日本機械人酒店 ヘンナホテル（Henna Hotel），早前被發現客房內嘅機械人助理存在漏洞，好明顯係因為營運者為咗方便客人使用，無好清楚咁試用過，結果反而害咗人哋啦，各位營運者真係要考慮清楚每項功能，會唔會存在網絡安全漏洞先好用呀！ 2015 年開業嘅 ヘンナホテル，係由母公司 H.I.S. 集團主導嘅主題酒店項目。酒店最大嘅特色，就係由前台接待、check in、搬行李，一概由機械人包辦，大大減省咗人力成本。對客人嚟講，有無人接待唔緊要，最緊要係可以喺社交平台打卡，同埋機械人唔好太蠢就得。 今次嘅漏洞係由網絡安全工程師 Lance R. Vick 所發現，Lance 入住期間發現床邊有部 Tapia 機械人，只要用手機經 NFC 同 Tapia 配對，安裝咗一個第三方應用程式，之後就可以無線串流播放音樂，或透過佢嚟視像對話。用 NFC…