近年人工智能（AI）技術發展蓬勃，各種應用服務如雨後春筍般湧現。不過，人工智能可說是一把兩刃劍，如落在黑客手上，便會帶來非常強大的破壞力。有見及此，中信國際電訊 CPC（以下簡稱 CPC）作為企業的 TechOps 信息安全賦能者，早前便舉辦了一場 CyberSecurity ReDEFINED 研討會，以人工智能重新定義信息安全為主題，邀請嘉賓分享人工智能攻防心得，讓業界及早為部署及提升整體防禦做好準備。 人工智能開拓企業商機 專才短缺引發安全風險 今次研討會的主題是重新定義信息安全，而當中人工智能技術更是不可或缺。經濟學人智庫總監 Edward Chui 指出，在過去的這一年，大家都親身感受到人工智能的快速發展，由以往相對簡單的應用如 Siri 智能助手、Netflix 的影片推薦功能，到過去一年的 ChatGPT 及各種生成式 AI…

為咗確保機密情報或系統唔會被黑客偷走，將電腦斷網運作嘅 air-gap 做法，一直被認為係最最最安全。不過，到底係咪真係完全無敵呢？梗係唔係啦！好似近年就多次有研究員、黑客示範，點樣喺 air-gapped 嘅電腦內偷資料，我哋之前亦邀請到本地 Cybersecurity 研究團隊 VXRL 嘅 Boris So 完美示範過；簡單講，就係以一隻靠扮 USB Keyboard 而實質會裝惡意軟件嘅手指，插入斷咗網嘅電腦，再用意想唔同嘅方法將數據外傳，例如 Boris 就將文字轉化成人耳聽唔到嘅超高頻傳送出嚟，再用另一部電腦接收同轉換返。 咁係咪拆咗個 Speaker 就可以維護返斷網電腦嘅無敵傳說呢？咁諗就錯喇。…

唔少人去餐廳或 cafe 嗰陣，都習慣將手機放喺枱面，方便隨時檢查下有無短訊或接聽來電。而為咗私隱問題，通常都會將屏幕朝下，咁就唔怕其他人（特別係另一半）睇到自己同邊個傳緊短訊，甚至係訊息內容啦！不過，有網絡安全專家指出如果手機啟動咗語音助手功能，放喺枱面呢個行為已足夠俾有心人奪取你部手機嘅控制權，暗中讀取你嘅私隱，最驚係可以用你部電話打俾其他人傾偈，而你係完全唔會發現㗎！ 發現呢個漏洞嘅研究員，係來自華盛頓大學電腦科學及工程嘅 Ning Zhang，佢稱為 Surfing Attack 所利用嘅方法，其實只係人耳聽唔到，但手機收音咪就接收到嘅高頻音效，於是就可以暗中向手機嘅語音助手發出指令，例如讀取剛收到內有雙重因素認證（2FA）碼嘅訊息、甚至係用你部手機打電話同人傾偈添。研究員試用過市面上 17 部智能電話，包括 iOS 陣營嘅 iPhone，以及 Android 陣營嘅 Samsung Galaxy 等等，佢話只要將手機放喺枱面，無論將枱用金屬、玻璃、木作為材料，甚至喺 30呎外，都一樣可以通過枱作為媒介，將高頻音效傳送過去，而且正面或反面咁擺，都完全無問題，不過屏幕朝下就更難察覺手機運作緊咁解。…

旁路攻擊（Side-Channel attack），係透過一啲非正常渠道嘅手段，去竊取攻擊目標嘅訊息，例如通過人耳聽唔到嘅超高頻將 keylogger 截取嘅訊息傳送出去，又或者通過監測電腦硬件嘅耗電量，估計數據儲存位置而發動攻擊等等；不過，呢種攻擊通常唔容易發動，例如首先要喺目標電腦安裝咗惡意軟件，同時可以讀取到嘅數據量都唔會太大。 偷譯你聲音 最新發現應用喺手機上嘅旁路攻擊 Spearphone 就簡單得多，基本上只要用家安裝咗有問題嘅 app，黑客就一定可以將受害者啲私隱手到拿來。網絡安全獨立研究團隊最新發表一項研究報告，指出黑客可以通過 Android 手機上嘅加速器（accelerometer)，讀取通過手機揚聲器發出嘅音訊內容。其竊取數據嘅方法，係透過加速器感應手機揚聲器發咗聲音後嘅殘響（reverberation），再通過語音辨識將佢還原為語音訊息。只要手機開啟咗揚聲器，用嚟進行語音通話、聽留言，加速器就可以感應得到，所以如果打電話上客戶服務部、對方同你核實私隱，又或手機語音助理讀取你嘅行事曆、聯絡電話出嚟嘅時候，黑客就可以攞得到。 不過研究團隊話，呢種旁路攻擊只可以喺開咗免提模式，同時將音量開到最大聲，先足以令加速器感應到足夠嘅數據，而且亦只可以「聽」到手機揚聲器發出嘅聲音，手機用戶嘅說話就無辦法讀取得到。 現時研究團隊發現 Google Play 上共有 1300 個以上嘅 app 可以做到呢種竊聽效果，因為…

唔少香港人都會睇 Netflix 追睇美劇，好似之前嘅神劇《House of Cards》、《Black Mirror》等等，好過睇大台千篇一律嘅電視劇集。原本呢啲劇集或電影係受到數碼版權簽證保護，無咗佢就解唔到密，不過最近有研究員就發現，透過 side-channel attack 竟然可以取得受保護嘅節目內容，而且由於加密方法廣泛被其他網上節目供應商例如 Hulu、 Amazon Prime 所採用，所以絕對有可能用相同手法進行破解！ Netflix 解密金鑰迂迴發放 現時要保護數碼娛樂內容例如電視劇集、電影、音樂，都會利用數碼版權保護 （Digital Rights Management）框架去加密內容，通過重重驗證先可以喺播放裝置上進行解密，用家先會睇到或聽到內容。 Netflix…