呢個方法唔得，咪試下另一個方法囉！呢句說話大家都講過唔少，同時間亦係黑客高手嘅處世態度，所以先可以創造咁多攻擊方法出嚟。最近有網絡安全研究員發現，黑客又喺釣魚電郵攻擊手法上加多重掩飾方法，通過 QR Code 將目標人物帶離公司嘅防禦系統，再利用心理盲點令對方輸入公司帳戶登入資料，雖然唔係百分百成功，但都係果句，試下無壞丫。 今次被研究員發現嘅 QRishing 攻擊手法，針對嘅攻擊對象係法國公司 Cofense 嘅僱客。攻擊首先由一般嘅釣魚電郵開始，目標人物會收到一封標題為 Review Important Document 嘅電郵，叫佢哋利用附件嘅 QR Code 去讀取一份重要嘅文件。如果目標人物用手機 scanner 跟住照做，黑客就會引導佢哋去到一個虛假嘅 SharePoint 登入網站，由於呢個網站係企業常用嘅內部管理系統，所以好易有目標上當，跟手輸入埋…