英國國家網絡安全中心最近分享一個警世故事，有企業被勒索軟件攻擊後選擇交付數百萬美元贖金換取解密金鑰，修復後但未有檢討根本問題，結果兩星期後，又再被同一黑客組織以相同招數入侵。雖然故事主角的遭遇非常悲慘，但的確好難忍笑…… 根據區塊鏈分析公司 Chainalysis 最新公布的一份調查顯示，2020 年勒索軟件 (ransomware) 黑客組織至少賺取了 3.5 億美元贖金，較 2019 年大增 311%。雖然不少企業管理已認清勒索軟件問題的嚴重性，但仍然心存僥倖，以為自己未必會成為目標，結果中招後只能乖乖交付贖金。英國國家網絡安全中心最近一篇貼文就顯示，即使企業不幸中招，都不會痛定思痛找出被入侵的根本問題。 安全專家指出，受害企業在第一次被勒索軟件攻擊後，由於未有做好數據備份及修復工作，結果決定交付約 650 萬美元贖金，冒險從黑客組織手上換取解密金鑰。幸好黑客組織提供的金鑰有效，否則企業便會白交贖金。不過，專家說該企業解鎖系統及檔案後卻未有認真找出漏洞所在，似乎認為業務營運已回復正常，結果同一黑客組織再度上門，以相同手法將企業的系統及檔案再度上鎖，而由於該企業未有汲取教訓，所以專家相信對方只能再次交付贖金。 相信這次事件不單只花生友覺得不可思議，就連該勒索軟件黑客組織應該都有相同感覺，因為錢實在太過易賺喇！而英國國家網絡安全中心專家就呼籲受害企業如不想再被同一招數打垮，必須盡快找出漏洞所在，並將各種作業系統、軟硬件的韌體保持在最新版本，同時引入雙重 (2FA) 或多重身份驗證 (MFA) 工具，便可第一時間堵塞漏洞，而且被取得帳戶登入資料時亦不易成功登入系統。另外亦要加密儲存的數據，做好數據備份及回復準備，即使被黑客盜取數據及加密系統，也不用考慮再交贖金，因為對方無法以公開數據進行二次勒索，自己亦可完全復原數據，便毋須屈服於對於的淫威之下！…

香港 IKEA 宜家家居早前突然停業，Beeping Computer 透露，IKEA 的母公司牛奶公司疑遭黑客組織 REvil 入侵，內部網絡及伺服器遭加密勒索，並指黑客勒索 3,000 萬美元贖金。惡意軟件攻擊在香港並非罕見，HKCERT 自 2018 年至本月，共收到 4,581 宗相關事故報告，為防勒索軟件買保險，會不會是一件好事呢？在英國，最近為勒索軟件保險事宜鬧得熱烘烘，究竟中間有何爭論點？ 英國保險人協會（Association of British Insurers, ABI）被指將勒索軟件付款納入網絡保險政策，是間接支持網絡犯罪組織，ABI…

近日有傳中國受水災影響，部分地區出現糧食危機，政府亦帶頭呼籲民眾不要浪費食物。除了天災之外，人禍也會引發糧食短缺，例如以色列安全專家就發現，由Motorola設計的智能灌溉系統在設計上缺乏安全考慮，竟容許用戶以出廠登入資料長期使用系統，只要黑客有心，隨時可摧毁大量農作物，製造糧食危機！ 為減少人力需求、降低成本，不少農場也會裝設智能灌溉系統，交由電腦自動執行灌溉、施肥、使用農藥等工作。可想而知，如未能及早發現系統損壞或運作異常，農作物的收成將會大受影響。而以色列安全公司Security Joes創辨人Ido Naor，就發現有超過100個Motorola ICC PRO智能灌溉系統的用戶，竟然未有為系統設定密碼，黑客只要使用Motorola預設的帳戶登入名稱如admin，即可遙距登入帳戶，修改智能灌溉系統的設定及執行異常灌溉指令，而且不會驚動Motorola及其用戶。Naor指出Motorola的ICC PRO雖然有安全保護，但由於未有強制用戶在安裝後更改帳戶登入資料，全靠客戶自律，結果情況就如許多IoT物聯網產品的用戶一樣，放任繼續使用原廠設定。 Naor說要找出這些系統並不困難，只要使用IoT裝置掃描器，就能輕易在網絡上搜出Motorola的ICC PRO。他已即時將研究報告通知以色列的網絡安全中心及Motorola，讓對方通知用戶盡快修改密碼，而Naor發現仍未修改密碼的用戶已減少至78個，不過由於研究已經公開，肯定會有黑客嘗試入侵這些用戶。 事實上，各國政府均意識到IoT產品的安全問題，並開始陸續規管生產商，例如美國於2020年1月1日生效的SB-327 Information Privacy：Connected Devices 條文，就限制生產商必須為每部產品設定獨一的出廠登入密碼，即使用戶未有更改，也不致被黑客以同一密碼大規模攻擊其他同廠產品。英國及澳洲政府亦有就IoT產品推出安全生製指引，但距離立法還有一段長時間，用戶現階段必須靠自己，例如定時更改帳戶登入資料、啟用2FA雙重因素驗證、持續更新官方發布的韌體更新等，雖然未必百分百安全，但也可減少大部分危機。 資料來源：https://zd.net/3kDpb9V

由拘捕孟晚舟嗰一刻開始，就知道侵侵政府下定目標，要打擊華為（同埋中國政府）喺電訊設備市場嘅地位，而且侵侵仲不斷拉攏盟友，向華為說不！不過，英國政府正式發新聞稿，表示會「有限度」採用華為設備，侵侵呢個算盤打唔響喇。 呢單消息公布之前幾個禮拜，美國政府已經派出副國家安全顧問 Matt Pottinger 組成嘅代表團出訪倫敦，出力做游說工作。國務卿蓬佩奧、財長努欽亦不停喺國內發表言論，指華為設備對國家安全構成威脅，英國國會亦熱烈討論呢單嘢，結果都係唔能夠令英國跟隨美國步伐，對華為進行制裁。 過去兩年，侵侵極高姿態向「五眼聯盟」盟友（澳洲、新西蘭、加拿大、英國），以及北約盟友（包括德國等歐洲國家）表示，唔應該採用華為設備嚟興建 5G 網絡，以免俾中國政府竊取數據，同時亦不停透過傳媒報導華為勾結北韓、協助打擊疆獨分子、向伊朗出售設備等新聞。而喺英國決定用華為設備後，都仲有三個參議員去信英國政府，話唔想喺英國脫歐之際，重新審視英美自由貿易協定，同埋兩國情報交換機制，希望英國政府三思。 但係睇返今次英國嘅決定，查實考慮得幾周詳：首先所有用嚟傳送數據嘅核心 5G 網絡設備並唔會採用華為，市民有機會用到嘅網絡，華為都只係負責少量機站同埋天線；至於敏感度較高嘅地方例如軍營等等，華為更係唔可以參與，總之英政府就將華為嘅市場佔有率限制喺 35% 以下，確保其他公司如 Nokia、Ericsson 等可以齊齊分一杯羹，算係平衡晒各方面嘅考慮，將潛在風險減至最低。美國嘅輿論就唔係太敢大肆抨擊英政府嘅決定，始終都對兩國緊密關係有所顧忌，同埋希望呢個唔係最終決定，英政府仲有機會改變主意。 唔單止英國，就連德國都陷於兩難情況，無論用唔用華為，就會得失中美其中一方，可能要承受巨大嘅經濟壓力，所以到呢刻都未決定到，而意大利亦傾向學英國「有限度」使用華為設備。歐盟同埋英國國家網絡安全中心亦一齊發出指引，點樣可以同高危廠商（冇指明道姓係華為嘅）一齊興建電訊網絡，仲提供咗可行方法俾其他國家去跟隨；就連美國自己都鬆咗手，國防部阻止咗商貿部禁止當地企業售賣零件俾華為嘅決定，話晒華為每年向美國企業買入110億美元零件，貿然禁賣會令呢批公司減少科研投資，變相令國家失去科技競爭力。 從以上事例可見，用定唔用華為，睇嚟真係唔容易決定，到底美國係唔係真係會制裁採用華為嘅國家？英美兩國關係跟住會點？就要看下回分解！ 資料來源：https://bit.ly/2RSidC0 相關新聞：【侵侵入侵】大量侵侵主題程式蒲頭

無論係企業抑或個人，喺轉售、棄置或因中毒而要重設電子產品嘅時候，都應該要注意小心處理入面儲存嘅資料。以為刪除晒入面嘅資料或回復原廠設定就得？等英國國家網絡安全中心嘅專家話你知得唔得。 英國國家網絡安全中心（UK National Cyber Security Centre, NCSC）早前發佈咗一份關於 電子裝置還原原廠設定或重新配備嘅安全指引，指引內模擬咗四個唔同嘅場景，分別係：裝置受惡意軟件感染、設定新裝置、於組織內將裝置重新交由另一相同職級嘅人使用，及清洗裝置以作出售或於組織內將裝置重新交由較低權限的人使用。根據以上呢四個場景，NCSC 對 Android、iOS 作業系統嘅裝置都有唔同建議。 Android 裝置唔建議放售 首先係清洗病毒及內存資料方面，專家指一旦 Android 受惡意軟件感染，單係回復原廠設定或重裝系統並唔足夠，因為先進嘅惡意軟件可以繼續存在於系統內，同時間，做完以上動作都唔會清除到 SD 卡上嘅資料。如果裝置係牽涉到接觸高度機密資料，專家就建議中毒後要換過部新機，而且由於 Android 裝置係無認證方法可以完全清除所有資料，所以無論部機有無中過毒都好，只要入面嘅資料唔外洩得，都唔好拎去轉售，又或交俾組織內權限較低嘅人使用。…