Browsing: UK

    現時不少人都知道 Google、Facebook 等網上服務巨企,會對用家的網上行蹤感到興趣,但其實網民的電郵帳戶行為,對市場推廣員來說一樣非常寶貴。BBC便發現,有 2/3 電郵內被發信人暗中植入間諜 pixel,以追蹤相關電郵如何被處理! 市場推廣的其中一種方法是透過發送推廣電郵,吸引目標客戶的注意。不過,收件人如何處理電郵,均會對發送人的信譽 (reputation) 有一定影響,例如收件人將郵件標示為垃圾郵件,或從未打開該發送人的電郵等舉動,便會讓電郵服務供應商理解該發送人的電郵沒有價值,將之加入黑名單或直接送到用家的垃圾電郵信箱,以提升用家的服務體驗。此外,市場推廣公司亦極欲得知收件人如何處理電郵,用以製作服務報告給客戶參考,因此有不少市場推廣公司便不惜踩界,在電郵內放入一粒小小的 pixel,以記錄電郵有否被打開及處理方法。 英國傳媒公司 BBC 為了調查 spy pixel 的使用狀況,便委托Hey訊息服務公司分析網絡上的電郵實況,結果便發現有 2/3 的電郵內隱藏著 spy pixel。這些…

    由拘捕孟晚舟嗰一刻開始,就知道侵侵政府下定目標,要打擊華為(同埋中國政府)喺電訊設備市場嘅地位,而且侵侵仲不斷拉攏盟友,向華為說不!不過,英國政府正式發新聞稿,表示會「有限度」採用華為設備,侵侵呢個算盤打唔響喇。 呢單消息公布之前幾個禮拜,美國政府已經派出副國家安全顧問 Matt Pottinger 組成嘅代表團出訪倫敦,出力做游說工作。國務卿蓬佩奧、財長努欽亦不停喺國內發表言論,指華為設備對國家安全構成威脅,英國國會亦熱烈討論呢單嘢,結果都係唔能夠令英國跟隨美國步伐,對華為進行制裁。 過去兩年,侵侵極高姿態向「五眼聯盟」盟友(澳洲、新西蘭、加拿大、英國),以及北約盟友(包括德國等歐洲國家)表示,唔應該採用華為設備嚟興建 5G 網絡,以免俾中國政府竊取數據,同時亦不停透過傳媒報導華為勾結北韓、協助打擊疆獨分子、向伊朗出售設備等新聞。而喺英國決定用華為設備後,都仲有三個參議員去信英國政府,話唔想喺英國脫歐之際,重新審視英美自由貿易協定,同埋兩國情報交換機制,希望英國政府三思。 但係睇返今次英國嘅決定,查實考慮得幾周詳:首先所有用嚟傳送數據嘅核心 5G 網絡設備並唔會採用華為,市民有機會用到嘅網絡,華為都只係負責少量機站同埋天線;至於敏感度較高嘅地方例如軍營等等,華為更係唔可以參與,總之英政府就將華為嘅市場佔有率限制喺 35% 以下,確保其他公司如 Nokia、Ericsson 等可以齊齊分一杯羹,算係平衡晒各方面嘅考慮,將潛在風險減至最低。美國嘅輿論就唔係太敢大肆抨擊英政府嘅決定,始終都對兩國緊密關係有所顧忌,同埋希望呢個唔係最終決定,英政府仲有機會改變主意。 唔單止英國,就連德國都陷於兩難情況,無論用唔用華為,就會得失中美其中一方,可能要承受巨大嘅經濟壓力,所以到呢刻都未決定到,而意大利亦傾向學英國「有限度」使用華為設備。歐盟同埋英國國家網絡安全中心亦一齊發出指引,點樣可以同高危廠商(冇指明道姓係華為嘅)一齊興建電訊網絡,仲提供咗可行方法俾其他國家去跟隨;就連美國自己都鬆咗手,國防部阻止咗商貿部禁止當地企業售賣零件俾華為嘅決定,話晒華為每年向美國企業買入110億美元零件,貿然禁賣會令呢批公司減少科研投資,變相令國家失去科技競爭力。 從以上事例可見,用定唔用華為,睇嚟真係唔容易決定,到底美國係唔係真係會制裁採用華為嘅國家?英美兩國關係跟住會點?就要看下回分解! 資料來源:https://bit.ly/2RSidC0 相關新聞:【侵侵入侵】大量侵侵主題程式蒲頭