權限（Access Rights）是一件很好玩的東西，在電腦系統中，處處可見其身影。例如，你登入你的網上銀行，你只能見到你的資料，見唔到我的資料，這就是你的「權」的「限」。理論上，系統中的一切活動，都需要夠權。不夠權，就睇唔到、改唔到、用唔到（此即上文的 C/I/A）。所以，世上所有黑客，都想抵達一個超高權限的境界，有如系統 Administrator 所有的特權咁高。如此，佢就乜都睇到、乜都改到、乜都用到（理論上）。 對於 Administrator 呢一類特權帳號（Privileged Accounts），係要好好管理的。但係……點管呢？因為佢係特權帳號，佢所有活動紀錄都可抹去、一切對佢設限嘅手段都可以被他撤去，反過來，佢可以更改所有其他帳號，叫其他人奈佢唔何。咁又問，可唔可以取消呢 D 特權帳號，人人平等呢？咁又好危險，因為電腦成日壞，在緊急關頭要救機，唔通仲要圍十條友用十個帳號做十樣嘢咩？一定要用特權帳號，bypass everything，救到個系統再算。 （如果你再問我，點解系統會故障、點解要救機，你可以打去消費者委員會問。） 以前，管理這些特權，唯有由政策入手，再加信封。政策上講清講楚，冇人可以有特權帳號嘅密碼，要用的話，拆信封讀密碼，兩個人一齊做嘢，然後再改個新密碼入信封，再將信封鎖入夾萬。幾十年過去，好多機構仍係咁做。 以上這些，行家好清楚，煩親大家唔好意思。 現在係講真話時間。在塵世上，多數會出現以下情況： 特權帳號一地都係。有 D 秘密特權帳號，唔係叫 root…

能夠連續多年獲 Microsoft 欽點為 Best Cloud Partner，KBQuest 絕對是行內數一數二的雲端專家。原來 Cloud 崛起背後的故事源自一場大風暴，且看 Eric Moy 講講如何風雲驟變。 「縮數」變「異數」 要講雲，先講風。08、09 年打了一場風，叫金融風暴、金融危機。「08、09 年金融危機，大企業削減開支，Data Center 冇生意做。不過巨頭如 Microsoft、Amazon 等有大量資源，於是想到一個辦法：分期付款，推出按量、按月收費。這就是…

「Attitude 非常重要，團隊合作，用心學習，有時要比考到甚麼證書更重要。」差少少以為會聽到食神金句「一字記之曰：心」。一直以為網絡保安公司就是一切以科技為王，拜會 Fortinet 香港總舵手 Cherry Fung 之後，就明白一間公司除咗產品要有食力，更需要心力，要邁進管理層，真係要學下嘢。 一切從三個人開始 Fortinet 現為世界三大網路安全設備供應商之一，江湖地位超班，然而，剛落腳香港時，並非想像中的君臨天下。「我在大約八年前加入 Fortinet，當時並沒有很多人認識，公司的同事得三個人，不少人甚至以為 Fortinet 是 SME 產品品牌。」當時香港辦公室屬於 SEA（東南亞），眼見公司的其他分區成績不俗，Cherry 亦深信香港區有其潛力，一切事在人為。「我相信『人』可以 make difference。科技公司亦需要人的參與，一個 project…

Cloud Computing 已經沒有甚麽大不了。令我感歎的，是我越來越不知道甚麽是 IT。在咸豐年代，那些又噪又食電，間唔中有聖誕燈飾感覺的一舊二舊，就是 IT。我記得，果陣要霸地盤，機多就好。眾所周知，之後有 Virtualization，Network 有 Trunking，一部機不等於一部機，一條綫不等於一條綫，what you see is not what you see。後來上晒雲，摶之不得，我返工都唔知做乜。早上一覺起來，要打開個 Portal 睇下美國果便有冇改晒 D Schema，睇下 O365…

香港嘅 startup 唔算多，金融科技範疇嘅，更屬罕見。AdvSTAR 由 Joe Chan 帶領，成功將研究院項目變成實際應用，叫好又叫座，當中嘅成功關鍵、經驗絕對值得借鑑。 防到一次 attack，已經極之好 Cyber Security 嘅有趣之處，就係「做咗好似冇做」，feel like yesterday。而冇事發生，就係最好，尤其係金融銀行業。「因為有一啲消息、資訊、本地情報、特定 APT、盲點、新型 attack 等，係佢地未必睇到，或者有某啲限制做唔到。對佢地來講，只要防到一次 attack 都已經極之好。」AdvSTAR 嘅誕生，正正針對金融、銀行及大企業特性，度身設計，揉合不同技術及程式，進行收集、發放、驗證、分析及配對資訊，同時提出專業建議、技術分享等。甫推出即獲各金融、銀行及大企業樂意採用，究竟成功關鍵係乜呢？…