有網絡安全機構發現，喺暗網出現一則販賣5.38億微博用戶資料嘅廣告，你估開價幾錢呢？當中嘅資料包括： 真實姓名帳戶名稱性別位置電話號碼 而答案係⋯⋯ ⋯⋯ ⋯⋯ ⋯⋯ 大約 1,200 美元咋！點解咁平呢？因為並唔包括帳戶登入密碼丫嘛！ 至於呢堆黑客聲稱喺上年年中獲得嘅用戶資料，點解出現喺網上，微博就曾經發信俾部分中國網站解釋，話 2018 年尾因為要處理網絡實名化規例，可能喺配對用戶同個人電話號碼嘅 API 上出現問題。 不過，呢個解釋即刻俾國內嘅網絡安全專家否定，因為黑客喺廣告上明確表明啲數據係來自 SQL 資料庫，而且如果只係用 API 配對用戶同電話號碼，亦唔會有埋其他好似性別、位置等資料。另外，有關黑客發動登入驗證盜取或暴力破解帳戶攻擊，去蒐集呢啲個人資料嘅說法亦唔成立，因為售賣嘅資料並唔包括密碼。又係喎，如果有埋登入密碼，5.38億帳戶資料又點值咁少錢呢？ 資料來源：https://bit.ly/3aeTTAG…

智能電視 (smart TV) 是大部分家庭必備電器，但正所謂能力愈大，風險愈高，有國內用家因家中的 Skyworth 智能電視行得慢，於是深入研究內部運作，揭發原來電視每隔十分鐘就會將大量私隱資料上傳，當中包括家中的 Wi-Fi router 範圍內有什麼裝置、這些裝置的連線狀況，換言之手機是否在家，有什麼人曾到訪，全部一清二楚，好離譜！ 事發於上月 22 日，有熟悉電腦技術的用家在技術人員討論區 V2EX 發文，指由於家中的 Skyworth 智能電視愈行愈慢，於是就分析背後的運作數據，意外發現內裏有一個程式每相隔十分鐘，便會掃描家中Wi-Fi網絡，收集上述各種數據並上傳到一個名為「勾正數據」(Gozen Data) 的伺服器。由於採集的數據非常多，嚴重侵犯用家的私隱，貼文一出及被轉載至微博後，即時掀起極大風波。 翻查勾正數據網站上的描述，自 2014…

今年 4 月初，中國國內出現一隻勒索軟件 WannaRen，中招者不單自己部電腦出事，就連同一內聯網嘅電腦都會受感染。由於個名同著名勒索軟件 WannaCry 相似，所以就有人懷疑係咪同一黑客所為？不過，經過內地網絡安全公司調查後，發現隻勒索軟件係用「易語言」嚟寫，所以相信絕對有可能係中國人所為。奇就奇在，製造呢隻惡意軟件嘅黑客喺幾日後，自動上載解密器俾人解密，完全唔使俾之前話要收嘅贖金，到底搞邊科？點解又同北韓金仔有關呢？ 其實今次金仔都好無辜，因為同佢又無直接關係，只係黑客將金仔嘅漫畫黑客造型放咗喺 WannaRen 勒索軟件嘅主介面咋。對於 WannaRen 事件，國內安全服務公司火絨安全有詳細來源去脈報導。簡單嚟講，就係 WannaRen 喺知乎、貼吧、微博上突然成為熱門討論話題，以及出現好多受害者後，火絨就開始對呢隻勒索軟件進行源頭追蹤。發現原來黑客係利用 Windows 系統嘅 EternalBlue 漏洞嚟發動攻擊，只要中咗毒，WannaRen 就會由 C&C 伺服器下載及安裝挖礦軟件同勒索軟件，同時感染其他電腦。而且編寫代碼係用中文嘅易語言，所以否定咗同…