做咗資安界咁多年，其中一個印象最深刻嘅場景，就係 2010 年嗰屆 Black Hat 網絡保安大會，研究員 Barnaby Jack 現場示範點樣快速入侵一部提款機，成功令佢嘔晒所有錢出嚟。當部機嘔緊錢，畫面仲要顯示「JACKPOT」老虎機中獎畫面，所以日後呢類型入侵都叫做「jackpotting」。 雖然嗰次示範已經為提款機嘅保安響起警號，但話晒都要有番咁上下技術先做到，加上又未有真實案例出現，所以開頭都唔係咁多人關心。事隔幾年就唔係咁講喇，2017 年德國就開始出事，當地部門發現由 2 月開始到 11 月，總共發生咗至少十單 jackpotting 事件，雖然唔係每單都成功偷到錢，但加加埋埋都令銀行唔見咗 140 萬歐元！ 你可能會諗，銀行網絡咁高保安，佢哋係點樣入侵到部提款機嘅呢？其實好簡單，入侵銀行網絡難度咁高，梗係唔係人人咁做，大部分黑客係直情撬開部提款機，將裝咗 jackpotting 程式嘅…