不嬲用慣 WhatsApp 嘅香港人，經過過去一年多嘅洗禮，反而用多咗 Telegram ，特別貪佢保密度高，有限時閱讀等功能，不過呢啲特點亦令 Telegram 成為雙面刃，繼早前韓國「N號房」事件，揭發有犯罪集團利用 Telegram 進行色情活動，有安全軟件研究團隊最近亦都發現，一個叫 Magecart 嘅黑客組織就利用 Telegram 嚟竊取信用卡資料。 黑客集團過往會透過攻擊購物網站，注入惡意程式，然後偷取顧客信用卡資料，因為而家好多網站都會大量使用第三方收費系統，或者一啲擴充功能，又無定期更新呢啲服務，有漏洞都未必可以即時修補，令黑客可以利用呢啲漏洞輕鬆做到 Card Skimming（信用卡側錄）或者 web skimmers（網頁側錄），買家嘅帳戶無意中就會被盜用。 而今次 Magecart…

上月多個名人如 Bill Gates、Elon Musk 嘅 Twitter 帳戶被黑客入侵，於平台騙取 Bitcoin，成功騙取約11萬美元 Bitcoin。的而且確，奪取到原帳戶再向受害人身邊嘅親友落手，成功率會較高，但複製帳戶呢種極度簡單嘅方法，都會有人上釣。曾因利用社交工程（Social Engineering）手法進行詐騙而入獄，後來改邪歸正嘅網絡安全專家 Jake Moore 就親身示範，只須複製目標人物嘅帳戶，都可令對方嘅朋友信以為真，乖乖過數！ Jake 原本嘅 Instagram 帳戶有 1,611 個 posts，同時有…

「N號房」事件相信大家聽過，呢單喺韓國轟動一時嘅性犯罪案件，背後嘅犯罪集團正正係透過通訊軟件Telegram以加密方式營運，令好多人關注通訊軟件會唔會變罪犯溫床。最近英國國家刑事局（NCA）就聯同埋歐洲國家執法機構，破解咗不法之徒利用一種叫「EncroChat」嘅秘密通訊軟件，成為英國歷黎最大規模同最尖端嘅執法行動。 喺今次行動入面，單單英國國家刑事局人員就拘捕咗746人，起出咗5400萬英鎊（多過5.1億港元）贓款、77件武器、超過2噸毒品，成功搗破不法份子用嚟販毒同走私軍火嘅高度機密通訊網絡。喺被搜出嘅武器之中，包括半自動機槍、手槍、4嚿手榴彈、1支 AK47 步槍同埋超過1800發子彈，同時充公咗55架名車同73隻名貴手錶，可想而知，涉及嘅案件規模有幾大型。 根據消息，被捕者之中更加包括一啲犯罪組織大佬，如果屬實，今次真係直搗黃龍。除咗喺英國落網嘅個700幾人之外，其餘涉案者喺歐洲其他地區被捕，一共拉咗超過800人，法國、荷蘭警方同歐洲刑警都有份參與，成個調查行動用咗超過三個月。 「EncroChat」呢隻App係源自法國，可以喺Android 手機下載同安裝，估計全球有6萬個用家，喺英國就大概有1萬人用緊，但係而家已經下咗架兼停用。英國國家刑事局形容隻App已經淪為罪犯嘅「犯罪市場」，佢吔會專門利用呢個加密平台黎聯絡溝通，籌劃各種非法勾當，例如販賣違禁品、洗黑錢、買兇殺人等罪行。 根據「EncroChat」嘅網站介紹，用家除咗可以加密通訊之外，仲可以自已set 指定時間，令收發訊息自動毀滅。除咗提供加密通訊軟件之外，「EncroChat」仲會賣加密手機，每部賣900英鎊（即係大約8600港元），而且要另外俾使用費，六個月費用就係1350英鎊（即係大約1.2萬港元），咩人先會用到呢啲電話？你懂的。 資料來源：https://zd.net/31X6Aii 相關文章：【Telegram都出事？】北韓黑客偷加密貨幣開發核武

無論是手機作業系統、應用app 出現漏洞，抑或用家不小心訪問了惡意連結導致被黑客入侵，都令手機內的個人私隱存在極大的外洩風險。不過，正因為今時今日智能手機幾乎協助都市人處理所有工作，包括網上銀行、公司電郵往來、各種帳戶登入，每一樣資訊都極具價值，所以引來黑客瘋狂攻擊。如何才能加強手機的防禦力，即使在手機遺失後也不用擔心會被硬破解讀取資訊？來自以色列的手機防護服務供應商 Kaymera，其提供的軍事級手機防護技術，客戶中就有不少是政府高官及私人機構行政人員，到底技術有多可靠？ 協助用家繞過授權獲取使用權限 在深入剖析 Kaymera 的獨門技術前，先了解一下所提供的服務內容。Kaymera 分別提供特製版 Android 作業系統智能手機 CipherFort，以及手機即時通訊應用 app CipherBond。CipherFort 擁有最全面的防護效能，包括網絡威脅攔截、流量監察、應用 app 掃瞄、手機設定漏洞偵測等，而現時只適用於 Google Pixel 最新型號手機，當使用這款加強版手機時，手機內所有內容及通話都會被最先進的加密技術所保護，而又不會影響之後的應用 app…

我已經用咗 Telegram 四年，初初用嘅時候，應該唔係咁多本地朋友識得佢，但因為有好多外國朋友用緊，為咗同佢哋聯繫先至裝，仲一直用到而家。其實起初用都唔知佢保安能力咁強，都係後嚟睇報導先知，不過佢的確有好多方面設計好過其他通訊軟件，用用吓就愛上咗。 不過，最近保安公司Kaspersky Labs 就話，Telegram 原來都唔係百分百安全！事緣佢哋調查後，發現北韓一個專為政府效力嘅黑客組織 Lazarus Group，由 2018 年開始發起咗一個名為 Operation AppleJeus 嘅行動，喺 Telegram 開咗一堆加密貨幣交易群組，同埋整咗一堆假嘅加密貨幣網站。唔小心撳咗入去網站，或者加入咗呢啲群組，點擊咗其他人發出嘅連結，就有可能中招，俾人喺你部手機度裝病毒程式，令黑客可以偷取手機入面嘅用戶資料，甚至偷走受害人嘅加密貨幣，暫時知道英國、中國、波蘭同埋俄羅斯都有人中招。Kaspersky Labs 仲話佢哋發現黑客不停轉換犯罪手法，而且愈變愈複雜，增加咗偵破嘅難度。 研究人員 Kayla…

以前網絡保安的工作範圍，主要是環繞著企業網關安全設備的管理，例如：防火牆、IPS、電郵病毒過濾等管理工作。因為傳統的企業網絡架構相對較為簡單，在網關設置防禦來管理企業員工的進出，這個方法行之有效。 再講番大約十年前，鑑於當時對雲端技術、流動設備的安全保護技術還不是太成熟，企業對相關技術採用還有很大的安全憂慮。當年更有安全設備廠商推出一些解決方案，去防止員工在企業環境內上網或使用即時通訊軟件，甚至發出干擾訊號去禁止員工使用流動上網。在現今新世代，若果使用這種方式的話，企業想請到員工都幾難。 近年由於雲端技術的成熟發展，很多企業為了加快營運效率，都轉用雲端服務。例如：雲端版本的 CRM 客戶管理、ERP 企業資源管理、文件傳輸等系統，方便員工在不同地域和時間上班。這個數碼轉型同時把企業的重要數據資料都上載雲端儲存，再加上現今流動設備的普及應用，員工很容易在辦公室以外地方利用自己的智能電話和手提電腦下載雲端上的公司資料，增加了公司資料外洩的機會。 雲端技術和流動設備的廣泛採用，改變了傳統網絡保安的覆蓋範圍。除了網關上的保護外，企業亦加強對雲端及端點（即 Endpoint，包括：手提電腦和流動設備）的資料加密、系統使用的行為監控及多層安全保護。隨著大家對安全意識的提升，行業對安全法規的落實，企業投放在安全的資源也以倍數增加，令到網絡保安的市場也加速擴大。