電競熱潮直捲全球，唔少後生仔都夢想成為電競選手，可以靠打機搵食。不過，真正嘅電競手一啲都唔易做，日日都要打十個鐘頭機，仲要操體能，所以連香港跳高隊代表楊文蔚都話：「電競同田徑一樣咁難行，跨得過你就係運動員。」 啱㗎，所以大部分人打機其實志在 kill time，邊會覺得可以靠佢搵食。之不過，有啲無 game 品嘅人明明唔夠人打，但又唔肯認輸，於是就想靠邪道威威，上網搜尋有無秘技或程式可以修改遊戲，情況就等於運動員食禁藥一樣。 最識得利用人性弱點嘅黑客又點會放過機會？早前網絡安全公司 Cyren 專家就發現，網上有一個連線射擊遊戲《Fortinite》嘅遊戲修改程式 Syrk，聲稱只要下載及執行 SydneyFortniteHacks.exe，就可以提升玩家嘅開槍準繩度，但實際上 Syrk 係一隻勒索軟件。當用家執行檔案後，就會發現電腦內的圖像、影片、文件同埋音樂檔案全部被上鎖，同時畫面會顯示一段「你已經被綁架」嘅訊息及聯絡電郵地址，要中招者用電郵聯絡，商討俾幾多同點樣俾贖金。為咗加強真實感，黑客仲喺畫面上加咗個計時器，指兩個鐘內唔採取行動，所有檔案就會被刪除。 專家指出 Syrk 其實係以一隻開源勒索軟件 Hidden-Cry 為基礎修改而成，佢嘅源碼喺上年放咗喺 GitHub 俾人下載使用，所以話呢個世界真係乜都會有人分享，只要有心機喺網上面搵就得。幸運地，專家發現用嚟解鎖嘅工具同時放埋喺受害者嘅電腦入面，只要打開一個叫做…

又多一個黑客集團利用Microsoft OneNote 附加文件去散播惡意軟件，新加入的集團並非新手，而是犯罪往績纍纍的 Emotet。專家指集團螫伏三個月後，再度回歸時的開局雖然不太理想，只感染到極少量企業帳戶，但經調整策略、跟隨大趨勢使用 OneNote 附件，感染率即大增。到底 Microsoft 要等到幾時先出手堵塞安全漏洞？ 想知最新科技新聞？立即免費訂閱 ！ Emotet 黑客集團主要靠木馬軟件起家，當成功引誘企業員工打開檔案，內藏的木馬軟件就會植入電腦，除了會用於竊取企業機密資料，還會引入其他惡意軟件包括勒索軟件、殭屍網絡等。 在 2021 年，Emotet 曾被歐洲刑警利用集團自己的伺服器，暗中向受感染設備自動發送剷除指令，連根拔起整個集團，但在 2021 年末，Emotet 已開始利用 TrickBot…