早前， (2019.04.04)終審法院在協和小學試題外洩案中裁定律政司敗訴，法庭判了一句：「任何人使用自己的電腦，不涉及取用另一人的電腦，便不干犯『不誠實取用電腦罪』。」這判詞令 Neo 頗生感慨，先此聲明：本人不是藍、黃、紅，亦沒有任何意圖不尊重香港法律界、法官的意思，Neo 亦只是個黃毛小子，未有經過任何法律訓練，以下只是一堆廢話：請不要拉我。 我的感慨在於：甚麽是「自己的」電腦？你付了錢，買了一部有 CPU 有一些 Buttons 的東西回來，就是「自己的」電腦嗎？這個所謂的「自己性」（i.e. ownership） 實在是站在 Asset Ownership 的立場而言，即是說，你大可把這個東西用鐵鎚打爛，因為這是你閣下的財產。私有財產的權利，令你可以對此物有獨佔性的權利，別人不經同意使用、損毁，就是侵權行為，受法律約束。顯而易見，這是站在「客觀財物」的角度看「電腦」。 然而，一部電腦（姑且當它是一個 countable noun）的獨佔性可否成立？在硬體而言，OK。你碰我粒掣、插我個 Port，用它來墊煲，就是侵犯了我的「硬體權」。然而，電腦的「存在感」不在於硬體，更在於軟體，尤其是他的 Operating…

當上網已成習慣，網民最講求上網要快要方便，最緊要唔使成日入密碼或做機械人認證，如果 Load 個網站要等多過三秒鐘？隨時已經無興趣再等。但你有無諗過，方便快捷嘅背後，你犧牲咗啲乜？就係付出太多個人私隱訊息，唔想咁可以點？ TOR 幫到你。 瀏覽器洩密真危機 成日講上網會洩露好多個人訊息，究意有幾多？講多無論，試下入呢個網站 （webkay.robinlinus.com）先。試完係咪好驚驚？抑或睇完都無乜感覺？不妨抽幾樣嚟睇睇。首先係地圖位置，如果罪犯掌握到你實時位置，即係知道你行蹤，唔單只女士會好危險，如對方有你屋企地址，更可以肆無忌憚等待良機爆格。 跟住就係用緊嘅上網裝置作業系統同瀏覽器版本，作業系統及軟件供應商成日叫大家更新系統版本，就係為咗堵塞一啲已知嘅漏洞，如果黑客知道你未更新，要攻擊你就容易好多啦。再嚟就係 Auto-Fill Phishing，如果你貪方便啟用咗，黑客有機會通過唔同方法例如 Cross-Site Scripting （XSS）嚟盜取你嘅登入資料，所以話如果你嘅瀏覽器透露咗咁多訊息，係咪好危險？ TOR網絡 遊花園消痕跡 如果你唔想乜都俾人𥄫實，可以點做？你可以試用 TOR（The Onion Router）洋蔥路由器。…

Cisco 1001-X 系列路由器並唔係家用裝置，而係一個（應該要）非常穩陣可靠、專攻企業使用嘅網絡裝置。今次發現嘅問題出喺信用錨（Trust Anchor）驗證基制之上，黑客可透過漏洞喺源頭繞過驗證，非常大鑊！ 兩大漏洞攻破不可能 最近有研究員發現 Cisco 1001-X 系列路由器存在極大漏洞，容許黑客遙控攻擊，控制裝置並可以獲取所有經過路由器嘅訊息及指令。資安公司 Red Balloon 研究員解釋，今次總共發現兩個漏洞：第一個為 Cisco 嘅 IOS 執行系統漏洞，相對上簡單，屬小兒科，一般修補方案更新就搞得掂；第二個就麻煩喇，因為關乎信任鍊（Chain of Trust）嘅驗證問題。 Cisco 喺…

WhatsApp 有重大保安漏洞，仲要係防禦不能，普通版同 Business 版齊齊中招，同埋唔理你係 iOS、 Android 抑或 Windows 作業系統，統統都走唔甩。唔想俾黑客無聲無息遙距安裝惡意程式，就要即刻將佢更新去最新版本喇！ WhatsApp 用家全部中招 WhatsApp 今朝新鮮熱辣公布，旗下各版本嘅應用軟件存有緩衝區溢位（buffer overflow）漏洞，可以俾黑客利用，喺目標用家嘅手機內遙距執行惡意程式，偷偷哋安裝間諜軟件。攻擊手法仲要相當簡單，只係透過 WhatsApp 嘅語音通話功能，無論目標手機有無接到來電，黑客已可利用緩衝區溢位漏洞，喺其他緩衝記憶區取得權限並執行指令，安裝一隻名為 Pegasus 嘅間諜軟件，而且事後仲可以刪除埋未接來電嘅提示，所以基本上係中咗招都唔會知道，認真大件事。 到底 Pegasus…

從事資訊安全工作多年，曾在不同場合的講座中，被不少中學生和老師問我如何入行？要成為資安顧問，有何學歷要求？ 資安顧問是否「黑客」？ 應該考取哪些資安課程證書會較實際？甚至打爛沙盆問到篤，追問資安顧問的收入及發展前途。當然除了學生之外，還有其他行業人士有興趣「中途轉機」，可見普羅大眾對資安行業的資訊還是比較陌生，更遑論要成為資安 新人王 。 著重實戰經驗 其實資訊安全行業絕不神秘，跟其他行業一樣，也有很多相關證書可以考取，晉升階梯亦算清晰。接下來筆者將會撰寫一系列資安入行秘笈，分享在業內快人一步上位的正確途徑。 毋容置疑，擁有資安證書會較容易入行，但如果你有使用和安裝網絡安全產品 （如防火墻）的經驗，又或有 PKI 密碼學和電子證書使用和配置的經驗，甚至乎你已考取了相關的國際資安證書，很多公司都會願意聘請成為資安顧問。不過，最穩打穩紮的途徑，還是修讀香港各大教育機構開辦的課程。 VTC 資安 新人王 速成班 香港專業教育學院（VTC）開辦的資訊及網絡安全兩年制高級文憑 （Diploma）全日制課程，可算是本地課程的表表者。課程旨在訓練學生學習及應用資安知識，去分析、設計及實現安全的網絡及電腦系統。課程的內容緊貼市場，還著重通識教育、語文訓練、全人發展，亦為學生提供實習機會，有助加强學生的解難能力和熟習職場運作，往往一畢業就能快速受聘並跟職場環境磨合，屬於實戰型課程。本港不少公營機構及私營企業，包括跨國公司等，都樂意提供實習機會給這課程的學生。 入學門檻並不算高，只要於香港中學文憑考試 (Hong Kong Diploma of Secondary Education Examination, DSE)其中五科成績考獲第二級或以上（包括英國語文及中國語文）；或擁有 VTC 基礎（級別三）／基礎課程文憑、中專教育文憑／職專文憑、毅進文憑或同等學歷，即可申請。不過，這課程屬 VTC 的熱門學科，每年招收約 90 個學生，但入學申請卻多達數百，競爭頗為激烈。…

香港仍算是安全的地方？如果你曾細閱香港電腦保安事故協調中心早前發表的 2019 年第一季度保安觀察報告，可能會對當中記錄的安全事件個案大感驚訝，總數量比去年第四季大增接近 4 倍，當中涉及惡意程式的更暴升 786% ，可見黑客的攻擊已不再悄然隱伏，而是波濤萬丈地肆虐橫行。企業在這片怒海上航行，如何才能對抗巨浪，安然駛向目的地？ 網絡安全欠架構 黑客攻擊的手法正在不斷演變，針對電腦硬件、軟件以及人為漏洞，進行各種各樣的攻擊。企業由於擁有大量商業機密、客戶資料，自然首當其衝成為攻擊的對象。為了防止黑客入侵，到底應該將資源投放於電郵保安、端點防護，還是加強在員工培訓之上？ 羅兵咸永道會計師事務所（PwC）合伙人顏國定認為缺乏明確的 Security Management Framework，管理者便難以從宏觀角度掌握局勢，猶如在暗中夜行，看不清前路。 「香港企業面對的網絡安全問題，並非單一方法可以解決。」羅兵咸永道會計師事務所（PricewaterhouseCoopers, PwC）合伙人顏國定解釋，網絡保安問題環環相扣，如欠缺對整體問題的了解，沒有一個明確的 Security Management Framework，管理者便猶如在暗中夜行，難以看清前路。「很多管理者並不理解網絡安全架構規劃的重要性，以房屋為例，公司內部除了大門外，內裡就沒有其他間隔，讓黑客進入後可以輕易找出有價值的東西。在安全架構的認知這方面，香港企業足足比其他地區的發展落後五年。」 輕視電腦科技人材 主要原因，顏國定認為跟香港長久以來的經濟架構有關，「香港經濟社會以實業為主，缺乏科技主導的行業，以至家長不願子女修讀電腦科技課程或投身相關行業。」社會上長期輕視科技的結果，便導致現時區內嚴重缺乏人材，「要提升企業的網絡系統安全，絕不可單靠網絡安全產品把關，往往需要很強的…

講緊嘅唔係侵侵嗌停中美貿易談判引爆嘅華爾街股災，而係全球第二大暗網交易平台 華爾街市場（Wall Street Market）因為被歐美警方聯手搗破，搞到賣家及用戶人人自危嘅事件。今次行動能夠成功破獲呢個暗網（Dark Web）交易平台，原來全因一個管理員勒索用戶失敗，於是決定攬炒，將登入 華爾街市場 嘅資料公開，造就今次歐美警方嘅聯合行動大舉成功。 暗網保護基制隱藏身份 暗網交易平台，係指透過洋葱網絡（Tor）嘅層層隱身管道，成功製造出一個俾毒品、武器等違禁品賣家及買家聚集嘅網上空間，由於身份難以追蹤，所以全球警方要對付呢啲平台都唔容易，要喺上面販毒、售賣軍火、買兇都得，而平台就會收返啲服務費。當然為咗隱藏身份，就連交易都會用加密貨幣。 Silkkitie 被冚 華爾街市場 人流大增 今次歐美警方聯手搗破 華爾街市場 嘅行動雖然發生喺 4 月尾，不過，事件嘅導火線可以追溯至今年初芬蘭海關瓦解另一個暗網交易平台 Silkkitie 開始。由於芬蘭海關成功拉人封鋪，逼使原本喺…

IoT 設備嘅種類極多，上淘寶隨便搵一下，好似 監控鏡頭 、智能門鎖、智能溫度計等等，平到二百幾蚊已有交易，碌下碌下見得意就會買返嚟玩下。不過，最近其中一款用於 IoT 產品嘅軟件 iLnkP2P ，就被發現存在極大漏洞，專家唯一嘅建議，竟然係買過部新嘅先得！ iLnkP2P 呢款軟件係由深圳一間叫做 Yunni Technology 所開發，網絡安全研究員 Paul Marrapese 指出呢款軟件被多間公司採用為旗下具備 監控鏡頭 嘅操作介面，包括 HiChip、 TENVIS…

隨著雲端應用及網絡的急速發展，為 IoT （Internet of Thing）產品的茁壯成長提供了良好的基建環境。 IoT 產品的應用，被形容為主導著傳統行業能否成功數碼轉型的關鍵；特別是處於紅海戰場的服務行業，如何透過引入 IoT 產品提升顧客體驗，建立穩定的客戶關係，便成為重要的課題。已有 90 年歷史的 Hongkong & Shanghai Hotels Limited ，亦開展了一場平衡便利與私隱風險的數碼革命。 自設開發團隊 根據國際市場調查公司 IDC…

中小企善用新科技的最佳例證之一，就是 SaaS（Software as a service，軟體即服務）。據報導，至 2019 年約有 62％ 機構將會使用至少兩個 SaaS。無他嘅，因為 SaaS 絕對可以提升工作效率及業績。網站 Finance Online 早前報導，列出 30 個小企業必備 SaaS，從會計軟件到人力資源到 CRM，既方便好用，又可以節省大量技術及維護工作，絕對是中小企恩物，想知有乜必備？即刻睇睇。 1.…