不論去銀行提款機撳錢，又或使用電腦登入帳戶，很多時也無法避免要使用鍵盤輸入密碼或登入資料。英國格拉斯哥大學研究團隊就指出，只要通過熱能監察鏡頭及AI人工智能系統，就可以憑鍵盤上殘留的熱量還原密碼，就算在一分鐘後偵測熱能，成功率都有 62%。系統甚至能 100% 破解 6 位數字的銀行提款機密碼，非常危險，以後輸入密碼，可能要作狀撳多幾個掣。 在鍵盤上讀取輸入密碼的橋段，曾經在大量電視劇集或電影內出現，不過大部分都是掃描留在輸入裝置上面的指紋，極少會偵測殘餘熱量。英國格拉斯哥大學電腦科學系研究員受到熱能監察鏡頭大跌價啟發，再結合人工智能及機器學習系統，設計出名為 ThermoSecure 的還原密碼方法。 研究員解釋，雖然一般人在鍵盤或 keypad 上輸入密碼，手指尖每次接觸表面材質的時間都很短，但無可避免地會將熱能傳送到表面上，因此只要在極短時間內利用熱能監察鏡頭拍攝鍵盤或 keypad 表面，便能取得曾輸入過的按掣資料及其順序。根據測試，在一分鐘時偵測熱能成功率有 62% ，如在 20 秒內，成功率更飊升至 86%。 研究員說，其實這種技術非常普通，要擷取資料並不困難。但還原密碼的難度在於連續輸入的時間極短，導致熱能變化差距微細，如果單靠人力去分析，除非密碼只得幾個字元，否則便極難做到，因此必須出動人工智能及機器學習，讓系統從大量數據中整理出人類輸入密碼及創建密碼的習慣、常用的密碼字元及組合等，即使是多字元的高強度密碼，也有可能成功還原。從研究員公布的數據可見，系統成功還原…

早前英國一個 Samsung S10 用家，意外發現自己部手機喺加裝矽膠保護套後，指紋鎖竟然變成任何人都開得。Samsung 喺事後又承認呢個 Bug 真係存在，但當時只係建議用家要用返原裝保護套，對解決件事毫無幫助。不過，Samsung 而家已開始推出更新檔，俾受今次事件影響嘅 S10、S10+、Note 10、Note 10+ 嘅用家，如果收到通知，就要即刻更新同埋重設指紋認證喇。https://www.youtube.com/embed/e-uG8ZO28hU?wmode=transparent&rel=0&feature=oembed 指紋鎖愈驗愈醇 根據 Samsung 嘅公布，呢批手機採用嘅超聲波指紋鎖存有漏洞，佢原本嘅解鎖原理，係透過收集超聲波反射嘅數據，去重建 3D 指紋圖案再進行驗證。不過，由於矽膠手機套本身嘅材料或入面嘅紋理有可能會被指紋鎖誤認為指紋特徵，所以如果戴咗套做指紋登記，呢啲「數據」會被記錄為指紋嘅一部分；而即使無戴套做指紋登記，亦會因手機系統慢慢「適應」咗用家嘅指紋誤差，令戴套後變得更容易解鎖。知道呢個漏洞後，NatWest、Royal Bank 等銀行已即時移除咗支援…