宜：進修增值忌：求神賜福玄機詩：培訓要給力 釣魚難成功 大量調查報告均指出，九成以上的網絡攻擊均透過電郵發動，要穩守企業網絡安全大門，除了要採用合適的防護工具，員工的安全意識亦要相應提高，才能避免受詐騙，或開啟電郵內的惡意連結或附件，為黑客的攻擊助攻。不過，流於口號式的安全指引，絕對無法幫助員工辨別真偽，必須透過實踐訓練，方能達到預期效果。 Barracuda Phishline 是一款靈活的安全意識培訓服務，提供過百種預設模擬測試，讓企業員工可親身學習何謂電郵攻擊，認清社交工程的真面目。培訓內容可針對不同行業所面對的風險而自主設定，覆蓋範圍更延伸至SMS、Vishing、外置儲存設備等；此外，Phishline的Marketplace更會每日加入新的攻擊內容，確保員工的安全意識可以與時並進，將電郵攻擊風險減至最低！ 下載相關資料：https://bit.ly/33marEw

毋須爭拗，新冠狀病毒疫情喺全球各地升溫，同時間，各大網絡安全機構亦發現黑客正加大力度利用 Covid-19 恐慌，發動各種網絡攻擊。企業喺財政上已因經濟下行飽受壓力，實在再抵受唔起網絡攻擊引發嘅損失。不過，網絡安全唔係可以旨意晒老闆或員工去做，正所謂唇亡齒寒，防毒必須上下同心，員工同老闆都要盡力做好以下錦囊，先可以共度時艱，待疫情退卻重新起飛。 員工 1.保持衛生：公司嘅電腦設備、軟硬件都要保持更新韌體，堵塞已知漏洞。 2.提高警戒：黑客普遍利用釣魚電郵攻擊，員工時刻戒備電郵以及內裡嘅檔案、連結。另外，如使用嘅電郵服務支援雙重或多重登入驗證就要啟用，減少帳戶被盜用風險。 3.安全連線：避免使用公共Wi-Fi 網絡，因為黑客可假扮流動熱點截取數據傳輸。 4.即時報失：如遺失手機、電腦，就要通知公司IT部門，監察有無人利用你嘅裝置登入公司或電腦系統。 老闆 1.管理登入：即時安裝遙距登入安全系統，採用SD-WAN等工具保障員工連接公司內部系統嘅安全性，以免數據被截取。 2.訂定守則：制訂安全守則，例如禁止員工使用個人電郵與客戶溝通，機密文件嘅處理方法，同時要區分不同職級員工登入系統嘅權限。另外，亦要編制緊急聯絡清單，員工如接收到上司或同事嘅轉帳、提供登入資料等指示，必須以另一種途徑向同事確認，舉例如經電郵接收，就要以電話確認，減少冒認風險。 3.安全設備：向員工提供已安裝安全工具嘅電腦設備，同時限制不能以個人電腦處理公司事務。如因經濟問題未能向全員提供，亦應評估各員工嘅職能及面對嘅風險，選擇性提供電腦設備。 4.徵詢意見：現時不少IT公司如Microsoft、Adobe、Cisco均有支援企業遙距工作計劃，讓企業免費使用部分收費應用服務。老闆必須先向IT員工徵詢意見，評估哪種服務較適合公司使用，切忌一言堂，避免因軟硬件衝突衍生漏洞。 資料來源：https://bit.ly/3dhpUu4 相關文章：【全民抗疫】貢獻電腦資源 計出新冠病毒弱點

新型冠狀病毒疫情嚴重，加上病徵又唔明顯，唔做過病毒測試，都好難話自己無中招。企業嘅電郵系統亦一樣，雖然每日都攔截到好多有問題嘅郵件，但實際上有無走漏？收得最多嘅惡意電郵係邊類型？有邊個員工嘅中招風險最大？電郵設定有無漏洞？真係唔驗過都唔知對病毒嘅反應係陰性定陽性。 雲端安全解決方案供應商 Barracuda，現時正為企業免費提供電郵威脅檢測服務，只要經 Barracuda Email Threat Scanner 一掃，各種病徵速速現形。簡單嚟講，會分幾方面俾企業客戶了解問題嚴重性。 1.電郵逐個捉：準確揪出有問題電郵，詳細分析發信人嘅地址到底係真定假，又或有無偽裝企業員工。同時間亦會指出電郵內有風險嘅地方，例如附有惡意連結、不尋常嘅後續要求，令IT管理者全面掌握各員工嘅風險所在。 掃描完畢，就會自動揪出郵箱內有可疑的郵件及提供分析。 2.域名風險：企業採用嘅電子郵箱設定有無漏洞？是否存在被冒認或其他風險？系統掃完電郵信箱後，就會搵出問題所在，同時提供修補建議。 如發現Domain有問題，系統會提供修改建議。 3.高風險員工：掃完企業整個電郵信箱，系統就會根據各項要素，例如職位、接收有問題郵件次數、有無被冒認等，分析出邊個員工面臨最大危機，IT管理者就可以根據風險評級，優先處理呢啲有問題嘅帳戶，減低受攻擊嘅風險。 哪個員工的電郵帳戶已被入侵，或接收到最多電郵攻擊，一望即知，IT管理者便可優先處理問題。 免費檢測服務名額有限，先到先得，請即登記使用。 登記：https://bit.ly/2R0EwEP

【網絡運程七宜七忌】之（二）築網擋煞 宜：築網擋煞 忌：望天打卦 玄機詩：九成攻擊由此起 外入內出全防護 內容： 去年全球九成黑客攻擊事件，均通過電郵發動，當中更有企業遭受長達兩年的釣魚電郵攻擊。預測今年通過電郵的網絡攻擊將會變得更精密、複雜及難以偵測，零時差攻擊亦會大增。 企業切忌再望天打卦，採用傳統防禦方式，宜主動出擊，築起多合一防禦網，將外來的惡意URL、惡意軟件、釣魚攻擊、魚叉式釣魚攻擊，統統隔絕，同時亦要攔截由內部發送出去的可疑電郵，以防被黑客盜取機密檔案或客戶私隱資料。 Barracuda Essentials擁有先進的網絡安全威脅偵測能力，通過數據、用家行為分析，攔截惡意電郵，而被捕獲的可疑電郵將於沙盒內開啟，無阻企業的業務營運，而又不用擔心被黑客入侵。 一掃知宜忌，免費試用 : https://bit.ly/2R0EwEP ============================ 立即讚好 wepro180睿報，並設定為「搶先看」 唔想錯過熱門網絡保安消息，請即訂閱 wepro180 電子周報：https://bit.ly/2Q1626s #wepro180 #CyberSecurity #網絡保安 #CyberAttack #網絡攻擊 #網絡警訊 #Hacker爆格 #嘥巴實Q #emailsecurity #金鼠網絡運程 #網絡安全通勝 #庚子年網絡運程 #網絡大吉…

因為武漢肺炎，唔少人變咗口罩專家同網購能手，亦學識咗各種口罩嘅安全密碼、點樣利用集運避過 cut 單危機嘅知識，講真其實大家又點會想學？不過既然一罩難求，自然搞到全城人心惶惶。事實上，專家話恐慌情緒蓋過理智，普羅大眾對武漢肺炎資訊嘅渴求，亦成為咗黑客攻擊嘅缺口，中咗招都唔知乜事！ 不如大家停一停諗一諗先，喺呢兩個禮拜入面，大家喺無驗證過網絡連結嘅真偽前，click 過幾多次呢啲連結嚟睇呢？好多次哩？無錯，只要見到訂購口罩、邊度有人暈咗、邊個國家封香港關呢啲標題，都幾難唔第一時間開嚟睇。IBM X-Force Threat Intelligence 安全團隊嘅專家就發現，日本地區有大量電郵攻擊，就係借武漢肺炎資訊嚟發動，電郵入面嘅 Doc 附件雖然以武漢肺炎做主題，但實際上係 Emotet 惡意軟件，一旦下載就會自動安裝，除咗可以盜竊私隱，仲有可能引入其他勒索軟件，防不勝防。專家指出，其實每年嘅新年、情人節、感恩節或有大事發生，都特別多呢啲惡意電郵出現，不過今次由於武漢肺炎疫情嚴重，恐慌情緒更易令人中招。 防毒軟件供應商 Kaspersky 專家亦指出，黑客唔止借咗 Doc 附件發動攻擊，佢哋手頭上檢測到嘅攻擊，仲會透過 PDF、MP4等其他檔案格式添。雖然今次專家發現嘅攻擊都係透過電郵發動，但大家千祈唔好忘記，釣魚攻擊已唔限於電郵，SMS、Facebook、WhatsApp、Telegram 等平台都可以睇少。如果想睇清楚疫情喺全球各地嘅感染情況，不如睇返由美國Johns…

APT（Advanced Persistent Threat, 進階持續性威脅）相信係最令企業頭痛嘅問題，事關呢類攻擊會運用多種精密手法嚟入侵企業嘅網絡，然後再長期靜雞雞收集有用嘅情報，真係中咗招都未必發現到，而等到發現問題，可能已過咗幾個月甚至幾年。咁作為企業嘅網絡安全把關員，應該點先去搵出內部網絡有無被入侵？又有乜嘢手法可以減少被攻擊嘅風險？ 根據 Accenture 嘅調查顯示，APT 攻擊通常會由小組發動，而且呢啲小組亦會相互之間作技術交流，提升成功率，而且由於唔同嘅 APT 小組針對性盜取嘅機密類型都唔一樣，所以可以話任何企業或機構都有可能成為攻擊目標。如果企業網絡已被入侵，應該會有三個特徵出現。 入侵徵兆 首先就係異常帳戶登入活動，好多時黑客都會透過奪取登入權限進入內部網絡，所以如果發現有員工嘅登入習慣變得異常，或有帳戶試圖提升權限或讀取自己原本攞唔到嘅檔案，就有可能係黑客所為。其次就係突然發現大量惡意軟件，一旦 APT 小組攞到漏洞，就會嘗試安裝惡意程式方便未來持續偷嘢，如發現防毒軟件突然偵測到惡意軟件入侵，而且清除完後轉頭又有其他發現，咁就有可能正遭受黑客入侵。最後就係留意系統資源，因為黑客會利用企業嘅網絡資源嚟進行攻擊行為或暫存即將上載去 C&C 伺服器嘅檔案，所以如發現系統嘅電量、記憶體用量突然飆升，亦可以話係 APT 攻擊嘅徵兆。既然明白咗 APT 攻擊嘅特徵，咁防禦方法就要針對呢幾方面嚟進行。…

不少企業已開展數碼轉型歷程，將大部分重要工作遷移雲端，以增加營運的靈活性，以及更有效運用資源。而在數碼轉型的過程中，由於種種原因，導致網絡安全問題日趨嚴重，特別是亞太區市場，雖然過去數十年在科技上急速發展，但網絡安全意識及措施卻未能跟上，如未能快速武裝起來，絕對有可能成為下一個黑客攻擊的受害者。雲端安全方案供應商 Barracuda 就在這個水深火熱之時，決定在香港增兵，協助亞太區企業提高防禦力。 精準電郵攻擊劇增 近年不少大企業都出現私隱洩漏事故，酒店業有 Marriot，航空業則有 Cathay Pacific 及 British Airline，上榜的電商平台更是多不勝數，嚴重影響營運商譽。當然，受攻擊的不限於大企業，作為進攻大企業的跳板，中小企亦難逃黑客魔掌。而在眾多攻擊方式之中，電訊服務供應商 Verizon 指出估計有 93% 都與電郵攻擊有關，而單單在 2019 年第三季，香港便錄得 849 宗網絡釣魚攻擊個案，可見電郵系統安全的重要性。一向在電郵保護及病毒防火牆服務上獲高度評價的 Barracuda， 其亞太及日本地區銷售副總裁 James…

變臉詐騙攻擊（Business Email Compromise，BEC）持續肆虐，最近又有大企業中招。今次苦主係豐田生產汽車椅套及門內飾件嘅子公司豐田紡織（Toyota Boshoku）。上個月，其歐洲子公司受到假冒商業郵件嘅變臉攻擊，導致公司財務損失約 40 億日圓。 豐田紡織剛剛公佈，於 8 月 14 日中招，已經立即成立應變小組並報警協助調查，力求儘可能追回被騙金額，不過潑出去嘅水絕對冇咁容易收得返，所以，出年 Q1 嘅營收報告真係凍過水。豐田都可謂多災多難，早於今年初，Toyota 日本總公司與越南分公司 5 周內兩度受襲，其網路及伺服器遭到未經授權存取，外洩資料涉及 310 萬客戶。連番出事，就唔可以話唔好彩，公司上下軟件硬件嘅安全都必須全面檢討。 變臉詐騙攻擊一直都係公司嘅惡夢，因為手法簡單、得手率高，所以一直猖獗，為公司安全最大威脅之一。因此，一間公司必須要添購電郵保護服務，7×24全天候攔截各種電郵攻擊，如攔截 SPAM…

香港電腦保安事故協調中心（HKCERT）剛啱發表咗香港第二季《香港保安觀察報告》，統計數字顯示釣魚電郵嘅個案，數字由第一季嘅 289 宗飊升至第二季嘅 1,306 宗，升幅高達三倍，其中有四成更係假冒 apple.com 及 icloud.com 嚟發送電郵。釣魚電郵之所以能夠歷久常新、講極都有人中招，都係因為黑客用咗唔少有創意嘅方法，去減低目標人物嘅警覺性。 最近網絡安全公司 ReversingLabs 又發現咗一個新趨勢，研究員指出以往釣魚電郵嘅欺詐方法，主要係透過引誘收件人點擊電郵入面嘅連結，然後去到一個冒牌網站例如 Apple、Amazon 或各大銀行等等，部分冒牌網站會整到同官網一樣提升可信性，務求令收件人輸入登入資料，黑客就可以盜用帳戶嚟購物或攞到信用卡資料。 千方百計呃人Login 不過，最近有黑客就改為喺附件到放置一個 PDF 檔案，電郵內容係提醒收件人嘅 Amazon 帳戶有一啲稅務費用，講明唔係收費通知，只係要求用戶登入檢查。由於喺美國…

相信大家都收過欺詐電話，要用電話呃人，要花時間與對方溝通，但現今生活節奏急速，很多人都會 cut 你線，要成功得手，絕對唔容易。欺詐電郵就唔同，騙徒首先會對目標人物的背景有所掌握，也會精心製作電郵內容，並以冒充的身份把電郵發出，一般用戶收到這些電郵，都難以判斷真假。 傳統安全方案束手無策 事實上，電郵仍然是現今最大安全攻擊途徑。原因很簡單，發動攻擊成本不大，因為你是不能拒絕攻擊者發送電郵給你。況且傳統的電郵安全方案也好一段時間沒有技術革新，依然側重於防病毒、防垃圾電郵等功能，把懷疑有問題的 Email 隔離就了當。面對更新型的欺詐電郵攻擊，傳統的電郵安全方案缺乏技術及能力處理，可以說是有點手束手無策。 BEC 個案平均損失近百萬港元 Business Email Compromise（BEC）是近年出現的名詞，指利用欺詐電郵手法（或附有網絡釣魚攻擊）的新型威脅。 BEC攻擊者大多數會冒充公司外國供應商、老闆、公司高層、公司員工、公司律師（會計師）等… 欺詐目標大多數是公司的財務或高級管理人員，最終目的是以不同的藉口要求匯款，令公司蒙受重大金錢損失。據統計，每個案平均損失近百萬港元，這絕對是大茶飯。 期待最新技術杜絕 BEC BEC 之所以難以防止，因為它利用大眾的疏於防範的心理，讓受害者掉入社交工程（Social Engineering）陷阱。在今天高度透明的商業社會，要找出財務部門（或公司高層）的電郵地址並非難事，這也意味著一個一個精心炮製的欺詐，隨時可以用電郵發動。在「道高一尺魔高一丈」的網絡安全環境中，我們總不能單單每日叫員工提高安全意識。新一代的電郵安全系統，終於包含了BEC 防護功能，期待最新技術能把這類超級大殺傷力的欺詐電郵威脅徹底清除。