中文字譯西文，經常令人捧腹。我細細個睇新聞，話檢查有毒物質呈現陽性反應好有問題。我心諗，乜陽性係唔好嘅咩？後來才知係 “Positive” 的翻譯之「誤」。唉，咁樣阿石里克哥哥嘅理論，不如譯做邏輯陽性論，仲勁啦。 上次 Neo 講魚事，旋收讀者來函，又幾好笑。一家人食飯之際，收到阿仔喺大陸的求救 WhatsApp。佢話：「我的銀行存款用完，是否可以存款入我戶口？如果可以，請先轉一千，稍後我再存入你戶口還款。」成家人一睇，文法正確，標點符號完備，語句邏輯通順。所以：必然係假的！而且，眾說紛芸： 阿仔係唔會用完存款嘅！大陸點會有 WhatsApp？佢返咗大陸，會唔會跌咗電話，電話中毒？點會要求轉一千咁多？用辭好似騙案！我地唔好回應佢！ 結果 Call 咗佢，原來係真！據聞成家人鬧到佢飛起，話佢點解寫 WhatApp 用晒正確文法，完備標點符號，通順語句邏輯，阿仔深感慚愧云云。想想，這也不失為一則人肉 False Positive 新聞。 果 D Security…

早前， (2019.04.04)終審法院在協和小學試題外洩案中裁定律政司敗訴，法庭判了一句：「任何人使用自己的電腦，不涉及取用另一人的電腦，便不干犯『不誠實取用電腦罪』。」這判詞令 Neo 頗生感慨，先此聲明：本人不是藍、黃、紅，亦沒有任何意圖不尊重香港法律界、法官的意思，Neo 亦只是個黃毛小子，未有經過任何法律訓練，以下只是一堆廢話：請不要拉我。 我的感慨在於：甚麽是「自己的」電腦？你付了錢，買了一部有 CPU 有一些 Buttons 的東西回來，就是「自己的」電腦嗎？這個所謂的「自己性」（i.e. ownership） 實在是站在 Asset Ownership 的立場而言，即是說，你大可把這個東西用鐵鎚打爛，因為這是你閣下的財產。私有財產的權利，令你可以對此物有獨佔性的權利，別人不經同意使用、損毁，就是侵權行為，受法律約束。顯而易見，這是站在「客觀財物」的角度看「電腦」。 然而，一部電腦（姑且當它是一個 countable noun）的獨佔性可否成立？在硬體而言，OK。你碰我粒掣、插我個 Port，用它來墊煲，就是侵犯了我的「硬體權」。然而，電腦的「存在感」不在於硬體，更在於軟體，尤其是他的 Operating…

顧問行業，原本是人類智慧結晶。由於 Big Data 及 A.I. 的出現，就算是顧問行業，都出現一種存在的焦慮。有一短文，講顧問行業的五宗罪：過份依賴人、以時間計價、貴、顧問報告追不上變化及顧問知識不夠。現今的 Disruptive Technologies 開始讓一眾食呢行飯的顧問出現危機。好簡單：如果我可以自己 GOOGLE 答案，我點解要畀錢請顧問？ 不過，自己 GOOGLE 出來的答案，未必達到所要求的涵蓋性、深度、準確性，而且，只是一堆資料，未必能夠化為有用的策略。人始終有不可代替之處。所以 Wall Street 現時都出現 “Straders”，半人半機器，一邊做 Trade，一邊自己寫程式去有效利用資料。 （Neo…

不好意思，近日 Neo 有喜，潛了水。致歉！ 如果眼睛稱為靈魂之窗，臉就是…玻璃幕牆？你的臉本身是一堆物質，但同時反映你的心靈活動。此外，你的臉亦是你的社會存在（Social Identity），所謂認人，其實是認臉，返工亦要睇老闆面色做人。可見，一張臉，是物理世界、心靈世界及人倫世界的交滙點。 我們的臉，可被掃描於政府數據庫之中：不難，現今技術已做到，外遊過關時一定試過。這帶來更好的保安，及加快過關速率。當然會有誤認，但基本上已越來越準。商用也有，刷臉支付、刷臉提款、刷臉進站都有了，所以也出現了「刷臉概念股」：臉與股真的貼在一起了。 但在「一臉通行」的時代，誰真正擁有我的臉呢？明星所關心的肖像權，現在也應該是大家的關心。按理，肖像被他人使用，應該得到肖像權擁有人的同意。坦白講，我日日周街去，咁多攝錄機，我點知我的尊容有沒有被人盜用？Neo曾試過上網搜臉（當然唔用我自己果塊），找到一堆網上照片，有男有女，都幾好笑。與打指摸不同，刷臉可以發生於不知不覺間，當然私隱是一大問題。另外，在我的肖像視頻上，現已可用 AI 改編，製造 Fake Speech，恐怖到笑。我又諗起，如果我塊臉有肖像權，咁我可唔可以放售權利？如果可以，咁我塊面不再屬於我，我早上唔剃鬚，影響肖像，係咪會畀人拉？ （Neo按：基本上，我們現代人已經不能 Opt out 刷臉這個「權利」了，除非你用了 Burqa。果然是先知！）

之前寫過一些魚事，其實我亦成日賣魚俾人，幫一 D 企業發放各種魚類 (Phishing Email)，搞到我返工好似去咗長沙灣魚類批發巿場咁樣。講開長沙灣，你有沒有見過一種「野獸派」數銀紙方式？一整堆十蚊紙，幾百張成座山咁，當中又濕水又混亂，但係個大佬氣定神閒，一口氣數出來，都費事分開一疊疊。當年搵食就係咁樣。 今次我發果批 FIT 殊，有不同吸引力，有 D 係假扮 Invoice，有 D 係假扮香港 Salary Guide，有 D 係假扮你個帳號快要取消，等等。最攞命果條 FIT 殊，仍然係訴諸恐怖，話你個帳號畀人入侵咗，URGENT，快 D…

權限（Access Rights）是一件很好玩的東西，在電腦系統中，處處可見其身影。例如，你登入你的網上銀行，你只能見到你的資料，見唔到我的資料，這就是你的「權」的「限」。理論上，系統中的一切活動，都需要夠權。不夠權，就睇唔到、改唔到、用唔到（此即上文的 C/I/A）。所以，世上所有黑客，都想抵達一個超高權限的境界，有如系統 Administrator 所有的特權咁高。如此，佢就乜都睇到、乜都改到、乜都用到（理論上）。 對於 Administrator 呢一類特權帳號（Privileged Accounts），係要好好管理的。但係……點管呢？因為佢係特權帳號，佢所有活動紀錄都可抹去、一切對佢設限嘅手段都可以被他撤去，反過來，佢可以更改所有其他帳號，叫其他人奈佢唔何。咁又問，可唔可以取消呢 D 特權帳號，人人平等呢？咁又好危險，因為電腦成日壞，在緊急關頭要救機，唔通仲要圍十條友用十個帳號做十樣嘢咩？一定要用特權帳號，bypass everything，救到個系統再算。 （如果你再問我，點解系統會故障、點解要救機，你可以打去消費者委員會問。） 以前，管理這些特權，唯有由政策入手，再加信封。政策上講清講楚，冇人可以有特權帳號嘅密碼，要用的話，拆信封讀密碼，兩個人一齊做嘢，然後再改個新密碼入信封，再將信封鎖入夾萬。幾十年過去，好多機構仍係咁做。 以上這些，行家好清楚，煩親大家唔好意思。 現在係講真話時間。在塵世上，多數會出現以下情況： 特權帳號一地都係。有 D 秘密特權帳號，唔係叫 root…

今早好天氣，一望出街，成群人在低頭捉怪獸。Neo 諗，乜個遊戲仲未死咩？我家對出的地方，平時少外人，但也算係 Public Areas – 公眾地方，原則上屋邨沒有理由趕人走。 前一陣子幫個客寫 Security Policies，寫到差不多，忽然問我：喂，你有沒有考慮 Public Areas – 公共區域嘅 Security 呀？我反問，Public Areas 嘅 Security 唔係保安局以及香港警察負責嘅咩？佢話，大佬，我係講緊企業入面果幾十萬呎地方，平日 D…

上文提到，權要有限。那麼職責呢？要分。權要限、職要分，夠鐘要放工，得閒要睇 wepro180。 在系統中，有一條重要保安原則：職責分離。在系統及流程中，要把重要功能、職責拆開。在流程中，申請新帳號或者IT服務者，與批准者，須是不同的人。又如有 D 公司將一個超級帳號密碼拆開前後兩截，一人管一截（有 D 似古代果 D 虎符）。又如寫程式的人，不可以把程式直接安裝入系統，要透過另一個團隊。以上這些職責分離，目的是要減少差錯及舞弊。文藝一些講：避免監守自盜。 （再文藝一些…在歷史中，這些職責分離比比皆是，例如中國的皇權與相權的分離、唐代的三省制，以至謀與斷的分工、三權分立等，都有古仔可以講。） 講到呢度，就可以明白，保安系統設計要嚴密，須要包括：有各系統權限的人，他們的職責是否有合理的分離。所以，大機構的 SIEM / Log Management 要求完備，因為要有足夠的 Audit Trails 去審計各程交易 (Transactions)…

我參與這個 IT 行業多年，總是有越來越陌生的感覺。當年讀書，讀著 Mathematical Formal Language 去處理 Turing Machines 的運作及了解其本質性的局限，夾著一塊書簽，有一句話，大約是：「當一切都已經塵埃落定，當一切都已經結束，忽然想起，最初最初的陌生。」 一般地說，初步要把握甚麼是 Information Security 資訊安全，可以用一句老生常談的話，資訊安全就是：機密性 （Confidentiality）、完整性 （Integrity）、與可用性 （Availability）。機密性，是讓未被授權的人，讀不到所受保障的資訊；完整性，是不可隨意更改、損毁資訊；可用性，是讓被授權用家，可以用得到那些資訊。倒過來說，資訊安全的問題，也可歸類為機密性問題（例如盜用他人信用卡號）、完整性的問題（例如讓我銀行存款多三個零）、可用性的問題（例如網站被人用 DDoS 攻擊）等。 其中「可用性」這一項，想想亦頗令人頭大。做過…

又是深宵夜機。望下機場跑道，一閃一閃的指示燈，想起白馬過隙之凡世。又望下黑漆漆的夜色，想想，以大小論，我們的地球，比起銀河系，就有如一粒細菌比起地球咁細。以時間來說，悠悠百歲光陰，比之於宇宙歷史，就等於在一生人中洗半個面咁快。天地者，萬物之逆旅；光陰者，百代之過客。地球人者，細菌之洗面乎？ 想到自己咁渺小，只好攞部手機出來 Fing 下。Fing 下 Fing 下之際，想想，手機知唔知我喺度 Fing 緊佢？梗知啦，部手機有感應器嘛。跟住又諗，有乜嘢感應器呢？睇下，大概有以下的感應器，正在收集緊我 Fing 手機的情報： 喺邊度 Fing：Magnetometer 知道你的方向，GPS 知道你的位置，還有 Proximity Sensor 知道你有沒有咀部手機； 點 Fing：Gyroscope…