Nokia 發表 2021 威脅情報調查報告，根據公司的 NetGuard Endpoint Security 工具收集的數據顯示，新出現的銀行木馬病毒數量較去年上半年大增 80%。專家特別呼籲 Android 智能手機用家要小心，因為最成功的銀行木馬病毒，主要都是瞄準 Android 用家。 銀行木馬病毒主要用於竊取受害者的銀行帳戶登入資料，例如登入名稱、密碼等等。而在今次 Nokia 發表的報告中指出，黑客現時竊取資料的手法相當多元化，包括使用屏幕截圖、暗中記錄虛擬鍵盤輸入資料，又或於銀行應用軟件上加添透明層記錄輸入內容等等。不過，由於現時銀行帳戶一般都會要求用家使用雙重因素驗證 (2FA) 功能，即在登入名稱及密碼外，還需額外使用一組經 SMS 或驗證…

如果你係 Toyota Auris、Camry、Corolla、Hi-ace、Hilux、Land Cruiser、Yaris 嘅車主，又或係 Hyundai IX20 、I40，Kia Rio、Soul、Optima等型號嘅車主，咁就唔好彩喇，你架車嘅原廠防盜有漏洞，隨時有可能俾人偷走部車，快啲買返個軚鎖啦！ 之前我哋都報導過採用 Keyless Go 汽車系統嘅弱點，就係罪犯可以透過放大車匙嘅訊號，甚至以接力形式拉長訊號傳送距離，令佢哋唔需要偷或複製車匙，就可以遙距解鎖車門及偷車。咁係咪傳統電子式車匙就穩陣啲呢？最近比利時及英國嘅研究員就發現，Toyota、Hyundai、Kia 旗下部分車款，原來可以好容易俾罪犯破解電子式車匙內嘅解鎖碼，解除車身防盜系統運作。受影響嘅車款有好多，可以參考下面嘅附表。 呢一批車原來都有一個共通點，就係防盜系統採用咗 Texas Instruments 嘅加密系統 DST80。不過，又唔好以為係呢套系統有漏洞喎，只不過係上述三間車廠喺應用呢套系統嘅設定上各自存在漏洞。Toyota 喺產生密鑰時，係基於電子式車匙嘅…

Samsung 手機喺香港都多人追捧，好似早排出嘅話題摺機 Galaxy Z Flip 及 Note 系列等，不過唔好意思喇，只要你係 S5 打後嘅機主，就要盡快睇吓有無得 update 手機嘅 firmware 喇，事關由 2014 年推出嘅手機，都開始支援 Qmage 呢種圖像格式，而 Google Project…

由拘捕孟晚舟嗰一刻開始，就知道侵侵政府下定目標，要打擊華為（同埋中國政府）喺電訊設備市場嘅地位，而且侵侵仲不斷拉攏盟友，向華為說不！不過，英國政府正式發新聞稿，表示會「有限度」採用華為設備，侵侵呢個算盤打唔響喇。 呢單消息公布之前幾個禮拜，美國政府已經派出副國家安全顧問 Matt Pottinger 組成嘅代表團出訪倫敦，出力做游說工作。國務卿蓬佩奧、財長努欽亦不停喺國內發表言論，指華為設備對國家安全構成威脅，英國國會亦熱烈討論呢單嘢，結果都係唔能夠令英國跟隨美國步伐，對華為進行制裁。 過去兩年，侵侵極高姿態向「五眼聯盟」盟友（澳洲、新西蘭、加拿大、英國），以及北約盟友（包括德國等歐洲國家）表示，唔應該採用華為設備嚟興建 5G 網絡，以免俾中國政府竊取數據，同時亦不停透過傳媒報導華為勾結北韓、協助打擊疆獨分子、向伊朗出售設備等新聞。而喺英國決定用華為設備後，都仲有三個參議員去信英國政府，話唔想喺英國脫歐之際，重新審視英美自由貿易協定，同埋兩國情報交換機制，希望英國政府三思。 但係睇返今次英國嘅決定，查實考慮得幾周詳：首先所有用嚟傳送數據嘅核心 5G 網絡設備並唔會採用華為，市民有機會用到嘅網絡，華為都只係負責少量機站同埋天線；至於敏感度較高嘅地方例如軍營等等，華為更係唔可以參與，總之英政府就將華為嘅市場佔有率限制喺 35% 以下，確保其他公司如 Nokia、Ericsson 等可以齊齊分一杯羹，算係平衡晒各方面嘅考慮，將潛在風險減至最低。美國嘅輿論就唔係太敢大肆抨擊英政府嘅決定，始終都對兩國緊密關係有所顧忌，同埋希望呢個唔係最終決定，英政府仲有機會改變主意。 唔單止英國，就連德國都陷於兩難情況，無論用唔用華為，就會得失中美其中一方，可能要承受巨大嘅經濟壓力，所以到呢刻都未決定到，而意大利亦傾向學英國「有限度」使用華為設備。歐盟同埋英國國家網絡安全中心亦一齊發出指引，點樣可以同高危廠商（冇指明道姓係華為嘅）一齊興建電訊網絡，仲提供咗可行方法俾其他國家去跟隨；就連美國自己都鬆咗手，國防部阻止咗商貿部禁止當地企業售賣零件俾華為嘅決定，話晒華為每年向美國企業買入110億美元零件，貿然禁賣會令呢批公司減少科研投資，變相令國家失去科技競爭力。 從以上事例可見，用定唔用華為，睇嚟真係唔容易決定，到底美國係唔係真係會制裁採用華為嘅國家？英美兩國關係跟住會點？就要看下回分解！ 資料來源：https://bit.ly/2RSidC0 相關新聞：【侵侵入侵】大量侵侵主題程式蒲頭