加密貨幣價格不穩，竟會讓網絡攻擊減少？有安全研究人員發現，加密貨幣價格下跌，為暗網上的加密貨幣交易帶來壓力，並導致「銀行擠提」，導致攻擊者更難將其攻擊「變錢」、購買漏洞或讓惡意軟件即服務（malware-as-a-service）運作。 Cyber​​sixgill 的安全研究負責人 Dov Lerner 指出，自去年 11 月加密貨幣市場價格達到頂峰以來，加密貨幣的價值已損失高達 1.8 萬億美元，導致市場進一步上漲，持有者寧將加密貨幣換成其他更穩定的貨幣。Lerner 認為，現象為常規加密貨幣交易所帶來了壓力，迫使部分人放慢提款速度，以保持貨幣流動。此外，價格變動亦對暗網上的交易所產生了影響。 由於暗網交易所不受監管運作，不會對其用戶進行如 KYC 的身份檢查。 Lerner 指出其運作只供交換貨幣，而不是存儲貨幣的加密銀行，即使費用一般很高，但它們允許用戶將資金從 Revolut 或 PayPal 等服務，轉換為加密貨幣。Lerner…

網絡情報組織 Cyber​​int 與英國 Financial Times 聯合進行的一項調查發現，有不斷擴充的黑客網絡，在 Telegram 上共享數據洩漏資料，有的頻道更擁有數萬訂閱者。研究更指，隨著這類消息應用程式成為暗網的替代品，Telegram 已成為網絡犯罪分子尋求購買、出售和共享被盜數據和黑客工具的中心。 Cyber​​int 的網絡威脅分析師 Tal Samra 表示，最近留意到網絡犯罪分子對 Telegram 的使用率大幅增加了 100% 以上，而對進行欺詐活動和出售被盜數據的威脅行為者中，Telegram 的加密訊息功能使其更受歡迎，因為它比暗網更方便使用。 今年初，WhatsApp…

個人資料外洩事故經常發生，不單只企業遭殃，就連黑帽黑客聚集的地下討論區同樣失守。除了俄羅斯其中一個最大的地下討論區 Maza 的會員被起底，其他知名地下討論區如 Verified、Dread 及 club2crd 亦同樣被入侵，到底邊個搞鬼？ 早前網絡安全資訊網站 BleepingComputer 接獲告密，一個新開設的 Twitter 帳戶用家指俄羅斯地下討論區 Maza 被入侵，更附有一張顯示 Maza 會員資料的截圖，告密者說該外洩資料包括 2,982 位會員的帳戶名稱、電郵地址、密碼、證書名及密碼，以及該批會員用作聯絡的 icq、Yahoo、MSN 及…

一方面，遠程工作、IoTs、網民秒秒遞增；各路黑客的交流平台由 Dark Web 擴展到 Clubhouse 等不同社交平台；裝置網速工具急速演化；雲端、Hybrid Cloud、Edge Platforms 將數據進一步集中，唯獨法規與執法效率追不上時代步伐，國家隊黑客卻諷刺地例外。事實上，企業在資安上一向都靠自己，但在 COVID-19 後擔子史無前例重，2020 年末 Solarwinds 中伏，向其近 2 萬客戶無料放送 Sunburst Malware，幾多人受影響未知，但美國國務院、國防部、軍火供應商、重要電訊商與大學院校均在名單之上，美國政府矛頭指向俄羅斯，是否開打網戰大家不妨買花生，但我們先談談企業資安部署困境。如果這宗事件仍未夠警世，Cybersecutiry Ventures 報告指…

正所謂「道高一尺，魔高一丈」，有網絡保安人員最近就發現一隻新興嘅攔截 DDoS 防禦系統，個名仲好型，叫做 EndGame。不過，呢款工具唔係尋常人買到，因為要識得上暗網論壇 Dread 先買到，佢勁嘅地方係唔單只可以抵擋 DDoS 攻擊，甚至可以抵禦其他入侵者同執法機構嘅行動。 根據 Digital Shadows 嘅研究所講，好多犯罪分子聚集嘅論壇往往都會面對兩個棘手嘅難題，分別係嚟自黑白兩道嘅攻擊，不過無論係行家抑或執法部門，都會試圖用 DDoS 嚟隊冧你個暗網運作。為咗解決以上困擾，EndGame 就好似一款由暗網各個部分一齊構建出嚟嘅工具，真係好似 Marvel endgame 咁，各路（可能係反派）英雄群策群力，一齊對付外來攻擊。 EndGame 基本上就係一款因應暗網而設計嘅反…

為咗避過被執法部門或敵對單位追蹤，唔少人會透過暗網（Dark Web）進行各種違法交易或傳遞機密訊息，呢啲人包括形形式式嘅罪犯、政治人物、傳媒等。一旦暗網嘅機密外洩，或俾執法部門攞到，唔難想像，參與其中嘅人都肯定會驚餐死。而早前威脅情報公司 Under the Beach 就發表報告，指出專門為暗網服務網站提供免費託管嘅供應商 Daniel’s Hosting，就喺今年三月被黑客入侵，偷走咗一堆資料，結果導致 7600 個暗網網站被取締，而Daniel’s Hosting 亦即時停止服務，並呼籲客戶快啲將業務或其他機密工作轉移去新嘅暗網。 根據報告顯示，今次外洩嘅資料包括 3,671 個電郵地址、7,205 個密碼，以及 8,850 條同託管網站有關嘅私鑰。專家就話憑住呢批資料，執法部門可以追蹤到相關網站持有人身份，同埋佢哋做過啲乜嘢違法事件。而策劃呢次入侵行動嘅黑客，據指係來自 Anonymous 黑客集團嘅…

網絡安全資訊平台 HackRead 表示，上月有黑客喺暗網上出售 2.67 億 Facebook 用戶個人資料，但今個月突然激增至 5 億，由於出售嘅資料唔包括登入密碼，所以售價整體嚟講唔貴，三個套餐分別係每十萬個帳戶收450美元、每100萬個帳戶收1,500美元，以及3萬美元一筆過買晒。而喺 5 億帳戶當中，有 290 萬屬於香港用戶，約佔 1/3 港人用戶，大家真係要提高警覺性，防犯嚟緊會有罪犯透過社交工程（social engineering）嚟偷呃拐騙喇！ 今次出售嘅Facebook用家個人資料包括：用戶名稱、姓氏、性別、位置、城市名稱、職業、結婚狀況、電話號碼、電郵地址及帳戶連結，內容非常廣泛，對精於社交工程詐騙嘅罪犯嚟講，已經攞到太多資料，可以假扮成對你有關嘅機構如電訊公司、政府部門、銀行等等，向你發動唔同渠道嘅攻擊，例如釣魚電郵、SMS，甚至盜取你嘅身份作非法用途。 專家透露，相信今次私隱外洩嘅源頭唔係 Facebook，應該係第三方服務供應商或市場推廣公司，由於儲存喺雲端嘅資料庫無做好安全設定，先至會俾罪犯攞到。但專家指出，黑客亦可以透過機械人進行網上爬行，去收集你喺社交平台公開嘅資料，所以勸籲大家千祈唔好公開太多個人資料。HackRead 專家話暫時未知有無人買咗呢啲帳戶資料，但都要小心防範。而除咗香港之外，鄰近地區如澳門、台灣、新加坡，亦分別有41萬、73萬及300萬個帳戶記錄。…

當上網已成習慣，網民最講求上網要快要方便，最緊要唔使成日入密碼或做機械人認證，如果 Load 個網站要等多過三秒鐘？隨時已經無興趣再等。但你有無諗過，方便快捷嘅背後，你犧牲咗啲乜？就係付出太多個人私隱訊息，唔想咁可以點？ TOR 幫到你。 瀏覽器洩密真危機 成日講上網會洩露好多個人訊息，究意有幾多？講多無論，試下入呢個網站 （webkay.robinlinus.com）先。試完係咪好驚驚？抑或睇完都無乜感覺？不妨抽幾樣嚟睇睇。首先係地圖位置，如果罪犯掌握到你實時位置，即係知道你行蹤，唔單只女士會好危險，如對方有你屋企地址，更可以肆無忌憚等待良機爆格。 跟住就係用緊嘅上網裝置作業系統同瀏覽器版本，作業系統及軟件供應商成日叫大家更新系統版本，就係為咗堵塞一啲已知嘅漏洞，如果黑客知道你未更新，要攻擊你就容易好多啦。再嚟就係 Auto-Fill Phishing，如果你貪方便啟用咗，黑客有機會通過唔同方法例如 Cross-Site Scripting （XSS）嚟盜取你嘅登入資料，所以話如果你嘅瀏覽器透露咗咁多訊息，係咪好危險？ TOR網絡 遊花園消痕跡 如果你唔想乜都俾人𥄫實，可以點做？你可以試用 TOR（The Onion Router）洋蔥路由器。…