網絡安全公司 Fortinet 近日發出警告，一款專門盜取帳戶登入資料的惡意軟件 RedLine Stealer 的變播，正借助新冠病毒變種 Omicron 的驚人傳播力，提升自己感染電腦設備的機率。現時黑客的目標主要是電腦內的 VPN 服務帳號，不過既然已成功入侵，相信其他帳戶登入資料一樣危危乎。 新冠病毒變種 Omicron 再次令全球各地的感染率飊升，病毒傳播力驚人，有專家更指新病毒可以一傳三十！香港市民現時最想知道自己有否與感染者在同一時空出現，評估一下自己被感染的風險。正所謂人同此心，其他國家網民亦希望能儘快掌握疫情發展狀況，只要收到與 Omicron 有關的資訊，網絡安全意識都不會不自覺調低，而背後操縱 RedLine Stealer 的犯罪集團，便快速利用 Omicron 為主題廣發釣魚電郵，Fortinet…

守護社會大眾網絡安全，的確「任何仁」都做得。愛爾蘭政府用於查證市民疫苗注射、檢疫記錄的網站，竟然手殘註冊了一個串字有錯誤的網址，好在兩個眼利國民及早發現，主動註冊正確網址再將訪問請求轉駁返官網，否則隨時可被有心人搶佔用作釣魚網站，令市民私隱陷入危機。 上星期五，愛爾蘭政府啟動新服務，允許過去六個月內的新冠病毒康復市民到網站登記，填寫個人資料以領取數碼新冠病毒認證。這張認證除了康復者可以獲取，其他還有已接種疫苗及最近曾獲陰性檢查的國民，讓他們可以自由出入當地餐廳酒吧，以及在歐盟成員國及歐洲經濟區免檢出入境。 官方原本登記的網域名稱應該是 irishcovidcertificateportal .org，不過，有兩個眼利的市民──記者 Adam Conway 及電腦科學生 Fionn Kelleher 卻發現，註冊的網域名稱竟然在 certificate 部分少了一個i字。他們於是立即買下正確網域名稱，再將網站訪問請求自動轉駁回官方錯誤註冊的網址。二人表示，如果錯誤被犯罪份子發現，他們便可搶先註冊該網域名稱，然後偽裝成官方登記網站，誤導愛爾蘭市民填寫個人私隱資料。由於真假網站之間只相差了一個i字，市民被騙風險非常高，因此二人才急於買下該域名。 除了這個低級錯誤，Dell 軟件工程經理 David Molamphy 認為愛爾蘭政府還有其他可改善的地方，他認為比起以 .org 註冊網址，政府應考慮將網頁納入…

因為疫情嘅關係，視像會議程式突然變到人人都要識用咁滯，南非外交部長馬沙巴內夫人亦唔例外，早排佢本來要就新冠病毒嘅影響，用Zoom主持一個部門嘅視像會議，不過事與願違，呢個會議最終俾黑客入侵，仲要播埋色情內容，場面令人尷尬。 最慘會議上除咗有部門員工同傳媒之外，為咗提升參與度，會議直情開放俾公眾加入，有意參加嘅人超過400個，相信黑客扮成參與者混入會議，喺眾目睽睽之下播放裸露圖片同色情畫面。 隨住視像會議程式嘅需求愈嚟愈大，相關嘅網絡安全問題亦都成為熱話，美國聯邦調查局(FBI)都點名話，Zoom程式有明顯嘅安全漏洞，已經成為黑客目標，更加指出兩宗黑客成功入侵嘅例子：馬薩諸塞州一間高中用Zoom上堂期間，就俾不明來歷嘅入侵者大聲講粗言穢語，同埋公然講出負責老師嘅住址；州內另一間學校就有入侵者喺鏡頭面前，向與會者展示納粹德軍標誌紋身。FBI提醒市民用Zoom或者同類軟件嘅時候，要確保軟件已經更新到最新版本，亦唔好隨便公布同透露進入網路會議室或網路教室嘅連結。 除此之外，加拿大多倫多大學有份參與嘅研究機構Citizen Lab，早前就揭發Zoom有時會用中國伺服器（servers）供應商發出嘅密鑰（keys），就算係北美客戶嘅 Zoom 會議，都可能用咗嚟自中國嘅密鑰。報告質疑Zoom喺中國有三間公司，有可能令 Zoom面對官方壓力嘅時候，有法律責任要披露加密資料。而Zoom亦喺4月3日承認，因為2月用戶流量急升，誤將幾千個用戶嘅會議流量，分流咗去中國兩個數據中心處理，Zoom無透露受影響用戶有幾多，雖然強調已經盡快修補漏洞，不過事件已經令大眾對Zoom嘅安全性存有戒心。 唔少用戶亦都開始尋求Zoom程式以外嘅選擇，包括：Google Hangouts Meet、Microsoft Teams、Cisco WebEx 、又或者係Skype嘅會議功能，經常有需要開視像會議嘅朋友，不妨了解多啲。 資料來源：https://bit.ly/34KXc0R、https://bit.ly/2ymH9Kz、https://bit.ly/3eutbH7 相關文章：【緊急自救】修改群組政策設定 煞停Zoom 派送Windows登入密碼