上星期四至日，香港電訊（HKT）於觀塘啟德郵輪碼頭舉辦 5G 科技嘉年華，大包圍式將 5G 科技應用及智慧城市技術曬冷！嘉年華分為七大展區，包括 5G 及智慧城市、企業方案、金融科技、全球網絡、革命性生態系統、流動方案及智慧生活，由生活、教育、個人健康管理等各方面，展示 5G 應用概況。而在眾多網絡科技中，其中一個最令人關注的項目，自然是上月從運輸署手上取得、價值 6.8 億元智能停車收費錶系統合約，預計今年底就會開展工程。作為車主，今次有福。 HKT 商業客戶業務董事總經理陳紀新表示，有信心工程毋須用盡三年時間，預計可提前數月完成更換 12000 支智能咪錶。 採集大數據靈活應變 香港車多咪錶少，駕駛人士不想繳付昂貴的私營停車場泊車費，唯有駕車不停在街上兜圈搵位，或在設有公眾停車收費錶的位置冒險並排停車，苦候有車主駕車離去。情況快將有變，上月運輸署拍板將價值 6.8 億的智能停車收費錶系統合約，交予 HKT…

黑客的攻擊招數多到離譜，簡單如上網睇戲、購物，都有極大可能踩地雷，可讓黑客暗裝惡意軟件，又或偷走信用卡資料。個人娛樂都算，最慘是現時工作已離不開在互聯網上搵資料，為免公司電腦中招，難道要禁絕員工上網？又或要由公司內聯網隔離一些電腦出來，只供員工上網搵料？瀏覽器隔離（Browser isolation） 技術的出現，就可讓人放心上網，同時又可令電腦免受黑客攻擊。這種技術就連美國國防信息系統局（DISA）亦會於明年全面採用，就知有多強勁可靠。 資安少林寺畢業生 瀏覽器隔離技術，可以簡單地理解為在完全隔離的虛擬機器上執行上網活動，就好似拆彈專家遙控機械人拆炸彈一樣，就算爆炸都不怕炸傷自己。Symantec 於兩年前收購的 Fireglass，其創辦人 Dan Amiga 來頭甚勁，他曾經是以色列國防部（IDF） 8200 部隊的成員，8200 部隊可說是資安界少林寺，很多少「畢業生」都曾經是著名科技公司的創辦人，包括 ICQ、Check Point、Wix、Imperva 等等。 Fireglass 創辦人 Dan Amiga（左）及Symantec…

當上網已成習慣，網民最講求上網要快要方便，最緊要唔使成日入密碼或做機械人認證，如果 Load 個網站要等多過三秒鐘？隨時已經無興趣再等。但你有無諗過，方便快捷嘅背後，你犧牲咗啲乜？就係付出太多個人私隱訊息，唔想咁可以點？ TOR 幫到你。 瀏覽器洩密真危機 成日講上網會洩露好多個人訊息，究意有幾多？講多無論，試下入呢個網站 （webkay.robinlinus.com）先。試完係咪好驚驚？抑或睇完都無乜感覺？不妨抽幾樣嚟睇睇。首先係地圖位置，如果罪犯掌握到你實時位置，即係知道你行蹤，唔單只女士會好危險，如對方有你屋企地址，更可以肆無忌憚等待良機爆格。 跟住就係用緊嘅上網裝置作業系統同瀏覽器版本，作業系統及軟件供應商成日叫大家更新系統版本，就係為咗堵塞一啲已知嘅漏洞，如果黑客知道你未更新，要攻擊你就容易好多啦。再嚟就係 Auto-Fill Phishing，如果你貪方便啟用咗，黑客有機會通過唔同方法例如 Cross-Site Scripting （XSS）嚟盜取你嘅登入資料，所以話如果你嘅瀏覽器透露咗咁多訊息，係咪好危險？ TOR網絡 遊花園消痕跡 如果你唔想乜都俾人𥄫實，可以點做？你可以試用 TOR（The Onion Router）洋蔥路由器。…

唔知有無 Android 手機用家發現，最近啲 Data 數據用量好快乾塘，兼夾手機成日好似暖蛋咁熱？有嘅話就要小心喇，可能你部手機已裝咗藏有 DrainerBot 惡意廣告代碼嘅軟件，暗掗地幫你不斷睇廣告，每個月可以消耗 10GB 數據用量及不停為手機放電之餘，仲連品牌投放喺廣告上嘅預算都搾乾埋，好陰毒呀！ 講緊嘅係全球企業軟件供應商 Oracle 早前發現，一款名為 「DrainerBot」嘅惡意廣告代碼，開始喺 Google Play 上嘅應用程式內出現，佢嘅作用，係會自動向廣告供應商要求下載廣告影片，但只會隱形播放，絕對唔會喺應用程式內嘅廣告位上出現，所以大部分受害者好難發現已經中咗招，只會懷疑自己係睇片或玩 Facebook 時洗大咗。 除咗手機用家受害，就連品牌一樣被牽連，因為呢啲已被「機械人」點擊播放嘅廣告，當然需要品牌找數，廣告費用猶如直接倒錢入海。而更無辜嘅係，因為好多開發者只係將下載廣告嘅程式代碼直接放入應用程式內，經過今次事件，連商譽都損失埋，呢鋪真係全世界都輸，唯獨廣告供應商有錢落袋。 根據…

一般稱為 3D 的工作，所指是：乏味(Dull)、骯髒(Dirty)、及危險(Dangerous) 的任務 ，我們會盡量使用機械人、無人機等來執行。原因是很難揾人去做這些工作，所以才顯出機器在這領域的優越執行能力。 機器的創作力也越來越逼近人 在digital transformation的大環境下，世界正在不斷地自動化及虛擬化，需要人力處理的機會就越來越少了，這亦是大勢所趨。況且機器可掌握大量數據及過往記錄，與人手執行相比，可能出錯率還低呢。 還好，我們在「敏捷性」與「靈巧度」都比機械人高得多，可以說在短期內，機器仍取代不了我們在這方面的優勢。此外，「創作力」亦是我們認為比機器優勝的地方，但請不要太自恃，機器創作的能力也越來越逼近(你試問一問那些作曲家，他們大多數也用電腦來先行創作，然後再由人手修改)。其他專業領域也有差不多的變化，建築師也用電腦來創作建築物。說不定，很快就連律師、醫生也會倚賴機器幫他們處理日常個案及診症。 將來的工廠只請兩名工人：狗及負責餵狗的 我聽過有一個幾誇張的比喻，講到將來的自動化工廠只需請兩名工人，一個名額畀「惡犬」霸咗 ，因為惡犬要負責看管住那些機器（擔心有人破壞），另一個名額就請「人類」來做，職責只是負責餵那頭惡犬而已。 結合社交技巧與量化技巧，就會獲得最高報酬 往後人類和機器的分工將會有改變，這一點，我們一定要理解和接受。但機器是不擅長滿足人類的心理需求，因此，那些需要運用到同理心、領導力、團隊合作等的工作，都不是機器能取代的。隨著科技進步，高層次的「社交技巧」，可能變得比高級的「量化技巧」更有價值。學懂如何結合「社交技巧」與「量化技巧」，才會獲得最高報酬。