坐擁大量病人敏感資訊的醫療機構，近年已成為黑客攻擊目標。醫院管理局表示，去年局方內部電郵系統攔截了高達 5000 萬封釣魚電郵，比 2015 年約 2000 萬封增加超過一倍，另外有大約 5 宗勒索電郵攻擊個案。電郵防護系統 Green Radar 安全業務策略執行副總裁林德齡（Andrew）接受查詢時指出，釣魚電郵是黑客常用技倆，透過植入勒索軟件，將電腦內的重要資料上鎖，要求受害人支付贖金以解鎖資料，或者以受感染電腦作為橋樑，進一步入侵其他電腦，甚至是整個機構的電腦系統。 Andrew 指出，相比起突破網絡防火牆直接入侵他人電腦，釣魚電郵是更簡單的入侵手法，「人的網絡防禦意識始終比較弱；一般人要分辨電郵真假，其實沒想像中容易，一旦不慎點擊釣魚電郵內的超連結或者下載附件，便隨時中招。」雖然醫管局強調，未有因為電郵攻擊造成資料外洩，同時會加強保護重要資料及培訓員工網絡保安意識，Andrew 亦指出，一間機構的電腦系統防禦能力足夠的話，應可抵擋網絡攻擊，但仍不能掉以輕心，「畢竟要癱瘓整個機構的電腦系統，並非全無機會。」 事實上，相比起其他機構，針對醫療機構的網絡攻擊分分鐘搞出人命，去年德國杜塞爾多夫大學旗下一間醫院，其電腦系統便曾被黑客入侵，黑客將病人資料加密，要求院方支付贖金解鎖，期間醫生無法查閱病歷，醫院亦無法接收病人，有病人因此需要轉院，最終該病人因為延誤診治而不幸逝世。雖然有傳黑客的攻擊對象，本來是杜塞爾多夫大學而非旗下醫院，黑客誤中副車後亦隨即將醫院電腦系統解鎖，惟事件反映醫療系統若被黑客攻擊，後果可大可小。 Andrew 認為，一旦被黑客鎖住重要資料，即使願意支付贖金，也無法保證一定能取回資料，或者之後會否再被勒索，因此需做好資料備份及系統防禦，「最好是將釣魚電郵一一攔截，以及偵測電腦流量有否異常，例如不尋常地進行 port scanning…

呢個禮拜嘅網絡安全關鍵字，唔使公投都知答案肯定係「漏洞」啦！當大家知道原來醫管局一個機密度咁高嘅系統，係可以唔需要用密碼登入，成個業界即刻嘩聲四起，乜原來咁都得？有老闆講笑咁話早知新入果張標書唔使寫埋 2FA 之類嘅多重驗證安全系統入去咁多餘啦！官方仲有啲更抵死嘅回應，話因為電腦附近 24 小時都有人 on duty，所以就算唔用密碼登入，理論上都係好安全咁話。如果當佢啱，咁銀行入面點解仲要有夾萬？差館夠人多喇啩，出入咪又係要嘟卡？ 好嘞唔講呢啲，講返今次重點先。有人話呢個係系統漏洞，將來會修補返，但其實呢個好明顯唔係漏洞而係後門。漏洞（Vulnerability）係指執行系統時出現咗超出預期或無考慮過嘅反應，而結果係可以俾黑客利用嚟攻擊，呢啲先叫做漏洞，例如近來最火熱嘅 Microsoft Windows 系統 BlueKeep 漏洞（CVE-20190708），就可以俾黑客遙距執行惡意程式。 不過，如果喺設計系統時一早預留咗條秘密通道，又或者黑客利用漏洞嚟植入後門，將來可以繞過驗證方法 log in，咁就應該叫暗門（trapdoor） 或後門（ backdoor）至啱。其實留定條秘密通道可以有好多原因，正常用途包括為咗方便 programmer 測試或修改系統，又或者作為正常登入系統失靈時嘅後備救援方法；至於暗黑系用途，自然係用嚟監測其他用家嘅私隱，或暗中安裝各種…