大昌行背景：大昌行總部位於香港，業務範圍涵蓋汽車、醫療保健、食品、電器和消費品等，遍及 13 個亞洲經濟體，擁有超過 1.6 萬名員工。 大昌行目的：．應用程式堆疊中存儲著海量重要資料，員工需要存取這些資料，以獲取有關客戶的重要見解、更好地了解客戶需求．建立明確的企業集成架構和標準，實現數位化．大昌行連接眾多系統、流程和業務部門，需要集中其 IT 生態系統中的核心應用程式和資料，同時也需要盡可能地減少干擾。 選用產品：Boomi

成日講某某機構遭受黑客攻擊，其實同大家有乜直接關係呢？舉例如果公共運輸交通系統遭受黑客攻擊，可能要用返現金付款，又或轉搭其他交通工具；櫃員機無錢撳，就要走去銀行排隊攞錢。不過如果係醫院遭受攻擊，原來就唔可以再接收新症，即使病人情況危急，就要跨區去第二間醫院睇急症，隨時會因為咁而失救！ 好似美國阿拉巴馬州（Alabama）三間採用 DCH 醫療系統嘅醫院，現時就因為系統受到黑客嘅勒索軟件攻擊，導致無法啟用系統，為求診病人登錄資料或翻閱病歷，搞到醫院唔再接受新症，除咗急症病人外，所有病人都被轉介去其他醫院治療，其他預約咗檢查服務或手術嘅病人，亦由於醫院睇唔返病歷，有需要為病人安排改期。澳洲方面亦有七間維多利亞州嘅醫院中招，政府發言人話由於受到黑客攻擊，令到系統無法查閱病歷、覆診預約及管理服務，所以同樣要為病人重新排期，部分醫院更加回復到人手預約模式，認真濕滯。 一半機構唔達標 黑客對醫療機構嘅資料愈嚟愈有興趣，其實已經唔係乜嘢秘密。網絡安全評級機構 BitSight，上個月亦發表咗一份關於醫療機構安全性嘅調查報告，結果相當令人失望。BitSight 專家指出只得一半醫療機構達到優異評級，同時亦有 51% 採用緊過期系統或已停止支援嘅裝置，呢啲都係有助黑客發動攻擊嘅利好因素。 除咗勒索軟件攻擊，黑客亦好努力咁去 hack 入系統，因為入面嘅病歷資料非常值錢。除咗可以幫黑客提升社交工程嘅成功率，入面仲可能有名人嘅病歷，例如上年新加坡醫療機構 SingHealth 被黑客盜取嘅 150 萬個病歷中，更包括總理李顯龍，所以先至咁值錢。另外，上月FireEye 專家發表利用隔離系統放置誘餌文件嘅報告，指出黑客對癌症會議文件特別有興趣，相信有關企業係想僱用黑客集團了解美國治癌嘅最新發展，希望可以搶先喺市場上推出新藥物。 資料來源：https://bit.ly/2OusgvK 、 https://bbc.in/2MqN98t