慎重起見，黑客喺發動攻擊之前，好多時會用自己的電腦設備測試成效，不過，一個北韓黑客在測試後忘記關掉或刪除一個專門偷錄受害者屏幕畫面的惡意軟件，結果在發動後連自己的電腦畫面亦一併上載，成為網絡攻擊的最佳示範教材。 商業電郵詐騙 (Business Email Comprise) 主要是一項通過電郵達成的攻擊，黑客會冒充收件者的上司、生意夥伴，指示收件者匯款到虛假帳戶的操作。以往 BEC 一般會經電郵下達指令，但亦可透過電話執行。BEC 的精髓在於要取得受害者的信任，所以前期作業絕不能馬虎，必須掌握公司業務、職場人際關係甚至發件者的電郵用語習慣等大量訊息，整個攻擊過程隨時超過半年以上。根據美國 FBI 公布的數字，單是 BEC 攻擊已在 2019 年造成 17 億美元損失。 最近網絡安全公司 Sucuri 專家公布的一宗事故，就說明了雖然操作BEC攻擊的黑客大都心思細密，但總也有失手一刻。據稱一個北韓…

Deep Learning 輔助下，AI 加速進化，數年間，AlphaGo 已經捉贏地上最強圍棋棋士，Facebook 開發的 DeepFace 人臉識別準繩度達 97.4％，逼近人類平均值 97.5％ ，進度超出預期。 科學家下一個目標，是公認難以征服的語言。 主流語言最少過百、口音文法、一字多義、同義詞，加上字義不斷變化等，種種不確定性令 AI 未能參透人類語言 。Siri、Alexa、Cortana 當下的有限應對能力，就是最佳寫照。雖然困難重重，世界各地研究員卻相當堅持，一旦 AI 掌握語言，其用途將相當廣泛。例子之一係再多客服來電，AI 都能應付自如，甚至不單電話，WhatsApp、Email、Facebook…

踏入 11 月，大家開始籌備年度總結＆明年展望，各行各業主題，肯定離不開疫情新常態。資安服務平台 Fortinet 的 Chief of Security Insights and Global Threat Alliance Derek Manky 搶先出閘，以《Back to Basic》為重心，總結疫情下黑客動向與企業 3 個趨吉避凶方法。…

Tesla 股價近期升到「坎坎聲」，仲要拆股上市，自然會吸引好多人虎視眈眈，尤其係一班黑客犯罪份子，恨不過搵到個機會敲詐 Tesla 一筆。一個俄國公民早前就被揭發，企圖買通一個 Tesla 職員，要佢幫手喺公司植入勒索病毒，應承事成之後會分返 100 萬美金作為酬勞，好彩最後呢個職員「企硬」，主動告發事件，Tesla 先至避過一劫。 根據美國司法部嘅資料，呢名俄羅斯人叫 Egor Igorevich Kriuchkov（下稱克留奇克夫）7 月嘅時候去到美國內華達州 Tesla 超級工廠嘅所在地，搵到一名喺 Tesla 做嘢嘅俄語非美國人，以事後分帳 100 萬美金作為賄款，要佢將勒索軟體放入超級工廠嘅作業系統內入面，打算咁樣去勒索…

開呢個題，係因為美國最近熱爆討論黑客社群 Anonymous 喺警暴事件上嘅參與，佢哋兩度攻陷州警網站，有網友就延申到正邪黑客之分。我哋之前都曾淺談過 6 種黑客：紅、藍、綠、灰、黑、白，當中以灰帽黑客最具話題性，而 Anonymous 就係表表者。想知紅藍綠嘅定義，請回顧舊文，呢篇深入少少講灰黑白。 早喺 1960 年代，MIT 已經 Hackers 輩出，當其時字義等如電腦神童，同一部電腦，Hackers 可以逼出系統絕對領域，能人所不能。不過當時連電腦概念都未普及，Hacker 只屬小圈子詞匯。到咗八九十年代，黑客傳說開始流入民間，但相關報導大部分同犯罪有關，諸如非法闖入政府系統、轉售個人資料等行為，令大眾對黑客留下壞印像，直至最近資訊保安受到重視，大家開始嘗試全面理解黑客嘅種類。 白帽 白帽黑客透過自身技能，同企業、國家、資訊保安等機構合作，施展混身解數監測堵塞網絡保安漏洞。白帽黑客講求原則，擁有高尚情操，絕不會犯法或惡意攻擊競爭對手，總之道德先決，HackerOne 社群同資安企業 In House…

成功制止 WannaCry 勒索軟件嘅傳奇黑客，何以會創造銀行木馬 Kronos？講起真係有段古。 有人用折翼天使嚟形容年僅 27 歲嘅天才黑客 Marcus Hutchins，其「天使」部分可以參考舊文，呢篇主要講返佢點「折翼」。已經喺美國接受一年監管嘅 Hutchins，臨被遣返英國前幾日，接受咗《Wired》雜誌訪問，回帶講述 9 至 27 歲經歷，剖白「反叛」嘅青春期。 Mix 喺亞洲好受歡迎，但係純種至上嘅英國社會，天生牛高馬大、一頭天然鬈髮嘅蘇格蘭牙買加混血兒，似乎就格格不入嘞；再加上佢對足球無感呢個原罪，Marcus Hutchins 過住被孤立嘅童年。以為黑客一定好宅？相反運動細胞超卓嘅佢，其實相當好動，細細個已跟住務農嘅業主起樹屋、劈柴、坐拖拉機；成長期愛上沖浪，開始接觸競技性拯溺運動 Surf Livesaving，贏過一大堆國內賽事獎牌。…

因為疫情嘅關係，視像會議程式突然變到人人都要識用咁滯，南非外交部長馬沙巴內夫人亦唔例外，早排佢本來要就新冠病毒嘅影響，用Zoom主持一個部門嘅視像會議，不過事與願違，呢個會議最終俾黑客入侵，仲要播埋色情內容，場面令人尷尬。 最慘會議上除咗有部門員工同傳媒之外，為咗提升參與度，會議直情開放俾公眾加入，有意參加嘅人超過400個，相信黑客扮成參與者混入會議，喺眾目睽睽之下播放裸露圖片同色情畫面。 隨住視像會議程式嘅需求愈嚟愈大，相關嘅網絡安全問題亦都成為熱話，美國聯邦調查局(FBI)都點名話，Zoom程式有明顯嘅安全漏洞，已經成為黑客目標，更加指出兩宗黑客成功入侵嘅例子：馬薩諸塞州一間高中用Zoom上堂期間，就俾不明來歷嘅入侵者大聲講粗言穢語，同埋公然講出負責老師嘅住址；州內另一間學校就有入侵者喺鏡頭面前，向與會者展示納粹德軍標誌紋身。FBI提醒市民用Zoom或者同類軟件嘅時候，要確保軟件已經更新到最新版本，亦唔好隨便公布同透露進入網路會議室或網路教室嘅連結。 除此之外，加拿大多倫多大學有份參與嘅研究機構Citizen Lab，早前就揭發Zoom有時會用中國伺服器（servers）供應商發出嘅密鑰（keys），就算係北美客戶嘅 Zoom 會議，都可能用咗嚟自中國嘅密鑰。報告質疑Zoom喺中國有三間公司，有可能令 Zoom面對官方壓力嘅時候，有法律責任要披露加密資料。而Zoom亦喺4月3日承認，因為2月用戶流量急升，誤將幾千個用戶嘅會議流量，分流咗去中國兩個數據中心處理，Zoom無透露受影響用戶有幾多，雖然強調已經盡快修補漏洞，不過事件已經令大眾對Zoom嘅安全性存有戒心。 唔少用戶亦都開始尋求Zoom程式以外嘅選擇，包括：Google Hangouts Meet、Microsoft Teams、Cisco WebEx 、又或者係Skype嘅會議功能，經常有需要開視像會議嘅朋友，不妨了解多啲。 資料來源：https://bit.ly/34KXc0R、https://bit.ly/2ymH9Kz、https://bit.ly/3eutbH7 相關文章：【緊急自救】修改群組政策設定 煞停Zoom 派送Windows登入密碼

「Best Buy 感謝閣下多年支持！現在附上本公司50 美元儲值禮物卡，可選購指定商品，商品清單可於 USB 手指內查看。」當你收到附有 Best Buy 禮物卡嘅感謝信，你會唔會想八吓有乜嘢換？除非你無幫襯過 Best Buy，戒心可能會大啲，但如果你又係 Best Buy 常客，真係好易中招㗎喎！ 美國 FBI 最近發現，國內正流行一種復古欺詐手法。犯罪集團 FIN7 Gang 利用購物卡，利誘對象將裝有惡意程式嘅…

喺 WFH 模式下，近排好多人都好關注 Zoom 視像會議應用工具嘅安全性，美國 FBI 警告大家最近有好多黑客以 Zoom-bombing 或 Video-teleconferencing hijacking 攻擊嘗試潛入會議，有研究員又發現 Zoom 嘅設計存在 UNC Link 漏洞令與會人士有外洩登入資料風險。為咗加強本地企業嘅安全性，香港電腦保安事故協調中心（HKCERT）就喺 blog 上，羅列出一系列安全注意事項俾大家參考。咁多人發聲，都係擔心機密會議內容會被竊睇竊聽；之不過，Home Office…

一講起美國頭號通緝犯，大家都會以為係拉登呢類恐怖分子……我估直到上個月都可能係，但由今個月開始就有變喇！ 事關美國司法部十二月初出咗個新嘅通緝令，通緝俄羅斯一個叫 Maksim V. Yakubets 嘅人，懸紅高達 500 萬美元，500 萬美元算唔算多，我唔敢講，但係今年司法部喺拉登死後通緝佢個仔，都只係出 100 萬美元啫，咁呢位 Yakubets 先生睇嚟份量都有返咁上下！ 佢到底做過乜嘢事，要搞到美國政府咁高調通緝呢？原來Yakubets早年成立咗一個叫 Evil Corp 嘅組織，一聽個名就知唔係好嘢，呢個組織由2011年開始，用自家研發軟件Bugat（又叫做 Dridex 同埋 Cridex）入侵目標電腦，取得對方嘅個人資料同埋密碼後，成功盜取佢嘅銀行存款，咁多年嚟大大話話偷咗過億美金（其中7000萬美金嚟自美國），但最令人頭痛嘅唔只係佢哋偷咗幾多錢，而係美國司法當局同…