勒索軟件（Ransomware）的確令人聞風喪膽，小編身邊已有唔少朋友嘅公司中咗招，一日唔提高防禦水平，相信受害者將會普遍到總有一個喺左近。就好似最近一個新開張、專門提及有邊啲公司正受到襲擊嘅 Twitter 帳戶，竟然有大家都識嘅 Bossini、c!ty’super 份，而且仲話黑客要脅只要唔俾贖金，就會公開偷咗嘅資料，唔知你又係唔係佢哋嘅顧客或合作夥伴呢？ 呢個新開張嘅 Twitter 帳戶叫做@ransomleaks，由今年 5 月開始營運，專門喺暗網收集資料，睇吓有邊啲黑客組織喺暗網拍賣盜竊返嚟嘅資料，或喺網站公開受害公司部分機密檔案，作為判定有邊間公司已經中招。到底啲料堅唔堅呢？小編就用咗喺 5 月公報嘅一啲個案嚟驗證，發現好似澳洲物流公司 Toll Group 及奧地利 Weiz 小鎮嘅報導都真有其事，所以今次佢話 Bossini 同 c!ty’super…