊

毋須爭拗,新冠狀病毒疫情喺全球各地升溫,同時間,各大網絡安全機構亦發現黑客正加大力度利用 Covid-19 恐慌,發動各種網絡攻擊。企業喺財政上已因經濟下行飽受壓力,實在再抵受唔起網絡攻擊引發嘅損失。不過,網絡安全唔係可以旨意晒老闆或員工去做,正所謂唇亡齒寒,防毒必須上下同心,員工同老闆都要盡力做好以下錦囊,先可以共度時艱,待疫情退卻重新起飛。

員工

1.保持衛生:公司嘅電腦設備、軟硬件都要保持更新韌體,堵塞已知漏洞。

2.提高警戒:黑客普遍利用釣魚電郵攻擊,員工時刻戒備電郵以及內裡嘅檔案、連結。另外,如使用嘅電郵服務支援雙重或多重登入驗證就要啟用,減少帳戶被盜用風險。

3.安全連線:避免使用公共Wi-Fi 網絡,因為黑客可假扮流動熱點截取數據傳輸。

4.即時報失:如遺失手機、電腦,就要通知公司IT部門,監察有無人利用你嘅裝置登入公司或電腦系統。

老闆

1.管理登入:即時安裝遙距登入安全系統,採用SD-WAN等工具保障員工連接公司內部系統嘅安全性,以免數據被截取。

2.訂定守則:制訂安全守則,例如禁止員工使用個人電郵與客戶溝通,機密文件嘅處理方法,同時要區分不同職級員工登入系統嘅權限。另外,亦要編制緊急聯絡清單,員工如接收到上司或同事嘅轉帳、提供登入資料等指示,必須以另一種途徑向同事確認,舉例如經電郵接收,就要以電話確認,減少冒認風險。

3.安全設備:向員工提供已安裝安全工具嘅電腦設備,同時限制不能以個人電腦處理公司事務。如因經濟問題未能向全員提供,亦應評估各員工嘅職能及面對嘅風險,選擇性提供電腦設備。

4.徵詢意見:現時不少IT公司如Microsoft、Adobe、Cisco均有支援企業遙距工作計劃,讓企業免費使用部分收費應用服務。老闆必須先向IT員工徵詢意見,評估哪種服務較適合公司使用,切忌一言堂,避免因軟硬件衝突衍生漏洞。

資料來源:https://bit.ly/3dhpUu4

相關文章:【全民抗疫】貢獻電腦資源 計出新冠病毒弱點

 

Privacy Preference Center