不單只好事會成雙，網絡安全公司 CrowdStrike 最近公布，企業一旦被黑客入侵，一年內再被入侵的機會高達68%！所以千萬不要以為好似架車被抄牌一樣，抄完一次就可以擺多架車一陣呀。 CrowdStrike 最新發表的 2020 安全報告《CrowdStrike Services Cyber Front Lines Report》，其中一項調查項目就是曾被入侵的企業，在一年內有否再受攻擊，而結果顯示，有 68% 企業的而且確被再度攻擊。專家指出不少企業相信可從入侵事件後重拾正常運作，未必需要加強網絡安全或持續監察，但今次結果就證明了受害企業持續及擬定事故回應劇本的重要性。 報告又提及過去一年以賺錢為目標的網絡攻擊中，81% 均屬於勒索軟件 (ransomware)，其餘 19% 為專門入侵 Point…

香港人而家已經習慣電子支付，尤其係疫情下大家為咗避免用實體貨幣購物，更加速咗呢種付費方式。就算用信用卡俾錢，都傾向非接觸式付款，呢種方法嘅好處係設有金額上限，用嚟買啲幾百蚊貨仔嘅嘢，完全唔需要簽名認證，非常方便。不過，一班瑞士學者就發現呢種方法存在漏洞，可以突破金額限制進行交易，對卡主毫無保障！ 正常嘅非接觸式支付過程，係 POS 收費系統發出收費指示後，卡主人拍卡進行付費，如果金額超過上限，就有需要額外輸入密碼去確認，不過專家就喺交換訊息過程中做手腳，將毋須額外密碼驗證嘅訊息傳返俾 POS 系統，成功突破盲腸。不過，要達成呢種攻擊手段，專家話要預備四種材料，首先要有兩部 Android 手機，開發小組研製嘅應用程式同埋一張非接觸式 VISA 信用卡。兩部智能手機要分別安裝 Android 特製程式，令佢哋分別模擬 POS 收費系統及信用卡，而呢兩個特製應用程式係唔需要破解手機先至可以安裝，專家話佢哋已成功喺 Google Pixel 及華為手機上試驗過，同埋亦喺真實店鋪內成功通過測試添！ 至於運作過程又係點呢？首先扮演 POS 系統嘅…