IT業界資訊媒體

【SME180】中小企數碼轉型 4 大要點

轉型是必定的,而最新的科技將為企業帶來更多衝擊,新一浪的技術如 5GNB-IoT、大數據、雲端、AI 顛覆各行各業的生態,中小企可利用新科技突圍殺出一條血路。

機會處處

互聯網發展至今,所有人的生活、行為、消費模式都已經數碼化,所以數碼轉型絕對係無可避免。個個行家都數碼轉型,此為企業生存之道,事實上,大部份企業轉型之後都可以提高利潤。及早把握數碼轉型機遇,分分鐘可以成為大贏家,最佳例子就係 Uber AirBnB,一個創意點子加上科技,就顛覆咗整個行業生態。

數碼轉型 4 大要點

值得大家留意嘅,係 Uber AirBnB 都唔係賣車賣物業,但就發過賣車賣物業。所以,新世代商機未必再係「實業」,而係創意加上科技,想刀仔鋸大樹?留意這 4 點:

  1. 改變客戶需求
    數碼轉型可以令你更快更準確掌握客戶需求,你必需要靈活變通,增強客戶互動及體驗,甚至改變客戶消費習慣,例如出街可以 call Uber,出埠可以住 AirBnB
  2. 留意科技資訊
    事關每一項新科技都可能改變人類的生活模式,每一個轉變都係契機,可以幫你做得更好;
  3. 留意行業生態
    行業龍頭往往較具前瞻性,而且財雄勢大,絕對有能力顛覆行業。中小企要時刻留神,既可以跟大隊保住命仔,更有機會食住個勢發圍;
  4. 掌握技術
    要轉型,一定要學習新技術,新技術學唔切?現有技術都一定要識,當然唔係要做科研,不過,乜都唔識又點去轉型呢?
危機亦處處

當然,有危有機,數碼轉型亦有風險,做好風險管理方為上策。保護資料必定係首要任務,例如客戶資料、設計藍圖等都係重要財產,必需要做好網絡安全措施。跟車太貼亦未必係好事,望下共享單車就明白晒。最後,亦可能係最重要,謹記數碼轉型並唔係一窩蜂倒錢落去買新科技,或者將生意「數碼化」就算,數碼轉型係利用新技術去開發新商業模式、新商機、新客戶群呀。