一般認爲黑客只會向大企業埋手，發動網絡攻擊以勒索更多金錢，但這觀念其實大錯特錯。事實上，不只大企業，中小企每日都會收到大量釣魚電郵，當中包括惡意連結及勒索程式附件，一不小心隨時中招。去年本港有調查報告顯示，逾七成中小企在過去十二個月曾發生網絡事故或遭受網絡攻擊，愈來愈多黑客瞄準中小企攻擊。另外，根據香港生產力促進局發布的「SSH香港企業網絡保安準備指數 」的分析，中小企業繼續維持在基本（Basic）評級，反映大部分中小企管理者仍未有足夠的安全意識，對有可能造成的損失掉以輕心。英國保險公司 Hiscox 早前發表的研究報告便指出，英國小企業一旦遭受攻擊，每宗事故平均造成約2.57萬英磅損失，包括用於交付贖金、修復數據或購置硬件等，可見中小企絕不可以輕視網絡安全問題。 捨難取易 黑客密食當三番 一旦受到黑客攻擊，中小企管理者第一時間普遍只會高呼不幸，慨嘆被「亂槍打中」。但想深一層，中小企真的沒有被攻擊的價值？答案肯定不是。首先，黑客傾向捨難取易，絕大部份的中小企都疏忽於網絡安全及缺乏備份的意識，就算有選購網絡安全工具，防禦力亦較為薄弱，自然很容易被攻破；更甚者公司內部的電腦及物聯網（Internet of Thing, IoT）裝置被侵略而變成殭屍網絡，被黑客利用去攻擊勒索贖款對象。其次，黑客們洞悉商業社會的生物鏈關係，大企業為節省成本，將工作外判中小型企業，所以只要攻陷規模較細的承包商，絕對可成為入侵大企業的跳板。種種原因，都會置中小企於危牆之上，大企業亦不能倖免。 的而且確，沒有採用適當的防護措施，會令企業在多方面都曝露出安全漏洞，例如電腦設備、物聯網裝置、POS 系統，以及現時流行的 BYOD（Bring your own device）工作模式等，簡單的防毒軟件或防火牆，未必足以應付黑客日新月異的攻擊。另外，看似簡單的 Wi-Fi 無線網絡，卻可能因設定出錯而出現缺口，讓黑客可輕易進入公司網絡作惡。 尤其近來外圍因素多變難測，不少企業讓員工在家或遙距工作以提高工作效率。但有可能面對遙距網絡連接的防禦不足問題，包括數據傳輸未有加密、電腦或手提設備防護不足，未能夠發現和阻隔黑客精密的網絡攻擊等。此外，員工有機會在缺乏足夠保護的無線網絡上工作或在未有以多重登入身份驗證或登入權限界定不夠仔細的情況下，假若公司內部沒有做好網絡間隔（Segmentation），都可令黑客乘機長驅直入。黑客除了借助勒索程式要求贖金、盜取公司機密和暗中利用殭屍裝備發動分散式阻斷攻擊（DDoS, Distributed Denial of…

今時今日嘅大數據，乜都關事，更關個海事。想像一下，每日每分每刻有無數船隻於香港水域進進出出，分分鐘忙過機場，當中要收集及分析嘅數據，真係「海量」！你話大數據係咪關個海事？ 細個讀書都有教，維港水深港闊，香港更係世上最繁。忙嘅水域之一，面對「海量」數據，海事處嘅船隻航行監察中心（VTC）以往需要大量人手處理，而呢啲數據當中，又有來多個獨立運作嘅水域資料，又有雷達資料、電子系統數據，更有文件要人手輸入。可以想像，以往依賴大量人手嘅數據處理方法係幾咁龜速，幾咁冇效率。 加上根本香港航運日益繁忙，聽見都覺得頭痕，既有模式根本應付唔嚟。而龜速嘅後果，係資訊滯後、不完整，面對突發事件嘅反應慢，更極容易導致各種錯誤，為海上安全帶來極大隱憂。因此，海事處於 2016 年決定洗心革面，全面改革整個船隻航行監察服務系統（VTS），更找來 Splunk 合作，引入最先進嘅數據分析平台。 其實唔搵 Splunk 都唔搵邊個，Splunk 嘅強項正是處理海量數據。利用 Splunk，就可以實時將來自不同固體數碼化雷達、自動識別系統（AIS） 、甚高頻測向系統、全IP資訊、話音網絡等不同範本、形式、來源嘅大數據綜合處理及分析，並且以圖像化顯示，突破性地大幅提升監察中心嘅運作效率。用咗 Splunk 之後，航監系統可以做到全方位、實時、端到端嘅船隻航行監察，瞬間成為世界數一數二嘅全自動航監系統。 Splunk 分析平台除咗夠快夠穩陣可靠之外，更出名具有開創性，套用到海事處都唔例外。藉由 Splunk 分析平台，海事處可以「拓展業務」，與鄰近地區海域交換資訊、進行更多跨境合作，更有效管理海上交通，確保海上船隻安全外，亦可鞏固香港嘅航運領導地位及優勢。 過往海事處追蹤一艘船隻，可能要用上幾十分鐘，用…

【Webinar】HKT x VMware 企業快狠準轉型混合雲搶先機 新冠疫情下，企業為了提供遙距工作環境，大大加速數碼轉型的迫切性。對於已在私有雲採用虛擬化（Virtualization）技術的企業來說，如何將運算資源及工作快速上雲，便成為逆疫行動的重中之重。 遙距工作困難重重 疫情爆發後，為解決遙距工作的需要，企業正面對不同的挑戰。首先是基礎設施方面，因疫情而引發的遙距工作轉變，令企業的伺服器、網絡資源需求大增，然而採購硬件設備卻難以在短時間內完成，業務營運大受影響；雖然企業可採用其他雲端服務解決燃眉之急，但要員工重新適應新的應用程序或操作方法，不單拖慢工作效率，出錯風險亦會大增。而在業務維持上，因遙距工作關係，如伺服器出現固障，IT人員亦無法第一時間修復系統，有可能拖長業務中斷時間，令企業的營運及商譽大受打擊。部分企業為了解決問題，即倉卒將工作或應用程序移雲，如私有雲與公共雲的相容性出現問題，除了難以整合，混合雲架構的可視性亦會減低，甚至出現網絡安全漏洞，特別是監管要求較多的行業如金融業，「新架構」更可能因此而無法達到法規要求，後果可大可小。 無縫轉移工作負載 VMware Cloud on AWS （VMC）的軟件定義數據中心 (Software-Defined Data Center）解決方案，便是專為協助企業客戶建立混合雲架構、輕鬆選擇將所需工作或功能移雲而設。由於解決方案是於 AWS 伺服器上運行 VMware 的軟體堆疊（Software…

因為疫情嘅關係，視像會議程式突然變到人人都要識用咁滯，南非外交部長馬沙巴內夫人亦唔例外，早排佢本來要就新冠病毒嘅影響，用Zoom主持一個部門嘅視像會議，不過事與願違，呢個會議最終俾黑客入侵，仲要播埋色情內容，場面令人尷尬。 最慘會議上除咗有部門員工同傳媒之外，為咗提升參與度，會議直情開放俾公眾加入，有意參加嘅人超過400個，相信黑客扮成參與者混入會議，喺眾目睽睽之下播放裸露圖片同色情畫面。 隨住視像會議程式嘅需求愈嚟愈大，相關嘅網絡安全問題亦都成為熱話，美國聯邦調查局(FBI)都點名話，Zoom程式有明顯嘅安全漏洞，已經成為黑客目標，更加指出兩宗黑客成功入侵嘅例子：馬薩諸塞州一間高中用Zoom上堂期間，就俾不明來歷嘅入侵者大聲講粗言穢語，同埋公然講出負責老師嘅住址；州內另一間學校就有入侵者喺鏡頭面前，向與會者展示納粹德軍標誌紋身。FBI提醒市民用Zoom或者同類軟件嘅時候，要確保軟件已經更新到最新版本，亦唔好隨便公布同透露進入網路會議室或網路教室嘅連結。 除此之外，加拿大多倫多大學有份參與嘅研究機構Citizen Lab，早前就揭發Zoom有時會用中國伺服器（servers）供應商發出嘅密鑰（keys），就算係北美客戶嘅 Zoom 會議，都可能用咗嚟自中國嘅密鑰。報告質疑Zoom喺中國有三間公司，有可能令 Zoom面對官方壓力嘅時候，有法律責任要披露加密資料。而Zoom亦喺4月3日承認，因為2月用戶流量急升，誤將幾千個用戶嘅會議流量，分流咗去中國兩個數據中心處理，Zoom無透露受影響用戶有幾多，雖然強調已經盡快修補漏洞，不過事件已經令大眾對Zoom嘅安全性存有戒心。 唔少用戶亦都開始尋求Zoom程式以外嘅選擇，包括：Google Hangouts Meet、Microsoft Teams、Cisco WebEx 、又或者係Skype嘅會議功能，經常有需要開視像會議嘅朋友，不妨了解多啲。 資料來源：https://bit.ly/34KXc0R、https://bit.ly/2ymH9Kz、https://bit.ly/3eutbH7 相關文章：【緊急自救】修改群組政策設定 煞停Zoom 派送Windows登入密碼

可能大家都唔知乜嘢係 Fleeceware，雖然佢被定位為「反派」，但佢唔會偷你私隱或錢，唔會偷偷哋控制你部手機，亦唔係一裝就中招，但如果你裝咗而個人又好大頭蝦，咁你就有好大機會跌錢㗎喇！ 網絡安全服務供應商 SophosLabs 早前發表報告，指有證據顯示 Fleeceware 正開始由 Google Play Store，轉移去 Apple 嘅 App Store 落手。Fleeceware 其實應該歸類入欺詐手機應用軟件，佢嘅呃錢手法係透過唔同途徑吸引用家安裝及訂閱試用服務；當試用期屆滿，就會變成自動每月收錢，一旦用戶「訂閱」咗呢啲 app，而刪除嗰陣又唔記取消埋訂閱，咁就會即刻被「過數」一個月甚至一年費用，想追返都難！好熟哩？其實而家香港都仲有好多服務供應商用緊呢招，舉例申請家居寬頻，通常送你幾個月收費電視試用服務，只要你選擇使用，但實際上連TV box 都無插，只要試用期一過就會自動過數，如果當事人無核對信用卡月結單習慣，隨時交咗成年月費都唔發現㗎！最慘係就算你想 cut…

【網上工作坊】COBO 定BYOD? 老闆員工陷兩難 BlackBerry輕鬆打造無須VPN的安全移動辦公室 流動裝置普及率高，所以喺疫情之下，企業最快嘅遙距工作開展方法自然係讓員工採用BYOD（Bring Your Own Devices）模式工作，因為毋須突然採購大量電腦(Corporate-Owned Business Only)裝置，減少開支。不過，一聽到BYOD，大部分企業管理者都會耍手擰頭，認定員工嘅私人裝置唔夠安全，一旦中毒就會禍連公司！其中一種解決方法係喺使用MDM（Mobile Devices Management）管理員工嘅裝置，阻止員工使用某啲軟件，保障員工使用的裝置安全，甚至可以讀取裝置位置排除外地嘅虛假登入。雖然比較安全，但一般要求裝置的權限過大，作為員工，肯定唔會想被監控。 BlackBerry提供嘅UEM（Unified Endpoint Management）服務就可解決呢個膠著點，員工只須喺裝置上安裝Blackberry UEM 的軟件工具，就可以通過呢個工具直接連接公司內部網絡，以及所採用嘅雲端應用服務，員工完全毋須擔心公司可以讀取上述嘅私隱問題。由於Blackberry UEM軟件使用獨立Container，員工喺入面所做嘅嘢，都唔可以存取到工具以外嘅地方，就連將文字copy & paste都唔得，所以企業管理者亦唔使擔心機密外洩，可以快速達成遙距工作嘅目的，而又唔使犧牲私隱及安全性。成個系統最快只需半日就可完成設定，唔會好似MDM系統咁要因應員工裝置嘅作業系統而逐一setup，快捷又簡單！…

雖然唔少人都對新推出嘅 iPhone SE 心感興奮，不過，Apple榮登全球最受歡迎品牌第一位呢件事，只係講緊最受罪犯歡迎者。因為Check Point Research最近調查顯示，2020 年第一季度最常被釣魚電郵利用嘅品牌就係 Apple 喇，佔十份之一有多，其次就係萬眾期待喺疫情下會有開放任睇嘅 Netflix，明丫，有真開放嘅 Pornhub 就榜上無名喇因為大家都第一時間自己去官網登記嘛。 頭十位最常被網絡釣魚攻擊利用嘅品牌係： Apple (佔全球所有品牌網絡釣魚攻擊的 10%)Netflix (9%)Yahoo (6%)WhatsApp (6%)PayPal (5%)大通銀行(5%)Facebook…

今年 4 月初，中國國內出現一隻勒索軟件 WannaRen，中招者不單自己部電腦出事，就連同一內聯網嘅電腦都會受感染。由於個名同著名勒索軟件 WannaCry 相似，所以就有人懷疑係咪同一黑客所為？不過，經過內地網絡安全公司調查後，發現隻勒索軟件係用「易語言」嚟寫，所以相信絕對有可能係中國人所為。奇就奇在，製造呢隻惡意軟件嘅黑客喺幾日後，自動上載解密器俾人解密，完全唔使俾之前話要收嘅贖金，到底搞邊科？點解又同北韓金仔有關呢？ 其實今次金仔都好無辜，因為同佢又無直接關係，只係黑客將金仔嘅漫畫黑客造型放咗喺 WannaRen 勒索軟件嘅主介面咋。對於 WannaRen 事件，國內安全服務公司火絨安全有詳細來源去脈報導。簡單嚟講，就係 WannaRen 喺知乎、貼吧、微博上突然成為熱門討論話題，以及出現好多受害者後，火絨就開始對呢隻勒索軟件進行源頭追蹤。發現原來黑客係利用 Windows 系統嘅 EternalBlue 漏洞嚟發動攻擊，只要中咗毒，WannaRen 就會由 C&C 伺服器下載及安裝挖礦軟件同勒索軟件，同時感染其他電腦。而且編寫代碼係用中文嘅易語言，所以否定咗同…

疫境下全球失業率急升，但有幾個行業不受影響，如常運作，其中一個就係協助堵塞網絡保安漏洞嘅白帽黑客。 講到黑客，好似一定犯法，其實不然。有道德嘅一班高手，選擇向網絡保安服務商舉報漏洞，以前可能當響朵贏得一官半職，隨著網絡安全得到重視，賞金平台 HackerOne 開張大吉，一班白帽黑客就可以靠賞金過活。係咪好想知點樣入行？賞金行情？由曾黑入美國政府嘅 Tommy DeVoss、由程式員轉職嘅 Cosmin、HackerOne 首位累計過百萬美元賞金嘅 Santiago Lopez，三位全職賞金獵人向大家披露入行心得。小編將之總結成以下 5 大重點。 實質工作流程係點先？ 要睇大量文件、熟用 Burp、Sublist3r、dnscan，亦要開發個人工具、不斷吸收最新網絡保安資訊、寫報告、搵出自己擅長嘅保安範疇與策略等。技巧方面，唔可以只參考一個黑客嘅工作方式，要喺唔同人身上偷師，融會貫通，建立個人風格。呢份工好花時間，有時埋門一腳會被人截糊，第 2 名係一蚊都分唔到，所以唔好以為真係篤吓電腦就有錢袋咁 naive，真係要有興趣「捉蟲」，保持好奇心，享受破解嘅快感，唔好下下用錢衡量付出。 收入有幾多？ 一個有料嘅白帽，每星期做…

中國網絡安全公司奇虎360（Qihoo 360）指出，有國家級黑客組織正利用國內 VPN 供應商深信服（Sangfor）伺服器嘅零日威脅（Zero Day vulnerability），埋下木馬程式，目的係為咗攔截政府機構喺處理新冠疫情嘅情報。支援呢班黑客嘅國家係來自朝鮮半島，到底係南/北邊個邦交國呢？ 為咗喺網絡公海上安全咁傳送數據，唔俾黑客截取，好多企業都會採用 VPN 服務，特別係近來遙距工作需求大增添！不過，奇虎360 就喺最近發表研究報告，指出由上個月開始，發現國內 VPN 服務供應商深信服喺全球各地嘅伺服器中，有超過 200 個正被黑客入侵，當中 174 個伺服器更有中國政府機關及駐海外代表團使用，所以就認為今次入侵，目的好可能係想截取有關中國政府處理疫情嘅手法、醫療資訊及各種數據。 專家嘅研究指出，今次發動攻擊嘅 APT 黑客組織 Darkhotel，採用咗非常精密嘅方法去散播木馬病毒。佢哋首先利用深信服伺服器存在嘅零日漏洞，偷偷哋換咗入面嘅執行檔案…