在新冠肺炎肺炎疫情下，僱員在家工作是遙距營商的主要安排，遙距工作成為新常態「New Normal」。而視像會議已變成工作和生活的一部分，上班要參加或主持視像會議，而下班後又要教子女用視像會議上課，連老婆上的烹飪班，都話要用視像會議學餸。突然，原是 IT 從業員的你同我，都變成視像會議從業員，好像升了「呢」。 市場上視像會議軟件多不勝數，如老牌子 LogMeIn 的 Goto Meeting、CISCO 的 WebEx，新來的有微軟的 Teams、Google的 Hangout Meeting、Amazon 的 Chime等，也有其他人用專用的企業級視像會議系統，亦有人用 Facebook 的 Message及微信 (WeChat) 來做視像會議或電話會議，五花八門，各適其適。我個人比較喜歡用 Zoom (https://www.zoom.us/)， 因為其免費版本功能已經非常強大，即使是收費版本也很便宜，只需美元 14.99 一個月，購買一年的費用是美元 149.9，性價比相當高。因為可以月付，很多企業在「遙距營商計劃」中，都是用 Zoom 作為「網上會議工具」為其主要的申請項目。下一篇 Zoom の 謎思，將會詳細探討這間在 2019…

思科（Cisco）分析上半年最常見嚴重網絡安全威脅遙測數據，發現以無檔案惡意攻擊 (fileless malware) 為最多。所謂無檔案惡意攻擊，即是惡意代碼在裝置記憶體運行，而不是以檔案模式存在於硬盤中。思科將Kovter、Poweliks、Divergent 以及LemonDuck 標示為最常見的無檔案惡意攻擊。 思科指出對端點第二類威脅是常在開發任務和開發後任務 (exploitation and post-exploitation tasks) 中所利用的雙重用途工具，例子包括 PowerShell Empire、Cobalt Strike、Powersploit和Metasploit。思科的研究人員表示，這類型的工具雖然能好好地用在如滲透測試 (penetration test) 的非惡意攻擊活動，但卻常被黑客利用作攻擊用途。而第三類威脅則是如 Mimikatz 的身份驗證和憑據管理系統，惡意攻擊者多數藉這類工具竊取受害者登入資訊。…

疫情下，全球有過億人在家工作。缺乏企業網絡保安的防護罩，黑客瘋狂出動獵食，Mac 用戶使用 Zoom 時視像鏡頭與咪更容易被黑客入侵就是例子。SiteLock 銷售總監 Logan Kipp 與 Alnormal Security 網絡保安策略副主席 Ken Liao 總結疫情下嘅新生活模式，得出以下六種漏洞與對策，值得大家開心 Share。 網購 網購燒錢本身已經係 WFH 模式下最易出事，但缺乏網絡保安意識嘅話，會有進一步嘅金錢損失。 *…

因為疫情嘅關係，視像會議程式突然變到人人都要識用咁滯，南非外交部長馬沙巴內夫人亦唔例外，早排佢本來要就新冠病毒嘅影響，用Zoom主持一個部門嘅視像會議，不過事與願違，呢個會議最終俾黑客入侵，仲要播埋色情內容，場面令人尷尬。 最慘會議上除咗有部門員工同傳媒之外，為咗提升參與度，會議直情開放俾公眾加入，有意參加嘅人超過400個，相信黑客扮成參與者混入會議，喺眾目睽睽之下播放裸露圖片同色情畫面。 隨住視像會議程式嘅需求愈嚟愈大，相關嘅網絡安全問題亦都成為熱話，美國聯邦調查局(FBI)都點名話，Zoom程式有明顯嘅安全漏洞，已經成為黑客目標，更加指出兩宗黑客成功入侵嘅例子：馬薩諸塞州一間高中用Zoom上堂期間，就俾不明來歷嘅入侵者大聲講粗言穢語，同埋公然講出負責老師嘅住址；州內另一間學校就有入侵者喺鏡頭面前，向與會者展示納粹德軍標誌紋身。FBI提醒市民用Zoom或者同類軟件嘅時候，要確保軟件已經更新到最新版本，亦唔好隨便公布同透露進入網路會議室或網路教室嘅連結。 除此之外，加拿大多倫多大學有份參與嘅研究機構Citizen Lab，早前就揭發Zoom有時會用中國伺服器（servers）供應商發出嘅密鑰（keys），就算係北美客戶嘅 Zoom 會議，都可能用咗嚟自中國嘅密鑰。報告質疑Zoom喺中國有三間公司，有可能令 Zoom面對官方壓力嘅時候，有法律責任要披露加密資料。而Zoom亦喺4月3日承認，因為2月用戶流量急升，誤將幾千個用戶嘅會議流量，分流咗去中國兩個數據中心處理，Zoom無透露受影響用戶有幾多，雖然強調已經盡快修補漏洞，不過事件已經令大眾對Zoom嘅安全性存有戒心。 唔少用戶亦都開始尋求Zoom程式以外嘅選擇，包括：Google Hangouts Meet、Microsoft Teams、Cisco WebEx 、又或者係Skype嘅會議功能，經常有需要開視像會議嘅朋友，不妨了解多啲。 資料來源：https://bit.ly/34KXc0R、https://bit.ly/2ymH9Kz、https://bit.ly/3eutbH7 相關文章：【緊急自救】修改群組政策設定 煞停Zoom 派送Windows登入密碼

全球政府抗擊疫情，為咗協助市民留守家居抗疫或遙距工作，唔少服務供應商都免費開放收費服務，例如愛情動作片網站 Pornhub 全球免費任睇，YouTube、Netflix 調低串流影片質素，令歐洲市民嘅上網速度保持穩定，Microsoft、Cisco 亦解鎖旗下 Zoom、Webex 網上會議嘅部分收費功能，盡量協助減少病情蔓延。估唔到，有黑客組織喺呢個時候都衝出嚟搶光環，宣布停止對醫療機構發動網絡攻擊，以及同中咗招嘅「拍檔」共度時艱，減少勒索贖款嘅費用，真係「多謝」晒喎！ 解鎖費用靈活有得傾 關於喺新冠疫情期間嘅部署，暫時有三個主要靠勒索軟件搵食嘅黑客組織企出嚟回應。而所謂勒索軟件，就係透過惡意程式將受害者電腦內檔案加密嘅攻擊手法，而且會透過內部網絡擴散，甚至狙擊埋雲端及內部備份。由於解鎖密鑰喺透過加密演算法計算，所以一般好難破密得到。 DoppelPaymer 黑客集團宣稱從來唔要瞄準醫療機構，以及政府嘅911求助熱線。如果有醫療機構不幸中招，佢哋會提供免費解鎖「服務」。不過，條件係要提供證據審查，避免有大型私院假扮小診所嘅情況出現。至於藥物生產商就唔會幫手，因為佢哋話喺疫情期間藥廠已賺咗好多錢，所以免費解鎖呢？不了！ Netwalker Ransomware 同樣聲稱從來唔會瞄準醫療機構攻擊，不過被問到如果有醫院不幸中招又點呢？黑客集團就無直接回應，只係話如果有人被鎖，就要俾錢解鎖。 Maze Ransomware 呢班黑客集團嘅回應就最出位，佢哋聲稱喺疫情期間唔會再對醫療機構發動攻擊。而基於現時全球經濟危機及疫情爆發，佢哋決定向企業伸出援手，向所有人提供解鎖折扣服務，無論係已中招或新加入嘅「拍檔」，都有得傾！ 資料來源：https://bit.ly/3ajCpDh、https://bit.ly/2QFBdm0 相關文章：【賺外快】國家支援黑客 善用工餘時間偷賭客資料

毋須爭拗，新冠狀病毒疫情喺全球各地升溫，同時間，各大網絡安全機構亦發現黑客正加大力度利用 Covid-19 恐慌，發動各種網絡攻擊。企業喺財政上已因經濟下行飽受壓力，實在再抵受唔起網絡攻擊引發嘅損失。不過，網絡安全唔係可以旨意晒老闆或員工去做，正所謂唇亡齒寒，防毒必須上下同心，員工同老闆都要盡力做好以下錦囊，先可以共度時艱，待疫情退卻重新起飛。 員工 1.保持衛生：公司嘅電腦設備、軟硬件都要保持更新韌體，堵塞已知漏洞。 2.提高警戒：黑客普遍利用釣魚電郵攻擊，員工時刻戒備電郵以及內裡嘅檔案、連結。另外，如使用嘅電郵服務支援雙重或多重登入驗證就要啟用，減少帳戶被盜用風險。 3.安全連線：避免使用公共Wi-Fi 網絡，因為黑客可假扮流動熱點截取數據傳輸。 4.即時報失：如遺失手機、電腦，就要通知公司IT部門，監察有無人利用你嘅裝置登入公司或電腦系統。 老闆 1.管理登入：即時安裝遙距登入安全系統，採用SD-WAN等工具保障員工連接公司內部系統嘅安全性，以免數據被截取。 2.訂定守則：制訂安全守則，例如禁止員工使用個人電郵與客戶溝通，機密文件嘅處理方法，同時要區分不同職級員工登入系統嘅權限。另外，亦要編制緊急聯絡清單，員工如接收到上司或同事嘅轉帳、提供登入資料等指示，必須以另一種途徑向同事確認，舉例如經電郵接收，就要以電話確認，減少冒認風險。 3.安全設備：向員工提供已安裝安全工具嘅電腦設備，同時限制不能以個人電腦處理公司事務。如因經濟問題未能向全員提供，亦應評估各員工嘅職能及面對嘅風險，選擇性提供電腦設備。 4.徵詢意見：現時不少IT公司如Microsoft、Adobe、Cisco均有支援企業遙距工作計劃，讓企業免費使用部分收費應用服務。老闆必須先向IT員工徵詢意見，評估哪種服務較適合公司使用，切忌一言堂，避免因軟硬件衝突衍生漏洞。 資料來源：https://bit.ly/3dhpUu4 相關文章：【全民抗疫】貢獻電腦資源 計出新冠病毒弱點

新型冠狀病毒疫情擴散全球，除咗南韓、意大利、伊朗、日本告急，美國亦有急升跡象。唔少外國企業都好似香港一樣，開始允許員工在家工作。為咗幫企業度過難關，各大IT公司都將原本收費嘅協作應用服務，免費開放使用。無論係企業工作，抑或學校教師用嚟遙距授課都啱用。 Microsoft Teams 本身已經有收費版同免費版，當中嘅功能當然有好大分別。不過，而家微軟就開放咗部分收費功能，例如規劃排程、管理工作等等，為期六個月，至於錄影或錄音功能都仲係要俾錢至用得。另外，電話會議排程功能亦會喺3月10日開放免費使用。 網址：https://bit.ly/2VMUTb8 Google Hangouts Meet Google就選擇開放Hangouts Meet嘅視像會議功能，只要係 G Suite、G Suite for Education用戶，就可以喺7月1日前免費使用。免費功能包括支援最多250人大型視像會議、支援10萬觀眾串流直播，以及可以將會議內容儲存去 Google Drive。 網址：https://bit.ly/3cxfENN Cisco Webex…

數碼轉型（Digital Transformation）是近年業界最熱門的話題，能否成功轉型，幾乎已跟企業存亡畫上等號。企業解決方案供應商 ACW Distribution 早前舉辦的「Solutions Day 2019」大會，便以「Sustaining Business Transformation with Cloud」為主題，邀請不同專家詳細講解企業將會在數碼轉型中遇到哪些問題，釋除企業管理者的疑問。 ACW group 行政總裁 Andy Lau 認為，如管理者能夠全面掌握轉型的歷程，預先確認未來每一步挑戰，自然便能釐清如何開展及持續營運等問題。 對於數碼轉型，企業管理者各有不同看法，部分認為純粹只是將數據移雲及以虛擬設備取代購買硬件；亦有管理者憂慮數據外移會削弱安全性，以至遲遲未敢踏出第一步。ACW group 行政總裁劉國威在大會上致辭時說，ACW一直與時並進，因應市場和客戶的需求，作出轉變，除了ACWD以外，現已衍生出專業服務的 ACW Services、企業營運解決方案的 ACW Solutions、提供整合式雲端解決方案的 CloudHUB Asia，以及一站式企業項目顧問服務的 ASF Consultancy 等子公司。他表示，雲業務在這幾年已經作出迅速發展，市場人士應該及早了解市場需要，早著先機，他相信混合雲和相關的雲解決方案，將會在未來的5-10年持續增長；ACW定會與各客戶合作，以迎接IT市場的種種轉變和所帶來的挑戰。 快速付運迎雲端需求 針對企業轉型時普遍會遇到的問題，記者邀請了專門協助企業移雲的服務供應商 CloudHUB…

從事資訊安全工作多年，曾在不同場合的講座中，被不少中學生和老師問我如何入行？要成為資安顧問，有何學歷要求？ 資安顧問是否「黑客」？ 應該考取哪些資安課程證書會較實際？甚至打爛沙盆問到篤，追問資安顧問的收入及發展前途。當然除了學生之外，還有其他行業人士有興趣「中途轉機」，可見普羅大眾對資安行業的資訊還是比較陌生，更遑論要成為資安 新人王 。 著重實戰經驗 其實資訊安全行業絕不神秘，跟其他行業一樣，也有很多相關證書可以考取，晉升階梯亦算清晰。接下來筆者將會撰寫一系列資安入行秘笈，分享在業內快人一步上位的正確途徑。 毋容置疑，擁有資安證書會較容易入行，但如果你有使用和安裝網絡安全產品 （如防火墻）的經驗，又或有 PKI 密碼學和電子證書使用和配置的經驗，甚至乎你已考取了相關的國際資安證書，很多公司都會願意聘請成為資安顧問。不過，最穩打穩紮的途徑，還是修讀香港各大教育機構開辦的課程。 VTC 資安 新人王 速成班 香港專業教育學院（VTC）開辦的資訊及網絡安全兩年制高級文憑 （Diploma）全日制課程，可算是本地課程的表表者。課程旨在訓練學生學習及應用資安知識，去分析、設計及實現安全的網絡及電腦系統。課程的內容緊貼市場，還著重通識教育、語文訓練、全人發展，亦為學生提供實習機會，有助加强學生的解難能力和熟習職場運作，往往一畢業就能快速受聘並跟職場環境磨合，屬於實戰型課程。本港不少公營機構及私營企業，包括跨國公司等，都樂意提供實習機會給這課程的學生。 入學門檻並不算高，只要於香港中學文憑考試 (Hong Kong Diploma of Secondary Education Examination, DSE)其中五科成績考獲第二級或以上（包括英國語文及中國語文）；或擁有 VTC 基礎（級別三）／基礎課程文憑、中專教育文憑／職專文憑、毅進文憑或同等學歷，即可申請。不過，這課程屬 VTC 的熱門學科，每年招收約 90 個學生，但入學申請卻多達數百，競爭頗為激烈。…

美國電腦網絡危機處理及協調中心 CERT 日前公布，多家廠商推出嘅企業 VPN （Virtual Private Network，VPN）服務存有安全漏洞，名單中更不乏大品牌，例如 Palo Alto 、Cisco、F5 Networks、Pulse Secure 等。以為企業級 VPN 就等於 100% 安全？咪傻喇。 平民百姓用 VPN ，無非都係為咗翻牆或藏匿自己嘅數碼足跡；而企業用…