黑客最近又轉移目標，利用 Windows 作業系統上大部分遊戲及多媒體應用程式都會使用的 DirectX 為誘餌，將用家引導致虛假 DirectX 12 更新頁面，令對方上當安裝惡意軟件，盜取受害者電腦內的個人私隱。另外，加密貨幣近期大熱，黑客又點會放過電子錢包內的帳戶資料？ DirectX 是 Microsoft 為了方便多媒體應用程式或遊戲開發商而設，它實際上是一個 API 巨集，讓應用程式在執行時可以自由取用各種電腦硬件的功能。開發商只要使用 DirectX 技術，便可專注在開發程式上，而不用擔心用家的電腦硬件設備。由 1995 年推出至今，DirectX 共推出過不同的版本，而現時最新的正是 DirectX…

《Cyberpunk 2077》遊戲開發商 CD Projekt Red 承認被黑客入侵，黑客成功盜取該遊戲及其他遊戲的程式碼，而今次發動勒索軟件攻擊的黑客集團，竟然同 Hello Kitty 有關，莫非是黑客女團？ CD Projekt Red早前發表公告，指內部網站遭受勒索軟件攻擊，黑客成功將系統內多部電腦裝置及檔案加密，同時又竊取了部分公司財務資及包括《Cyberpunk 2077》、《Witcher 3》在內的遊戲程式碼，後者更有部分更新內容尚未公開。發言人表示，外洩資料並不含客戶個人私隱，而由於內部網絡有完整的安全復原計劃，所以毋須向勒索集團交付贖金，現時正在進行系統復原之中。 而今次 CD Projekt Red 所中的勒索軟件被稱為 HelloKitty，原因是當惡意軟件被執行時會出現…

唔少人都鍾情玩連線遊戲，特別係電腦或家庭遊戲機嘅玩家，真係好專注咁玩，個個都想喺遊戲排行榜上佔一席位。有啲人可能係為咗攞威，亦有玩家想幫所屬隊伍響朶，有咗呢啲目標，自然就有人走偏門！除咗用 cheats，原來連 DDoS 分散式阻斷服務攻擊都係其中一個絕招嚟！遊戲開發商 Ubisoft 為咗對付呢啲玩家，喺 9 月曾公開表示會大力打擊，而且佢唔係吹下水就算，近來真係出招找數，然後宣布成功減少 DDoS 攻擊達 93%，到底係乜招數呢？ 打機用 cheat，我諗唔少人都試過，特別係好似小編呢啲弱弱玩家，有時唔用 cheat 真係過唔到版。不過，以前打機純粹係為咗爆機，但自從遊戲連線後，用 cheat 就令遊戲變得唔公平，尤其係有啲 online game 會獎賞排行榜上嘅玩家或團體添。Ubisoft…

好多人都會用打機嚟減壓或 kill time，雖然只係娛樂嚟，但大家都唔好忽視佢嘅安全性。Cyware 網絡安全分析師就近發表一篇文章就指出，無論係玩家抑或遊戲開發商，都要改變一下大家嘅想法，否則好易造成個人私隱外洩，後果可以好嚴重咁話。 其實大家間唔中都會聽到玩家帳戶被搶嘅消息，除咗因為廠方管理玩家嘅私隱不善導致外洩，例如上個月手機遊戲開發商 Zynga就洩露咗兩億玩家帳戶資料，另外亦可能同玩家設定嘅密碼太過簡單有關。專家 Ryan Stewart 解釋，唔少玩家覺得打機只係娛樂，認為無乜特別風險，為咗快速登入帳戶，所以傾向選擇簡單嘅密碼組合，就算廠方提供雙重認證登入方法，都唔會特別選用。Ryan 亦指出加上大部分玩家都係青少年，佢哋亦唔認為個人私隱有幾重要，所以對守護帳戶疏於防範。 Ryan 話如提升打機嘅安全性，無論玩家或開發商都要有所提升。首先係玩家方面，其實資深玩家嘅帳戶係地下市場有市有價，而且有時帳戶入面仲會有玩家嘅信用卡資料，所以絕對會成為黑客攻擊嘅目標，所以玩家一定要設定複雜嘅密碼，同時唔好同其他帳戶共用密碼，絕對唔好貪方便直接用Facebook 或 Google 帳戶嚟登入，萬一私隱外洩就有可能令呢啲帳戶同時失守。如果打機嘅裝置有防毒軟件，玩家亦應該考慮安裝。 至於遊戲開發商方面，Ryan 話應該主動提醒玩家安全事項同提供實際做法俾玩家參考，自己亦要做好防禦工作，以免將玩家資料外洩。仲有一點較為特別，就係開發商應引入行為分析工具，當發現玩家嘅行為出現異常，例如短時間內登入位置過遠、登入時間大幅度改變，都有可能係帳戶被黑客攻擊嘅徵兆，咁就可以為玩家提供多一重保障。簡單哋講句，即係玩都要玩得專業啦。 資料來源：https://bit.ly/2OPkoF1