根據華盛頓郵報報導，加州州長 Gavin Newsom 將會簽署法案，限制執法人員喺隨身拍攝鏡頭內加入人臉辨識技術，有份動議呢項法案嘅成員話，原本裝備呢啲鏡頭有助改善警民關係，但如果人臉辨識技術會破壞信任關係，令人憂慮會變成監控工具，咁就寧願唔好有呢項功能住，所以法案會強制禁止執法機關喺 2023 年或之前安裝人臉辨識，真係令人拍爛手掌。其實唔好話有無人臉辨識，要市民信得過呢啲鏡頭，除咗儲存影片嘅方法具透明度，唔可以隨便攞嚟用或銷毁之外，仲要小心存放，否則就好易洩露市民私隱。 好似 Miami 嘅執法機關就唔係好靠得住，早排 Black Alchemy Solutions Group 行政總裁 Jasun Tate 就喺自己個 Twitter 度報料，話網上搵到條公開連結，係人撳入去都可以睇到晒警方隨身鏡頭嘅影片，數量仲有成 1TB…