僵屍網絡係其中一種黑客最常用嘅攻擊方法，因為受感染及操控嘅僵屍電腦真係好使好用，唔單只可以用嚟發動 DDoS 攻擊，亦可以借用嚟挖礦，每部機借少少運算能力出嚟，黑客幾乎乜都唔使做就有加密貨幣收，而且中招者亦唔易發覺，難怪成為黑客愛用手段。不過，最近一個由黑客控制嘅 Command & Control（C&C） Server，就俾法國警方成功搗破，一下子解放咗 85 萬部僵屍電腦，認真功德無量！ 今次事件嘅幕後功臣係防毒軟件公司 Avast 嘅專家，因為佢哋發現咗網上其中一個惡意程式 Retadup 嘅 C&C 伺服器設計上存在漏洞，如果能夠好好利用，就可以將佢由黑變白，遙距移除受害人電腦內嘅惡意程式。 偷襲C&C伺服器 不過，瓦解黑客集團嘅過程都唔簡單，由於 Avast 專家發現…