今時今日，人工智能 (A.I.) 的應用已經遍布各行各業，因為只要結合優質的大數據 （Big Data）作分析，便可提供各種洞察力報告，讓企業更能掌握市場即時狀況，為現有顧客打造更適合的服務，甚至發掘出潛在客戶，提升營業額。而在內容行銷 (Content Marketing) 方面，人工智能更可提供行銷計劃一條龍服務，不過大前提是所採用的大數據必須乾淨及優質。 自動產生熱門內容 外國不少媒體其實已引入人工智能技術撰寫文章，以炮製出更能吸引讀者的內容。因為以往要寫出一篇具話題性的文章，非常倚賴編輯或記者的經驗及對市場的觸覺，例如通過大量資料搜集去掌握熱門話題，或將熱搜關鍵字融入內容，以增加文章的曝光率。而在人工智能的參與下，它懂得自動從網絡上的社交平台、討論區、搜尋字眼等因素去理解現時哪類題材最多人關注，然後自動產生高質素的內容，滿足讀者的需要，同時可保持統一的風格，大大減省專業人士參與的需要，無論在成本及效率上都得以提升。以國內百度的AI智能創作平台為例，它便可協助用戶創作不同類型的文章，由詩歌、小說以至新聞都能一一勝任。 內容策劃更有效率 內容行銷最講求時間性及準確度，對於應該在什麼時間、以哪種方式向特定客戶群推送有價值的內容，才能達到最佳成效，這些工作都必須交由市場推廣專業人士去分析，過程耗時又複雜。通過人工智能收集不同客戶群的資料，便能清晰掌握各類客戶群的需要，自動提交完整行銷計劃報告，包括推廣目標、內容創作、發佈渠道及成效預估，減輕行銷人員的工作負擔，專注人工智能或機械人無法處理的工作，例如建立客戶關係等。 污染數據 雖然人工智能看似完美，不過在安全性上仍有隱憂，就以上述個案為例，人工智能要演算出準確有效的結果，都必須有乾淨及優質的大數據輔助。一旦提供給機械學習 (Machine Learning) 的數據庫受到惡意污染，分析結果便會有所偏差甚至完全相反，令內容行銷無法達到預期效果。因此現時網上雖然有不少大數據共享資料庫，企業在運用前亦要特別小心，情況一如開源應用軟件 (open source application)…

今時今日，打仗未必一定要先出動飛機大炮，單是網絡攻擊，已經可以癱瘓一個國家的運作及情報網絡，掃除進擊的障礙物。例如美國佛羅里達州一個市鎮的輸水系統最近就被黑客入侵，黑客試圖將用作調節食水酸鹼度的化學物混合量，調高約 110 倍，如果無及時阻止，15,000 個市民就大件事喇…… 工業控制系統（Industrial Control System, ICS）掌管國家命脈，以發電網、輸水系統、運輸網絡、核電廠等設施為例，背後都必須有 ICS 管理，所以這些重要設施自然會成為攻擊目標，只要斷水斷電，國家就會陷入一片混亂及恐慌，例如烏克蘭 2016 年全國大停電 7 日，據外界估計就是受到俄羅斯國家級黑客襲擊。而今次發生在佛羅里達州 Oldsmar 市輸水廠的入侵事件，暫時未知黑客的身份及意圖，只知道黑客嘗試將混入食水調節酸鹼度的化學物氫氧化鈉的份量，由每 100 萬單位含 100，調升至 11,100，足足達…

透過人工智能技術編輯影片、相片或聲音檔案，達到以假亂真嘅 Deepfake 技術，由於效果實在太逼真，容易喺社會上散布虛假訊息，所以一直係全球政府及社交平台首要解決嘅問題。特別係美國總統大選在即，呢啲虛假訊息隨時可以令選情逆轉添！就喺呢個時候，Microsoft 宣布推出一套可以偵測 Deepfake 內容嘅工具 Microsoft Video Authenticator，借助人工智能去分析影片或相片中嘅瑕玼，再提供可信度俾用家自行判斷內容真偽，絕對有助打擊虛假訊息嘅散播。 點解 Deepfake 技術咁得人驚？因為佢都係利用人工智能深度學習嚟製造虛假內容嘅技術，一方面人工智能會自行產生愈嚟愈精細嘅內容，同時間另一組人工智能就會愈嚟愈精準咁識破虛假內容，喺兩套人工智能嘅競賽下，虛假內容自然愈嚟愈像真，好多時肉眼已分唔到真假。而 Microsoft 呢套工具，亦同樣使用人工智能技術，用咗 FaceForensics++公開嘅 1000 組 Deepfake 資料庫以及 Facebook…

就喺啱啱，一場大規模網絡騙案震驚全 Twitter。Kanye West﹑Bill Gates﹑Elon Musk﹑ 奧巴馬……一個又一個名人帳號陸續發出「想回饋社會，你畀錢我我雙倍奉還﹗」之類嘅 Post。直到呢一刻，已經有多個帳號以 Bitcoin 方式，將總值十二萬美金以上嘅加密貨幣送畀幕後黑手。 連 Apple 官方 Twitter 帳號都中招 為阻止呢場風波繼續影響更多用家，Twitter 即刻限制大量功能，包括 Direct messaging，用家想改帶有 “Elon”、 “Bill…

面對急襲而來的疫情，不少企業均陣腳大亂，不單要應付員工遙距工作的需要，生意又受到重大打擊。不過，亦有企業能夠靈活變陣，將危機轉化為商機。Fortinet 與 中信國際電訊 CPC 便攜手舉辦「疫境創新路」網上研討會，一連三集邀請商業創新者（business innovators）分享如何以創意還擊，積極開拓新方法拓展業務。繼珠寶商周大福分享活用科技及社交平台的「我智營」全員皆sales 計劃，今集就邀請了物流公司 cargo-partner，分享如何靈活組合物流工具控制運費，並以生產供應鏈優勢助客戶開拓商機。 創意物流減客戶運費壓力 疫情爆發後，物流是其中一個面對極大挑戰的行業，今次出席研討會的國際物流公司 cargo-partner 亞太區電子商務及銷售方案總監區健民（Ivan Au）指出，起初內地工廠停工無貨可交，海運很多時只能運載空的集裝箱回歐美地區，對海運打擊很大；而隨著各國陸續封關及採取 Work From Home 措施，亦大大拖慢港口的運作，如企業繼續利用運費成本較便宜的海運服務運送貨物，便難以趕及合約上訂明的時間交貨予客戶，因而被迫轉走昂貴的空運。「再加上其後歐美疫情持續惡化，導致七至八成的飛機航班停航，進一步推高運費成本。」他說運輸成本可較以往高五倍，令貿易企業的營運環境雪上加霜。而 cargo-partner 早在疫情開始，便已提供創意物流方案，例如使用鐡路運輸方案，成本比全空運低6成，時間上則比全海運快5成，或結合陸運加空運模式，將貨物用包機運至匈牙利，通過歐洲自營倉庫和陸路貨車把貨物派送到歐洲各地客户手上，在成本控制的優勢下提供一個具有市埸競爭力的價格给客户，紓緩企業的營運壓力。 雖則疫情對市場帶來極大衝擊，但…

「疫境底下無喜事」，可說是新冠肺炎疫情爆發後血淋淋的現實寫照，幾乎任何人也難以躲過疫情影響，零售、飲食、娛樂、交通運輸……各行各業的生意直插谷底，員工被裁員被停工，社會上一片愁雲慘霧。不過，佛系、怨天尤人式抗疫實在無助度過時艱，有本地企業就透過創新科技增加銷售額，收集重要大數據待疫情過後起飛；亦有本地機構急人之急，短時間內推出正念抗疫計劃，透過免費提供遙距工作安全工具及舉辦網絡分享會，助企業嚴密把關，避免於疫境再受網絡攻擊，傷上加傷。 疫情底下無好事？Fortinet 與中信國際電訊 CPC 合辦的疫境創新路網絡研討會，便邀請了善用創意與科技的本地企業，分享如何積極面對疫境。 全球疫情嚴峻，面對著每天數以萬宗新增個案，網絡上自然是負面消息氾濫。不過，上星期網絡安全服務供應商 Fortinet 及ICT服務供應商中信國際電訊CPC（以下簡稱 CPC），就攜手舉辦疫境創新路網絡研討會（Webinar）系列，一連三集，為大家分享以科技及創意抗疫的例子及相關訊息。頭炮邀請了本地珠寶商周大福，分享公司如何透過創新科技，與員工一起拓展電子商貿業務。 Fortinet 香港、澳門和蒙古區域總監Cherry Fung透露，在一連三集的網絡研討會中，除了Fortinet 及CPC 會以科技提供者身份分享抗疫期間科技小竅門，還請來3位出色的商業創新者 （business innovators ），分享他們如何在短時間內，就巿民的「新日常」，再研發他們營商模式，從而幫助市民繼續正常生活之餘，並為其業務創出機遇。Cherry 表示，「科技的發達，已能令我們足不出戶接觸到世界。是次網絡研究會系列是希望透過商業創意及科技小竅門交流，希望在疫情下，有更多人能夠找到自己的新出路。」 CPC 產品開發及管理部高級副總裁Taylor…

唔少人都鍾情玩連線遊戲，特別係電腦或家庭遊戲機嘅玩家，真係好專注咁玩，個個都想喺遊戲排行榜上佔一席位。有啲人可能係為咗攞威，亦有玩家想幫所屬隊伍響朶，有咗呢啲目標，自然就有人走偏門！除咗用 cheats，原來連 DDoS 分散式阻斷服務攻擊都係其中一個絕招嚟！遊戲開發商 Ubisoft 為咗對付呢啲玩家，喺 9 月曾公開表示會大力打擊，而且佢唔係吹下水就算，近來真係出招找數，然後宣布成功減少 DDoS 攻擊達 93%，到底係乜招數呢？ 打機用 cheat，我諗唔少人都試過，特別係好似小編呢啲弱弱玩家，有時唔用 cheat 真係過唔到版。不過，以前打機純粹係為咗爆機，但自從遊戲連線後，用 cheat 就令遊戲變得唔公平，尤其係有啲 online game 會獎賞排行榜上嘅玩家或團體添。Ubisoft…

以前打仗，係比併兩國軍事實力，弱國唔夠強國打就唯有認低威。但時移世易，而家已經好少國家會真係出軍隊打仗咁勞民傷財，就算出軍都有一半係擺姿態而唔係真打，原因好簡單，真係要搞另一個國家，用網絡戰就得啦，唔使用刀嘅！ 最近東歐國家格魯吉亞就成為被害目標，早幾日（10月28日）被黑客大規模入侵，癱瘓咗成15000個網站，當中包括法院、新聞媒體嘅網站，最得人驚係連總統網站都中招，全部網站都換上前總統 Mikheil Saakashvili 張相，仲有句「I’ll be back!」嘅標語，兩間當地電視台 Imedi TV 同埋 Maestro 亦被短暫中斷廣播。唯一好消息，就係當地比較緊要嘅網絡基建並冇損毁，互聯網供應商 Proservice 第二日發聲明，話好努力咁修復緊有關問題，但用咗一日時間都只係修復咗一半網站，話要用多日先可以回復正常。 其實呢次已經唔係格魯吉亞第一次俾人搞，2008年佢哋同俄羅斯關係好緊張，甚至發生過軍事衝突，當時格魯吉亞政府已經指控過對方，話佢哋搵人癱瘓大部分銀行同埋政府網站，俄羅斯當然例牌否認，但係今次手法同上次好似，所以唔排除又係俄羅斯搞鬼。 BBC 記者 Rayhan Demytrie 引述網絡安全專家話，格魯吉亞嘅網絡設防好似中門大開咁，睇嚟唔搞搞佢真係隨時都再出事。…

成日講某某機構遭受黑客攻擊，其實同大家有乜直接關係呢？舉例如果公共運輸交通系統遭受黑客攻擊，可能要用返現金付款，又或轉搭其他交通工具；櫃員機無錢撳，就要走去銀行排隊攞錢。不過如果係醫院遭受攻擊，原來就唔可以再接收新症，即使病人情況危急，就要跨區去第二間醫院睇急症，隨時會因為咁而失救！ 好似美國阿拉巴馬州（Alabama）三間採用 DCH 醫療系統嘅醫院，現時就因為系統受到黑客嘅勒索軟件攻擊，導致無法啟用系統，為求診病人登錄資料或翻閱病歷，搞到醫院唔再接受新症，除咗急症病人外，所有病人都被轉介去其他醫院治療，其他預約咗檢查服務或手術嘅病人，亦由於醫院睇唔返病歷，有需要為病人安排改期。澳洲方面亦有七間維多利亞州嘅醫院中招，政府發言人話由於受到黑客攻擊，令到系統無法查閱病歷、覆診預約及管理服務，所以同樣要為病人重新排期，部分醫院更加回復到人手預約模式，認真濕滯。 一半機構唔達標 黑客對醫療機構嘅資料愈嚟愈有興趣，其實已經唔係乜嘢秘密。網絡安全評級機構 BitSight，上個月亦發表咗一份關於醫療機構安全性嘅調查報告，結果相當令人失望。BitSight 專家指出只得一半醫療機構達到優異評級，同時亦有 51% 採用緊過期系統或已停止支援嘅裝置，呢啲都係有助黑客發動攻擊嘅利好因素。 除咗勒索軟件攻擊，黑客亦好努力咁去 hack 入系統，因為入面嘅病歷資料非常值錢。除咗可以幫黑客提升社交工程嘅成功率，入面仲可能有名人嘅病歷，例如上年新加坡醫療機構 SingHealth 被黑客盜取嘅 150 萬個病歷中，更包括總理李顯龍，所以先至咁值錢。另外，上月FireEye 專家發表利用隔離系統放置誘餌文件嘅報告，指出黑客對癌症會議文件特別有興趣，相信有關企業係想僱用黑客集團了解美國治癌嘅最新發展，希望可以搶先喺市場上推出新藥物。 資料來源：https://bit.ly/2OusgvK 、 https://bbc.in/2MqN98t

收集人臉、指紋特徵，話就話可以方便大家出入私人地方或購物，甚至推動智慧城市；但一旦負責機構唔小心外洩，受害人係無得改呢啲「個人密碼」㗎！ 又唔係話完全無可能，只要整容或換指紋就得，不過睇完都覺得荒謬啦，人哋唔小心洩漏咗客戶嘅生物特徵，竟然要受害者二次遇害？所以每個人都要小心，喺選擇係咪授權其他機構採集及使用自己嘅生物特徵時，真係要諗清楚係咪必須，好似如果只係方便買嘢、出入閘口等等，特別係信唔過或唔知邊個機構負責管理呢啲資料，都係用返相對傳統嘅方法例如感應式支付卡、密碼或門匙好啲。 指紋特徵公開存放 點解突然咁講呢？唔係因為沙田第一城撤回人臉識別系統測試，而係因為外國真係出咗事。一間開發指紋識別系統 Biostar 2 嘅公司 Suprema，喺 8 月初被網絡安全公司 VPNMentor 嘅研究員發現超過 100 萬筆指紋資料被公開存放於網絡上，部分更有姓名、住址、履歷、相片等，大部分受影響嘅都係英國公司，中招者包括英國警方用嚟出入禁區或特殊機關嘅資料，絕對有可能被恐怖份子所利用。 VPNMentor 研究員發現呢堆合共 23GB 嘅資料後非常震驚，因為只要黑客攞到生物特徵資料，受害者真係一世受困擾，於是第一時間想通知 Suprema 處理，不過打齊官網上所有電話，都搵唔到負責人士，搞到呢堆資料喺網上公開存放在…