香港科技園今日起至 16 日舉辦香港創科職業博覽 2022，提供來自 283 間公司、超過 2,900 個創科職位空缺，盼為本地及海外年青人才帶來更多就業機會及職涯發展導向。科技園首次舉辦為期一個月的 「T2: 創科人才薈」，培育新一代創科人才，招攬有潛質的年輕人才投身創科行業，推動香港成為國際創科人才中心。 本年度創科職業博覽中，對人才需求最高的四大範疇分別為人工智能與數據分析、生物科技、 電子及傳感技術，以及軟件及通訊科技。科技園冀藉活動匯聚不同背景的人才、不同界別的專才、海外創業家等，壯大人才庫。創科職業博覽將結合「T2: 創科人才薈」人才發展計劃，涵蓋「深科技培訓」、「創新思維工作坊及創意比賽」，以及「技能升級系列」（金融科技）三個重點人才培訓項目。 香港科技園公司行政總裁黃克強表示，今年是第三年在疫情下舉辦職業博覽，是次活動冀能向本地年輕人提供參與科研創新的機會，吸引人才在行業內作職業發展，籲年青人即使在困難的情況下，仍要抓緊機會，放眼更大的市場。香港科技園創科學院副總監陳加崗提到，職業博覽為培育本地人才，同時亦盼吸引海外精英來港發展，並以啟發年輕人以創科作為職業選擇。 香港科技園同時公佈一系列合作計劃，如與職訓局合作，協助副學位學生投身創科行業，提供於香港科技園夥伴公司在香港和大灣區的在職培訓及實習機會；夥拍 NVIDIA 合作，透過 NVIDIA DLI 校園大使計劃，為大專生提供人工智能和深度學習方面的培訓，而在「…

AI 人工智能被視為協助人類解決問題的救星，特別是一些重複性工作，AI 的介入的確可減少人類做無謂的事，將專注力集中在重要的工作上。不過，近年對於 AI 偏見 (AI Bias) 的爭論愈來愈多，甚至有一半以上的企業表示對 AI 偏見帶來的風險有深切憂慮，有八成受訪者更希望政府能立法監管…… 早前數據分析公司 DataRobot 為了探討 AI 偏見情況對各行各業帶來的影響，便與世界經濟論壇合作，向全球 350 多間企業或機構派發問卷。經統計後，主辦方除了有上述發現，更有三分之一的受訪者表示 AI 偏見已實際上對業務帶來負面影響，當中有 62%…

成日聽到評論話某個人好有創造力，其實要衡量創造力好主觀，點先可以標準化地進行評估？有研究員就開發了一個四分鐘測試，利用人工智能的深度學習 (Deep Learning) 能力，計算參加者在兩項遊戲中的表現，而衡量標準就是基於人類的擴散性思考 (Divergent thinking) 方法。 擴散性思考能力，是一種以問題為中心，透過多方向思考討論各種處理問題的方法，從中得到創意概念。因此，擴散性思考屬於非線性思維，而且透過多方向思考，有可能在討論過程中發現不同解決方案的關聯性，比起傳統的線性聯想模式更有機會想出新點子。思考過程可以幻想為衛星城市發展模式，都市化由中心出發擴散至週邊地區，而衛星都市之間又有可能存在連繫。 由於在擴散性思考中，問題與答案未必一定存在相關性，就如人類大腦的大型神經網絡運作情況一樣，無時無刻都存在各種概念，所以研究人員在開發這個創意評估遊戲時，便利用了相關的數據樣本去評估參加者的創意。研究員首先將數據樣本訓練人工智能，經深度學習後調查出更準確的演算法。研究人員特別指出，交由人工智能分析的原因有兩方點，第一是數據量非常龐大，單靠人力將花費很多時間，其次人類對事物存在偏見，而且思維亦受過往經歷所局限，難以客觀地整理出結果。 而由 McGill University、Harvard University 及 University of Melbourne 科學家創建的 Divergent Association…

後疫情時代下，數碼技能將與語言能力同等重要。人才的技能提升及重新學習將成為經濟復甦的重要因素。Microsoft 昨日發布消息稱，成功協助近 90,000 名本港人才學習數碼技能，同時訂立目標，於 2021 年內將積極協助全球 25 萬企業透過技能為本的模式，招聘合適的人才。在香港，是次計劃推出了一個專為本地空中服務員及機師工會而設的培訓項目，為受疫情影響的航空界從業員提供數碼技能培訓及學習資源，目標協助超過 5,000 名本地航空業人才獲得數碼技能認證，並改善就業。 另外，最近職業訓練局宣佈成為全港首間設立 Microsoft 認證中心的高等教育院校，進一步協助本地大專學生學習數碼技能並獲得相關專業認可。Microsoft 表示，會透過Career Coach 為教育機構提供統一的職業方案，透過結合AI為本的技能偵測工具，為高等教育學生提供個人化指導，協助學生尋找個人目標、興趣及技能，讓學生全面的個人檔案更能貼近求職市場的趨勢及需求。 此外，Microsoft 亦宣佈將延長免費的 LinkedIn Learning…

國際專業人才招聘顧問華德士集團旗下的華德士及 Walters People 發表《薪酬調查2021》報告，發現在疫情影響下，香港就業市場加速邁向數碼化，重點為擴展電子商務、支援在家工作，以及推行 2020 年期間暫停的項目及計劃。報告顯示香港就業市場氛圍趨保守，但大中華區市場對創科行業人才的需求尤其龐大，估計 2021 年香港就業市場將繼續受去年所面臨一些不確定性和動盪因素所影響。而科技領域的增長將繼續創造新商機，根據一項由華德士及 Walters People 在 2020 年 10 月至 11 月進行的行業研究顯示，科技人才轉職時預期可獲 10 – 15%…

絕大部分人都會用社交平台，所以有時企業喺請人前，都會去求職者嘅帳戶，去了解多啲對方平時嘅行為，再決定係咪聘用。為咗應對呢啲招數，有人會開個假account，但間唔中都要出吓嘢；亦有人會為社交平台大清洗，去打造一個假嘅自己，不過其中港人比較熱愛嘅Facebook，喺刪除舊Posts嗰陣要逐條搞，如果要刪除好舊嘅Posts就更加嘥時間去scroll落底，一個唔好彩㩒錯掣，隨時仲要重新再scroll過添！有時真係成個account刪除仲簡單。 為咗方便用家清洗舊Posts，Facebook新推出 Manage Activity 功能，只要喺個人版面度揀「活動記錄（Activity Log）」，就可以搵到「管理動態（Manage Activity）」選項，之後一次過點選晒所有要處理嘅Posts，跟手就可以決定要封存（archive）定係刪除（delete)佢哋。封存會幫你收埋晒點選咗嘅Posts，日後仲搵得返，而刪除就會打包放晒入垃圾桶，喺30日冷靜期過去後都無救返出嚟，就會永遠消失㗎喇。最窩心嘅功能，係設有Filter俾大家搵返指定時間、用戶嘅Posts，唔使大家撥屏幕撥到手軟。 呢個管理功能暫時只係開放俾手機 app 使用，但 Facebook 方面就話網頁版亦會好快推出，如果有嘢要趕住清，就快啲去更新 Facebook 嘅手機 app 喇。 資料來源：https://bit.ly/2XWxQdn 相關文章：【詐騙風險升溫】1/3港人Facebook帳戶資料外洩

有請過人嘅都知，面試係好浪費時間嘅事，一傾就成粒鐘，仲多數你唔會只係見一個，搞完一大餐冇咗大半日，可能都搵唔到心水人選，結果第二日又輪迴多一次，成本效益十分低。 有好多科技公司研發咗用人工智能代替真人面試，一來求職者唔使親自嚟公司，打開電腦對住鏡頭就可以遙距面試，而請人嘅亦可以唔使再浪費時間，交晒俾電腦做。香港有冇公司用緊就未知，但係最近路透社報導就話南韓好多公司用緊，據當地經濟研究所統計，131間南韓大企業中有接近四分一話用緊或打算會用AI面試，好似好受歡迎咁。 正因為咁多人用，有唔少南韓生意人就靈機一觸，索性開補習社，教人點樣攻破AI面試系統，呢類雞精班收費唔算貴，三小時課程只係10萬韓元（大約港幣六百幾蚊），因此吸引咗好多啱啱畢業嘅同學仔參加，事關佢哋搵工成功率好低，據統計每四個年輕人只有一個成功搵到工，而南韓補習社文化根深蒂固，十個學生有八個幫襯過補習社，所以用雞精班形式就最適合佢哋。 咁到底面試時會做啲咩？路透社就搵記者試咗一次，首先會叫你介紹自己，人工智能從而分析求職者嘅用字，同埋記錄低開心同埋驚驚嘅反應；然後就會開始問啲比較複雜嘅問題，例如「你公幹時見到上司用公司信用卡買私人嘢，你會點做？」之類，從而測試解難嘅能力；最後就會安排一啲簡單遊戲俾求職者玩，通過遊戲測試出求職者37種能力，從而評估佢有幾適合做呢份工，一啲都唔簡單。 補習社負責人就話，其實無論面試問題同埋玩遊戲，都冇固定答案，所以唔需要特別去記住傳統嘅應對方法，最緊要係控制面部表情，用表情嚟令AI覺得你好有信心，例如唔好咧起咀嚟笑，因為咁樣會令系統覺得你太假，應該改用雙眼嚟笑之類，咁樣系統就會覺得你係發自內心嘅笑，成功加分。另外補習班仲有其他小技巧，搏取面試系統俾高啲分，佢話去年已教超過700個大學生，好多都成功搵到工。相信AI面試都會成為新趨勢，特別係應付一啲大型跨國公司嘅網上面試添。各位IT界朋友，預早學返幾招，話唔定好快用得著㗎！ 資料來源：https://reut.rs/2ROkYms 相關新聞：【新年新開始】Facebook打假 AI人樣帳戶大掃除

近年 IT 行業人材短缺，Cyber Security 網絡安全就更是重災區，人手極度不足；修讀相關課程的畢業生突然變得搶手，不少準畢業生表示將學歷放上 LinkedIn 等職場社交平台，很快就有人力資源顧問公司找上門。不過，所謂搶手實屬虛火，因為僱主最著重求職者的實際工作能力，要成功受聘，或加入心儀的大公司，還得先展示自己的實力。問題來了，對一個即將畢業的學生來說，如何憑空變出實力證明？參加黑客大賽，就是一個最佳捷徑。 貼地難題取材現實 一畢業就加入全球四大會計師事務所工作，相信是不少準大學畢業生的夢想。三位來自香港中文大學計算機科學與工程學系、信息工程學系和數學系的學生梁成悅（Jason）、湯湛飛（Chris）、陳兆俊 （Erwin），就於去年畢業後獲羅兵咸永道會計師事務所（PricewaterhouseCoopers, PwC）聘用，成為網絡安全部門的職員。能夠有這項令人葡萄不已的待遇，全因他們去年於「HackaDay 2018」黑客大賽勝出，展示了卓越的網絡安全工作能力。PwC 合伙人顏國定說公司在擬定賽事的題目時，內容非常貼地，都是客戶日常都會面對的網絡安全問題，所以能夠勝出賽事，代表優勝隊伍都非常熟悉相關問題，比起一般面試更能掌握求職者的實力，所以公司會向優勝隊伍提供實習或優先面試的機會。換言之拿著這張直通車票，如無意外都可成為 PwC 的一員，毋須再經人事部篩選，過五關斬六將。 Erwin（右二）、Jason（中）及Chris（左二）去完奪得 HackaDay 2018 賽事冠軍，當時也沒想到真的可以加入 PwC。…

過咗農曆新年，又係打工仔求變嘅旺季。作為IT從業員，為咗提高被獵頭嘅機會，自然識得利用 LinkedIn 等職場社交平台去增加曝光率。不過有資安機構就警告，自從上年中開始，發現越來越多黑客利用呢個平台，誘騙求職者開啟惡意連結或附件，從而下載及安裝 More_Eggs 木馬程式喺對方嘅電腦入面，成功操縱受害人嘅電腦。 首先黑客會喺 LinkedIn 開一個虛假職業仲介公司帳號，然後誘騙目標人物建立關係；相隔一個星期，黑客就會發出一個載有招聘職位資料嘅電郵，要目標人物打開連結，進入預設嘅虛假網站，下載及開啟 Microsoft 文件檔或 Javascript。只要目標人物打開檔案或允許執行 Macros 指令，接住落嚟系統就會自動執行安裝木馬程式指令；另一個情況係電郵內會附有一個無法開啟嘅 PDF 檔案，誘騙目標人物打開旁邊嘅連結去虛假網站。 雖則話騙徒手法層出不窮，但今次呢條橋其實一啲都唔創新，中招嘅原因主要係出喺人心之上。奉勸各位準備搵工嘅人士，千祈唔好咁容易打開陌生人提供嘅連結，否則只會得不償失。 資料來源：https://bit.ly/2EaZbi0

用 C++ 撰寫嘅資料庫管理系統 MongoDB 雖然好用，但已經不止一次被揭發有外洩資料曝光，不過今次非常大量，流出 202,730,434 份 CV，即超過十份一中國人嘅資料。 上星期由 HackenProof 揭發，MongoDB 上面有 854.8GB、超過 2 億份 CV 未被保護，資料包括求職者全名、生日日期、電話號碼、電郵地址、駕照號碼等，連同履歷、要求待遇等一併放題任攞。MongoDB 於事件被揭發後已進行補救，然而，已有有超過 10 個…