iOS 其中一款下載次數逾百萬的通話錄音 app 「call recorder」，被安全專家發現竟然存在身份驗證漏洞，開發商儲存於AWS雲端上的用家通話記錄及通話錄音，都可以通過修改 API 指令，被黑客隨意竊取，好兒戲喎！ ClubHouse 語音社交平台早前被爆漏洞，有心人可以闖入不同房間錄音，再將用家對話的語音檔上載網上分享。雖然用家在房間內的公開發言，都會預計有可能被錄音，所以未必有太多機密訊息，但在不知情下被竊聽，感覺始終不太愉快。不過當換轉通話錄音 app 出現安全漏洞，情況就完全不同，因為使用錄音 app 一般都有工作需要，例如記者做電話訪問、同客戶開會等等，當中總涉及一些機密資料。而 PingSafe AI 網絡安全研究員 Anand Prakash 最新發現的安全漏洞，便與 iOS 其中一款下載次數逾百萬的通話錄音…

作為一個雲服務供應商嘅技術支援人員，平時都收到唔少企業客戶投訴，問點解搬咗啲嘢上我哋嚿雲之後，竟然仲俾人入侵到去佢個 database？其實而宜好多企業管理者都以為將虛擬機、應用服務或數據搬上雲，我哋就會幫你守穩大門，唔會俾黑客入侵，但其實條款一早已寫明係「共同責任」模式（Shared Responsibility Model）嚟㗎！ 呢個謬誤其實相當普遍，一來個客未必理解雲端服務嘅運作原理，二來幫襯時亦可能遊咗魂無聽清楚我哋提供嘅保障內容。事實上，公司一早已喺服務條款內寫明，只會確保提供嘅基礎架構、服務嘅安全性，而客戶必須負責自己嘅數據防護。 咁樣做絕對唔係「卸膊」，而係因為幫襯嘅客來自各行各業，採用嘅應用方案亦五花百門，試問我哋點可以一個 settings 招呼晒所有客呢？以 Web Application Firewall 為例，e-commerce 平台同一般企業客戶嘅設定已好唔同，前者要考慮準確過濾惡意連線之餘而唔會擋埋正常顧客，後者基本上就只會俾員工訪問數據庫，所以只可以留返俾客戶自己搞。仲有嘅係如果企業員工嘅安全意識不足，唔小心中咗釣魚電郵俾黑客攞到登入帳戶權限（最新鮮例子係 Twitter），雲供應商又點擋到呢啲表面上屬於合法登入嘅入侵？ 另一方面，Web Application 同背後用到嘅 API 絕對係對外開放，而最終目的地自然係客戶嘅數據庫，莫講話我哋照顧唔到各企業採用嘅工具同設定，就算係企業自己，亦會因工具同工具之間嘅數據無法溝通，而掌握唔到出入嘅數據有無可疑，試問我哋又點樣幫你守穩門口呢？講出嚟你都唔應該信啦！ 所以話，企業喺採用雲端服務嘅時候，態度亦要好似管理傳統…

新冠疫情持續半年有多，好多人嘅生活習慣都改變晒，例如家居工作嘅時間多咗，上網使錢密集咗，玩手機 game 或睇網上娛樂亦挑剔咗⋯⋯消費者嘅日常生活轉晒型，作為提供應用服務嘅企業，都要跟車轉型，將重要工作或 IT 架構移雲。不過，移雲一啲都唔簡單，一旦無守穩整個服務流程，更有可能運作唔到、增加管理成本，最壞情況更加會造成機密外洩，隨時一鋪清盤！ 獨立運作 訪問行為難分善惡 無論邊個行業，老闆而家都面對住同一問題，就係點樣做好遙距工作（Remote Work）同埋網上服務嘅安全保護，因為當企業進行數碼轉型後，員工、客戶主要透過各種網絡應用（Web Application）服務，經 API（Application Programming Interface）介面去存取公司資料庫入面嘅數據，任何一個位置出事，損失都難以估計。 Imperva 亞太區資深技術顧問張瑞宏（Kelvin）指出，必須做好由網絡應用以至數據庫各關卡嘅防禦，先夠穩陣，而關鍵就係網絡流量嘅透明度。「數據庫入面嘅資料就好似珠寶首飾，如果連邊個人入過去、由邊度入嚟、入去做過啲乜都唔清楚，就完全無安全性可言。」要睇通睇透，自然要由一開始睇起，佢話有企業雖然採用咗唔同嘅防禦工具，但工具同工具之間無法溝通，都分唔到入嚟嘅網絡行為有無古惑。舉個例，大門守衛做咗身份認證就放行，但嚟到保險室，如果無溝通，個護衛又點知呢位來賓入嚟做乜呢？佢嘅行為會唔會顯示到佢越權或係冒充呢？所以唔係賣花讚花香，現時市面上可以打通呢三個關卡嘅安全工具，就只得 Imperva 做得到。 天生外向 WAAP 防護至重要…

可能你未必留意到 reCaptcha 係啲乜嚟，但你絕對有用過呢項人類驗證功能。當你去到某啲網站嘅時候，為咗證明你唔係機械人，就首先要通過點選 reCaptcha 驗證 box 入面嘅圖案，例如有幾多格有交通燈、貓，答中咗先可以去到指定網站或開始網購。而雲端安全解決方案供應商 Barracuda 最近就發表報告，多咗黑客利用真嘅 reCaptcha API 嚟提升釣魚攻擊嘅可信性，特別係搏取安全防護系統嘅信任添！ 先交代下 reCaptcha 呢項功能先，其實佢早喺 2003 年已被提出，不過當時只係叫 Captcha。後來團隊諗到用呢項功能行善，就係借助網民力量提升 OCR 光學掃描技術嘅準確度，於是計劃先變成…

有網絡安全機構發現，喺暗網出現一則販賣5.38億微博用戶資料嘅廣告，你估開價幾錢呢？當中嘅資料包括： 真實姓名帳戶名稱性別位置電話號碼 而答案係⋯⋯ ⋯⋯ ⋯⋯ ⋯⋯ 大約 1,200 美元咋！點解咁平呢？因為並唔包括帳戶登入密碼丫嘛！ 至於呢堆黑客聲稱喺上年年中獲得嘅用戶資料，點解出現喺網上，微博就曾經發信俾部分中國網站解釋，話 2018 年尾因為要處理網絡實名化規例，可能喺配對用戶同個人電話號碼嘅 API 上出現問題。 不過，呢個解釋即刻俾國內嘅網絡安全專家否定，因為黑客喺廣告上明確表明啲數據係來自 SQL 資料庫，而且如果只係用 API 配對用戶同電話號碼，亦唔會有埋其他好似性別、位置等資料。另外，有關黑客發動登入驗證盜取或暴力破解帳戶攻擊，去蒐集呢啲個人資料嘅說法亦唔成立，因為售賣嘅資料並唔包括密碼。又係喎，如果有埋登入密碼，5.38億帳戶資料又點值咁少錢呢？ 資料來源：https://bit.ly/3aeTTAG…