酒店連鎖巨頭萬豪國際集團 （Marriott International）喺 2018 年因為自爆因黑客入侵，導致 3.83 億條客人訂房記錄外洩，結果被英國信息專員辦公室（ICO）判罰 1.25 億美元巨額罰款。以為「經一事、蔡一智」？實情係其他酒店業對手要請小鳳姐出場先真！ 唔係愚人節，萬豪國際尋日公布，喺今年 2 月尾發現，Marriott Bonvoy 會籍內嘅客人資料，一共有 520 萬條被非法獲取！由萬豪向受影響嘅客戶電郵內顯示，今次事故係由旗下獲特許經營權業務嘅兩位員工，以佢哋嘅帳戶登入系統而成功讀取，雖然現階段未知到底係員工親手做定係因為帳戶被盜用，但萬豪已即時停止咗兩個帳戶嘅登入權限，同時再展開調查。 經初步核實後，萬豪相信今次外洩嘅會籍資訊並唔包括會員嘅信用卡及身份證明文件資料，但就有以下資訊： 聯絡資料：姓名、地址、電郵地址、電話會籍資料：帳戶號碼及積分，但不含密碼額外資料：公司名稱、性別、出生日期及月份合作伙伴：相關嘅airline loyalty計劃帳戶號碼個人喜好：住房及語言喜好 自助檢查 萬豪已即時發電郵通知受影響會員，同時要求佢哋重設密碼或啟用多重登入驗證。另外，亦設立咗一個自助檢查網頁，如果擔心自己受今次事故影響而又無收到電郵，就可以要去輸入返個人資料檢查。而受影響客戶，萬豪亦會提供一年免費…

Microsoft Windows 用家唔多唔少都曾經遇到呢個情況，就係打開嘅檔案格式，同你原先預期嘅唔一樣，特別係以前會去討論區下載 BT 檔案或各類海盜版資源嘅人，就更加容易中招。點解呢？因為 Windows 系統設計者本身可能為咗簡化顯示資訊，方便用家睇檔案名，所以系統係預設咗將檔案延伸（file extension）名隱藏。不過，專家話咁做就令用家有可能開錯惡意程式，所以都係建議大家開返顯示好啲。 Microsoft Windows 系統喺顯示檔案時，預設嘅做法隱藏咗佢嘅檔案格式，例如 invoice.pdf，顯示出嚟就只會得 invoice，另外就用預設開啟呢種檔案格式嘅程式，例如 Adobe Acrobat，作為檔案嘅 icon。雖然睇落都好似幾 user-friendly，但諗深一層又確係有漏洞可以利用。網絡安全網站 BleepingComputer 創辦人 Lawrence…

最近金價高到得人驚，日日係咁升，好似 2019 年全年金價就升咗19%，跑贏恒指，再次證明黃金依然係避險之王。大家唔好誤會，以為去錯咗財經版，只係近年好多人都話「data is gold」，喺呢個年代，數據價值唔會差得過黃金，但係數據會唔會好似黃金咁樣，有完善嘅機制監管佢嘅買賣同埋升跌呢？睇完以下三篇報導，你或者會有答案。 第一篇係《華盛頓郵報》上月初嘅報導，內容係講微定向（micro-targeting）呢家嘢，近年被政黨廣泛應用，用佢嚟追蹤特定選民，收集並建立數據庫，再靠數據分析嚟設計競選活動。2016年美國大選時，侵侵俾錢請嘅「劍橋分析」（Cambridge Analytica）就係玩微定向嘅高手，因而俾唔少人質疑微定向改寫咗選舉結果。Google 同埋 Twitter 早前已公布，佢哋唔再俾微定向用喺政治用途，唯獨係 Facebook 企硬唔肯咁做，《華盛頓郵報》仲訪問咗 Facebook 前資訊保安總監 Alex Stamos，佢話微定向唔係追蹤一、兩個美國人，而係成千上萬人，咁樣做其實係扼殺緊真正嘅民主。 另一篇報導嚟自《Politico》，又係追住 Facebook 而嚟，佢哋嘅記者調查之後發現，有 265…

話咁快又到 2019 年尾，又係做回顧嘅好時機喇，唔少 IT 公司陸續發表 2019 年網絡安全回顧，當中又點少得「最強密碼」呢個 item 呢？NordPass 先後根據手頭上獲得嘅個人私隱外洩事故及用家資料庫，歸納出最多人用嘅弱密碼出嚟。雖然數字系嘅「12345」、純愛系嘅「iloveyou」、鍵盤系嘅「QWERTY」、直覺系嘅「password」等依然穩佔榜首，但亦有好多女士嘅英文名上榜，例如Nicole、Jessica 及 Hannah 之類，可見大家用密碼都仲係好隨心，私隱唔係乜嘢大不了嘅事，最緊要係方便記就得。 另一個原因就係好多人都以為強密碼係無可能記得住㗎，就算今次改咗，轉過頭再登入就肯定要㩒「forget password」，咁咪即係盞搞？其實網絡安全專家 Cypri 就話強密碼唔一定要複雜，而係密碼長度勝過一切，所以應該揀 PassPhrase 而唔係 Password，例如 @#E4i8!2 呢組密碼睇落夠晒強，但 8 個字元嘅密碼係今時今日嘅電腦設備下，只需大約 7 分鐘就可以暴力破解；但如果換轉用 「I want to buy 1 pair of running shoes!」呢？呢組望落好弱嘅密碼，一樣有齊英文大細楷、數字同符號，但破解時間即刻暴升到幾百萬年，而且亦唔算難記，所以話強密碼唔一定係複雜就係咁解。 既然強密碼唔需要複雜，咁大家應該都檢查下自己用緊嘅密碼出咗事未。Microsoft 嘅 Regional Director Troy Hunt 就整咗個「Have I Been Pwned」搜尋網頁，搜集咗之前發生嘅洩密事故資料，俾大家檢查下自己個電郵或密碼係咪榜上有名，如果有嘅就不妨根據 PassPhrase 原則去 Set 個新密碼啦！ 資料來源：https://bit.ly/2RVwPRq、https://bit.ly/2PofUVI

Facebook 又喺私隱問題上出事喇，有用家喺 Twitter 上話，發覺自己睇睇下 Facebook Watch 影片時，Facebook 竟然偷偷地用咗手機嘅相機功能，點解嘅點解嘅？ 發現呢個問題嘅係 iPhone 用家 Joshua Maddux，佢喺 twitter 上拍片話當自己用手機睇緊 Facebook 影片，由橫持轉直持嘅觀賞模式過程中，發現 Facebook 竟然自動打開咗 Story…

雖然由細個開始，阿爸阿媽已經成日教你便宜莫貪，但而家諗返轉頭，咁耐以嚟你因為貪心而中過幾多次伏？肯定唔會少啦，所以用現金回贈或折扣優惠嚟做魚餌嘅手法，先至可以長做長有。 冒牌都要專業 最近網絡安全研究員 nao_sec 就發現，勒索軟件 Nemty 嘅變種最近開始活躍，透過 RIG EK 漏洞利用工具包，喺下載者嘅電腦上安裝惡意軟件，誘導佢哋去到虛假 PayPal 網站，然後再話只要下載及使用專用軟件，每次交易就會回贈返 3 至 5% 金額。研究員嘗試打開下載嘅 cashback.exe 執行檔，結果發現佢會將受害者電腦內嘅檔案上鎖，並要求交出約 7,800 港元贖款作為解鎖費。雖然另一位研究員…

今時今日，私隱比一切都重要，Mozilla 亦深明用戶訴求，最新推出嘅 Firefox 69 就堅實地預設增強追蹤保護及Flash攔截功能，堪稱地上最強保護！ 越來越多用戶抗拒被網站追蹤，因為冇人知道自己嘅資料會點樣被利用。因此，Mozilla宣布，從 Firefox 69 開始，所有新版會將「增強追蹤保護」（Enhanced Tracking Protection，ETP）功能預設為標準配置，並會根據列表阻擋第三方嘅Cookie。 Mozilla 透露，自今年 6 月推出以來，現時已有超過 20% 用戶啟動咗「增強追蹤保護」功能以保障私隱，而 Firefox 69 將之設為標準配置之後，就期望推展到 100% 用戶受保護。當「增強追蹤保護」功能啟動時，用戶嘅瀏覽器中 URL 地址欄上將會有一個小盾牌 icon，而用戶可以擊點小盾牌以理解更多細節。 此外，Firefox 69 將會預設攔截挖礦程式（Cryptominer），雖然 CoinHive 已經壽終正寢，不過仍有為數少嘅挖礦程式依然活躍，攔截挖礦程式絕對係網民嘅福音，以後就唔怕部腦俾黑客利用，無啦啦被賣豬仔去挖礦。 Firefox 69 另一個非常重要新功能，就係強化阻擋自動播放影片嘅功能，以往可以阻擋有聲影片自動播放，依家就增加咗阻擋所有自動開始播放影片嘅選項。用戶可於 Firefox 設定中，Privacy & Security 一欄之下，Autoplay 選項之中啟動。 此外，Adobe Flash 一直備受黑客青睞，而 Firefox 針對 Flash 擴充套件的處理，就乾脆預設關閉 Flash，如用戶於網頁開啟 Flash，Firefox 就會衝出來攞你批准，藉著棄用 Adobe Flash Player，Firefox 以後亦毋須於 64 bit 嘅 OS 辨識 32bit 版本瀏覽器，變相減少用戶嘅活動痕跡，提升更高隱私安全。 另外，Firefox…

有睇開新聞嘅，都知呢排大家比較關心香港機場發生嘅事，但原來除咗「因航」出事之外，英航亦榜上有名，不過發生問題嘅係電子機票系統。 點解我講「又係」？咁就要回一回帶先，上個月中我哋先講過，英航因為舊年 8 月 21 日至 9 月 5 日期間，被黑客偷走約 38 萬客戶嘅名字、電郵地址、信用卡等資料，結果被英國資訊專員辦公室（ICO）罰款 1.8 億英鎊，破晒所有罰款記錄，以為佢會汲取教訓，點知又出事！ 今次出事嘅係佢哋嘅電子機票，外國網站 Threatpost 嘅研究員今年 7 月發現，所有英航透過電郵發俾顧客網上 check-in…

最近國內外網民均熱烈談論一個監控軟件 MFSocket，公安會強行於被調查者嘅手機上安裝，提取手機內嘅資訊。MFSocket 究竟係乜東東？故事更牽連香港反送中？ 事緣最近內地有唔少人被公安「請」去協助調查，有猜測係因為轉發香港嘅反送中報導。坊間傳出，北京及上海已有好多人被邀請。紀實攝影師兼 Visuals Editor 肖慕漪（Muyi Xiao） 6 月 21 日喺 Twitter 發帖，引起大家關注 MFSocket 軟件，網民之間亦熱烈討論，更出現好多對 MFSocket 進行詳細調查嘅文章及報導。 MFSocket 裝完即刪…

老闆成日同我講，公司budget好緊架，應慳則慳啦，IT嘅嘢夠用就得啦，唔好出大穫嘢就得架喇。於是尋日開會我就索性拎咗單新聞俾佢睇，佢睇完就即刻轉晒軚，話一間公司嘅網絡保安其實好緊要架，仲即時批咗大筆錢落嚟添置新器材。 乜嘢新聞咁巴閉？咪就係英航俾人判罰天價罰款囉！事緣舊年9月，英航俾一個名為Magecart嘅黑客組織睇中，佢哋一向玩慣card skimmer呢個數碼版信用卡讀取器程式，於是搵方法拎到英航網頁嘅登入權限，再將card skimmer 嘅 script 植入俾錢買機票嘅網頁，結果成功喺舊年8月21號到9月5號期間，偷走約38萬客戶嘅名字、電郵地址、信用卡等資料，詳細案情可以睇番我哋舊文（https://bit.ly/2CPy0f7 ）。 經過一輪調查之後，英國資訊專員辦公室（ICO）早兩日就決定向英航罰款1.8億英鎊，係ICO歴來開出最大額罰款，差唔多係英航2017財政年度全球營業額嘅1.5%，諗起都好肉赤！英航行政總裁Alex Cruz當然立即出嚟呼冤，話對ICO嘅決定感到驚訝和失望，英航對偷取客戶資料嘅犯罪行為作出快速反應，並未發現與盜竊相關嘅賬戶存在欺詐行為嘅證據……咁佢哋仲有28日上訴期嘅，或者可以減到罰款都未定。 可能大家會問，點解今次判得咁甘？之前Facebook、Yahoo、Equifax發生嘅事故仲大單啦，點解都係罰50萬英鎊就搞掂？原來係因為舊年5月歐盟通過新私隱條例《一般資料保護規則（GDPR）》之後，加重咗罰則，最高罰款可以去到全球營業額嘅4%，所以今次英航其實係未去到最高罰款嘅，但撞正事件喺GDPR通過之後先發生就冇法子啦，但亦都俾到教訓各大小企業嘅老闆們，唔好睇少保護客人資料呢樣嘢，唔係分分鐘賺埋都唔夠交罰款！ 相關文章：【謎底已經解開！】英航資料洩露案真相大白？