一場疫症，令大部分香港企業被迫急著數碼轉型，同時黑客亦覷準機會，大舉進攻港企網絡，當中不乏巨型企業中招，暴露了潛藏已久的企業網絡安全意識嚴重不足問題。PwC 網絡安全及私隱保護服務合夥人及 Dark Lab 創辦人顏國定透露，香港近期的網絡攻擊事件大幅上升約十倍。他分析情況指，港企的資安水平落後世界先進地方最少 5 年，主因沿於長久以來，香港社會針對網絡攻擊事件的透明度不足，造成企業以至大眾對網絡安全失去危機感。他認為，現時的監管機制只靠企業自願性披露，情況恐難改善。 香港網絡攻擊升十倍　勒索攻擊明顯進化 顏國定表示，在疫症爆發之前，經他團隊處理的本地網絡攻擊事故，一年平均約四十多宗。但疫症爆發至今，處理事故宗數大幅上升至幾乎一日一至兩宗，按此比例計算，升幅達十倍，而且黑客的攻擊手段亦越見高明。顏以勒索攻擊為例，以往黑客成功駭進企業系統，會短時間引爆病毒，癱瘓並鎖死企業系統，然後直接要求企業支付贖金，攻擊是一次性的。現在，黑客會先潛伏企業系統內一段時間（以香港情況，潛伏期大概一個月），期間黑客會偷偷在系統裝上電腦病毒及後門程式，並且盡量搜集企業的機密資料及客戶資料，之後等待適當時機，黑客就會「唧牙膏」式地攻擊，例如突然在社交媒體把企業的機密資料到處洩漏，並要求企業支付贖金；如果企業拒絕，黑客就會在對方疲於尋找解決方法時，再突然洩漏更多資料，甚至鎖死企業系統。這種持續性的攻擊，比起舊有模式，對企業造成更大恐慌和困擾，因為企業無法得知還有幾多機密資料和客戶私隱會被突然洩漏，相對地受害人就會更容易支付贖金。 長期認知不足　港企資安水平落後 顏國定亦指出，雖然香港企業在近期的數碼轉型風潮下，確實增加投放資源在網絡安全之上，但卻流於「買最貴的系統，但買回來後，從不善用」的層次，令到保安系統即使升級，仍未能發揮應有作用，有些大公司甚至連最基本的 MFA (多重認證）都未有實施。顏形容，港企的網絡安全水平落後世界先進國家五年，主要原因是社會對網絡安全意識長期不足，由市民大眾到公司企業，都不知道網絡攻擊的嚴重性，「連 MFA 這些低成本又有效的保安措施都嫌麻煩」。由於缺乏意識，因此由資訊安全的人材培訓，以至保安系統升級，都被長期忽視，結果現在急於數碼轉型的情況下，企業網絡保安錯漏百出，淪為黑客攻擊目標，「黑客其實都是漁翁撒網式在世界各地找獵物，所以哪裏防禦措施薄弱，哪裏就會成為黑客的天堂。」 監管靠自願披露　透明度不足恐難改善 針對社會整體對網絡安全意低下問題，顏國定認為，核心在於網絡攻擊事故的「披露（Disclosure）」不足，「香港現時的資安教育，很多時候是要求市民大眾『自己小心啲』，但人性在缺乏危機感下，必然會粗心大意。因此最有效的教育是增加危機感。」顏解釋，香港現時主要靠《個人資料（私隱）條例》要求企業自願性披露網絡攻擊事故，但由於欠缺約束力，企業為保聲譽，都會盡量低調處理，結果網絡攻擊事故鮮被曝光，社會大眾一直誤以為「風平浪靜」，自然不懂得去重視問題。他建議，政府可以借鏡先進國家，立法要求企業必須主動披露網絡攻擊事故，並為企業網絡安全措施要求，訂立清晰標準，以有效提高資訊透明度。「只有建立在有力的法律基礎上，企業才有不能迴避的責任，去披露資安問題的實際情況。當資訊的透明度有所提高，公眾認清事實，大家才會從日常生活中感受到網絡攻擊的嚴重性。於這樣的社會氣氛下，我們才能談得上以教育提高大眾以至企業的網絡安全意識。」

DDoS攻擊（分散式阻斷服務攻擊）攻擊屢見不鮮，威脅企業網絡安全，並勒索巨額贖金，根據《Nexusguard Q2 2020 Threat Report》，逐點攻擊（bit-and-piece attack）較去年同期增加570% ，攻擊者明顯改變了攻擊策略，發起大型而且更精細的攻擊，向目標網絡注入流量，以癱瘓目標，使其服務受影響甚至中止。Nexusguard 的分析師曾目睹以超過51%小於30Mbps的逐點攻擊所發動的小規模攻擊，去迫使網絡服務供應商降低整個流量網絡以降低風險。 在科技和資源的愈見發達下，為殭屍網絡增加彈性，使其更易避過檢測，輕鬆奪得目標系統的指令權和控制權。攻擊愈見精細，意味著網絡服務供應商需要在其他合法的大流量中，檢測出更小、更複雜的攻擊，難度更高。 Nexusguard分析師建議，服務供應商應改用以深度學習為主的預測模型，以便在發生捐失前，快速識別惡意模式，並立即實施緩解措施。 Nexusguard 總技術主任 Juniman Kasman指出，遙距工作和學習需求增加，意味著線上服務需求較以往任何時候都更重要。他又指，網絡攻擊者擁有更完備的資源，以便他們可以作更持久的攻擊，因此企業必須深入研究其攻擊方式，並制定相應措施，以應對這些更複雜的威脅。 資料來源：https://bit.ly/3685ClA、https://bit.ly/2S3dIn4

勒索軟件（Ransomeware）案件一般只為求財，要求受害人或企業交付贖金以換取資料解鎖，但德國近期發生首宗懷疑因勒索軟件而致死的案件，事源是一間位於德國的醫院遭遇勒索軟件事故，間接令該名女病人在送院期間死亡。這次事件由求財間接變成「害命」，令人不禁擔心醫院這類必須的公營設施，是否有足夠能力抵抗網絡攻擊，造成不必要的傷害。 涉事的德國醫院當時正處理勒索軟件攻擊，事件令30個內部伺服器及醫院網絡受影響，而未能立即接收這名需要緊急救治的女病人，結果該名女病人需要往30公里外的另一所醫院。德國警方正調查該名病人死亡的原因，是否因勒索軟件事故和醫院死機直接造成，如果證明有關連，將會當作謀殺案處理。 德國媒體RTL報道提到，勒索軟件組織在與當地警方接觸後，已放棄勒索要求，而醫院亦收到解密方法，重啟系統。醫院發文將勒索軟件感染事件，歸咎於這個被廣泛使用的商業軟件的漏洞，並指他們已就事件通知德國當局，當中包括負責發布安全警告的德國網絡安全機構BSI。而在悲劇發生前一天，BSI曾突然發出警告，要求當地的公司針對勒索軟件幫派的已知入口點漏洞CVE-2019-19871 ，作出對應措施。 資料來源：https://zd.net/3mydJxy

Norsk Hydro ASA，全球最大既鋁金屬生產商，市值高於 550 億美元，業務與廠房遍及全球 50 個國家，員工數目超過 35,000。2019 年 3 月 19 日奧斯陸零晨，這家挪威企業被黑客入侵，匈牙利營運中心職員察覺後，馬上按照保安程序將整個企業斷網， 但黑客係短短兩個鐘，已經「綁架」咗 Hydro 500 個 Server 加 2,700…

7 月 23 日，全球衛星定位裝置生產商 Garmin 被勒索軟件襲擊，令旗下海陸空導航系統、運動手表及網站停止運作，而香港嘅手表用家就投訴，做完嘅運動記錄無法上載，連全球定位都做唔到。事後被傳媒揭露所中嘅勒索軟件係 WastedLocker，其加密檔案演算化暫時並無破解方法，不過 Garmin 就喺短短四日後重新運作。點解咁快破解到？有人懷疑係 Garmin 俾咗贖金嘞⋯⋯ 首先揭發事件嘅係 Bleeping Computer 網站，有 Garmin 員工私下將公司系統被加密嘅相傳俾佢哋，仲話黑客要求俾 1000 萬美元贖金先肯提供解鎖工具。正因為 WastedLocker…

日本攝影器材巨商 Canon 被爆遭知名勒索軟件 Maze 襲擊，導致 Canon email、Microsoft Team、美國官網等內部應用程式紛紛受影響，傳聞更指超 10TB 用戶資料被竊取。 直至截稿時間，Canon 美國官網仍無法進入 據 Bleeping Computer 爆料，Canon 美國分公司一員工昨日收到公司 IT 部通知，指公司多個內部系統及 20…

以前中咗勒索軟件（Ransomware），衰到極最多都只係攞唔返啲資料，但自從勒索軟件轉咗新玩法，喺鎖死電腦檔案前會先偷走所有數據，一旦企業企硬唔俾錢，黑客就可以用公開資料嚟加強勒索力度，所以勒索軟件就唔再係攞唔返資料咁簡單，隨時觸犯私隱法之餘，亦會大大力打擊商譽，企業關公真係想兜都兜唔返㗎！ 勒索軟件之所以咁乞人憎，係因為採用嘅加密演算法好難破解，再加上好多時企業都無做好 backup，所以一旦內部檔案被加密，企業本身係無能力還原，應對方法之一係當成個系統被砍掉重練，否則就要乖乖被贖金，期望黑客有「良心」送返條解鎖 key 俾你。瀨得嘢多，唔少企業都學識 backup 嘅重要性，搞到黑客搵少好多，於是黑客自然識得變招，除咗會攻擊埋企業嘅儲存裝置或雲端備份，仲會喺發作前盡量將資料偷走，用嚟加強威脅性，就算唔肯俾解鎖費，都要受害企業俾掩口費刪除外洩資料，否則就會喺黑客自己營運嘅網站上公開機密資料，好多時都包括被害公司嘅財務檔案、客戶及員工私隱資料等等，好似之前我哋報導過嘅 Bossini 事件咁，就有大量商業機密同客戶資料網上見嘞。 正因為黑客轉咗玩法，所以有企業已提升咗勒索軟件攻擊嘅應變態度，唔再選擇收收埋埋，轉而當成資料外洩咁公開，一來有啲公司嘅客戶屬歐盟成員國國民，所以受 GDPR 法規約束要通報；二來由於黑客會事先披露，一定有傳媒查上門，如果企硬否認，只會惹來強烈抨擊，進一步損毁商譽，後果等同搬石頭砸自己隻腳，所以有理由相信會有愈來愈多企業企出嚟承認受到襲擊，香港同業亦應該盡快調整一下緊急應變措施喇。 資料來源：https://bit.ly/38MU7PX 相關文章：【大件事】Bossini、c!ty’super成為勒索軟件攻擊目標？

勒索軟件橫行咗咁多年，以為開始無咩料到？又或者以為一般防毒軟件都夠做，可以防得到？少年，你太年輕喇！網絡安全公司SophosLabs就發現，Ragnar Locker呢隻勒索軟件嘅攻擊模式有「進化」，侵略性又提升咗一個層次。佢哋會喺受害人部電腦入面植入虛擬機器（Virtual machine,VM），然後就用呢個 VM 嘅軀殼嚟逃避防毒軟件嘅偵測，喺一個自製嘅「安全環境」之下繼續進行軟件勒索。網絡安全專家暫時發現，呢隻勒索軟件係靠植入 Windows XP 嘅 VM，然後執行 Oracle VirtualBox，再利用 VirutalBox 程式嘅合法程序嚟做掩護，令防毒軟件無辦法偵測得到。 Ragnar Locker 背後嘅黑客組織過往一向都會喺啟動勒索軟件前，先由目標電腦上偷資料。四月嗰陣，黑客就曾經對葡萄牙能源（Energias de Portugal）公司嘅網路發動過攻擊，當時聲稱偷取咗該公司敏感資料量達 10 TB，亦都勒索咗1580個比特幣（折合約…

勒索軟件（Ransomware）的確令人聞風喪膽，小編身邊已有唔少朋友嘅公司中咗招，一日唔提高防禦水平，相信受害者將會普遍到總有一個喺左近。就好似最近一個新開張、專門提及有邊啲公司正受到襲擊嘅 Twitter 帳戶，竟然有大家都識嘅 Bossini、c!ty’super 份，而且仲話黑客要脅只要唔俾贖金，就會公開偷咗嘅資料，唔知你又係唔係佢哋嘅顧客或合作夥伴呢？ 呢個新開張嘅 Twitter 帳戶叫做@ransomleaks，由今年 5 月開始營運，專門喺暗網收集資料，睇吓有邊啲黑客組織喺暗網拍賣盜竊返嚟嘅資料，或喺網站公開受害公司部分機密檔案，作為判定有邊間公司已經中招。到底啲料堅唔堅呢？小編就用咗喺 5 月公報嘅一啲個案嚟驗證，發現好似澳洲物流公司 Toll Group 及奧地利 Weiz 小鎮嘅報導都真有其事，所以今次佢話 Bossini 同 c!ty’super…

分享FacebookTwitterWhatsAppEmail 呢幾年勒索軟件（Ransomware）肆虐，聞者色變。以往中招者可能只係揀俾唔俾錢攞解密鑰匙，不過而家就多個選擇喇，除咗以上選項，你仲要揀將唔將啲機密檔案銷毀，否則唔單止解鎖唔到啲檔案，仲會網上見添！ 勒索軟件嘅可怕之處，係黑客會將電腦內嘅檔案加密，由於解密鑰匙係基於高級演算法運算出嚟，所以一旦中招，基本上除咗俾贖金之外，都好難靠自己破解。不過，隨住愈來愈多公司重視備份檔案，受害者開始傾向唔俾贖金，於是黑客又再變招，兩大趨勢分別係會狙擊埋備份嘅檔案，以及喺啟動勒索程序前將啲資料偷走，前者等你無備份可依靠，後者就可以恫嚇將資料公開，等你唔俾贖金唔得。 第二招其實已有唔少勒索軟件黑客組織做緊，好似 Maze、Sodinokibi、DopplePaymer、Clop、Sekhmet、Nephilim、Mespinoza、Netwalker 等等，都特登整咗一個網站出嚟，只要對方唔俾錢就將機密資料上載，包括對方客戶嘅個人資料。不過，黑客組織 Ako 就更加狼死，除咗解鎖費用，仲會視乎對方嘅公司規模或行業，要求俾多筆刪除資料費用，Ako 就曾舉例有公司喺繳交 35 萬美元解鎖費用後，要再俾另一筆刪除資料費，費用由 10 萬元至 200 萬美元不等。 「精明」嘅受害者，當然未必會俾晒兩筆贖金啦！Ako 回應傳媒查詢時，就表示有醫療機構選擇只係俾刪除資料費用。相信呢個受害機構係有做好備份，同時衡量過病人資料外洩，就著個人私隱法例嘅賠償金額應該仲大，所以迫於無奈先俾贖金。 隨住勒索軟件不停進化，應對方法除咗加強員工嘅網絡安全意識培訓、做好備份之外，企業亦要做好數據加密技術，以及將其中一個備份設備離線，咁先可以減低勒索軟件嘅破壞力。 資料來源：https://bit.ly/2ZddNcN 相關文章：【雙面人】WannaRen勒索軟件呢頭鎖果頭解