針對最快有可能在 5 年後出現的商用量子電腦演算技術，Signal 宣布為其端對端訊息加密安全性作出超前部署，引入最新的抗量子（quantum resistence）加密技術，由於技術獲美國國家標準暨技術研究院（NIST）認證，再結合 Signal 本身採用的橢圓曲線密碼學加密方式，可確保用家訊息在可見的將來都無法被量子演算破譯，有效對付黑客先採集、後破解的潛在風險。 想知最新科技新聞？立即免費訂閱 ！ 量子電腦 VS 超級電腦　200 秒與 1 萬年 要了解量子電腦運算有幾強勁？首先必須了解它的運算原理與現時二進制電腦的分別。傳統電腦每個位元（bits）只能是 0 或 1 狀態，但在量子電腦中，量子位元（qubits）可以同時處於…

Quantum Entanglement 中文叫「量子纏結」，聽落有如愛情小說一般黐纏。量子即是能量包，原本能量不是一包包的，正如未有糯米雞之前，rice 是 uncountable 的。但在上世紀，科學發現，事情要兩面睇（這句話可否申請一個「物理文學獎」？），光也有粒子性，而且，兩枚光粒子，會纏結在一起。講乜呢？即係兩粒光子，不可視之為兩粒，而是二為一體，一幣的兩面，如果Ａ果面係０，Ｂ果面就係１。最奇特嘅就係，呢兩粒光子，就算在銀河的兩端（不遠，十萬光年），在纏結解開的一刻（whatever this may mean），都可以保證，如果Ａ呢面係１，對面就係０；如果Ａ呢面係０，對面就係１，這叫做「超距作用」（聽落好似武功…轟轟轟，超距作用，死啦！）。近日發現，兩粒纏結的光子，除了穿越空間，也可穿越時間，即係話，幾分鐘前嘅一粒光子（可能已經不在人世），也可以與未來的一粒光子纏結，離奇到爆。Bishop Berkeley 說：存在說是被感知。在量子纏結這現象中，真係咁樣，１０１０的表現，在感知的一剎那。而且，Bishop Berkeley 會唔高興嘅一點，就係上帝都偷聽唔到，因為，兩粒黐纏光子，一旦其中一粒開估，纏結就被破壞，對家就知道有人偷聽，嘻嘻。 有冇聽過 Symmetric Encryption？ 在ＩＴ保密學中，兩端要夾一條秘密通信，要加密，對不對？如果要加密，兩頭要協定一條 Key，如果唔係，收到你信息，一堆ＸＹＺ，我點樣解密？問題係，我同你之前點樣夾呢條 Key？所以呢，以前的閏女，要交一條信物給郎君，日後信息傳來，附上此信物，保證信息 Authentic。不過只用一次，近乎…