後疫情時代，無論是生活與工作都出現「新常態」(New Normal)，大部分企業工作負載轉移到網上進行，難免令公司網絡基建壓力倍增，相信不少中小企的管理層正為此大感頭痛，無法在成功與效益之間取得平衡。 其實目前市面上，已經有針對中小企網絡監察的解決方案，嘗試為用戶提供最佳的成本效益，支援可能持續的「疫後」居家工作環境。Progress 作爲美國上市企業，在去年藉收購 Ipswitch，獲得包括 MOVEit、WhatsUp Gold 與 WS_FTP 在內的三項技術，已經做足準備，爲香港中小企安全與網絡管理提供優質服務。 WhatsUp Gold：自動網絡管理 疫情之下，在家工作與 A/B 分組辦公室上班情況常見，企業對維持穩定網絡表現的需求激增，與此同時，企業還需要爲員工提供安全檔案分享平台，才能維持團隊有效協作。Progress 的 WhatsUp Gold 能爲企業精準找出網絡有問題的地方，監察不同組織的運作情況，再作效能與數據分析，避免業務因網絡問題而停頓。 WhatsUp…

新冠疫情持續半年有多，好多人嘅生活習慣都改變晒，例如家居工作嘅時間多咗，上網使錢密集咗，玩手機 game 或睇網上娛樂亦挑剔咗⋯⋯消費者嘅日常生活轉晒型，作為提供應用服務嘅企業，都要跟車轉型，將重要工作或 IT 架構移雲。不過，移雲一啲都唔簡單，一旦無守穩整個服務流程，更有可能運作唔到、增加管理成本，最壞情況更加會造成機密外洩，隨時一鋪清盤！ 獨立運作 訪問行為難分善惡 無論邊個行業，老闆而家都面對住同一問題，就係點樣做好遙距工作（Remote Work）同埋網上服務嘅安全保護，因為當企業進行數碼轉型後，員工、客戶主要透過各種網絡應用（Web Application）服務，經 API（Application Programming Interface）介面去存取公司資料庫入面嘅數據，任何一個位置出事，損失都難以估計。 Imperva 亞太區資深技術顧問張瑞宏（Kelvin）指出，必須做好由網絡應用以至數據庫各關卡嘅防禦，先夠穩陣，而關鍵就係網絡流量嘅透明度。「數據庫入面嘅資料就好似珠寶首飾，如果連邊個人入過去、由邊度入嚟、入去做過啲乜都唔清楚，就完全無安全性可言。」要睇通睇透，自然要由一開始睇起，佢話有企業雖然採用咗唔同嘅防禦工具，但工具同工具之間無法溝通，都分唔到入嚟嘅網絡行為有無古惑。舉個例，大門守衛做咗身份認證就放行，但嚟到保險室，如果無溝通，個護衛又點知呢位來賓入嚟做乜呢？佢嘅行為會唔會顯示到佢越權或係冒充呢？所以唔係賣花讚花香，現時市面上可以打通呢三個關卡嘅安全工具，就只得 Imperva 做得到。 天生外向 WAAP 防護至重要…

俗語有云，野可以亂食，說話唔可以亂講。喺港區國安法成立之後，大家對於網上通訊嘅保障都開始有所要求。始終，網上即時對話實在太方便，現代人冇咗呢 D APPS 嘅話，就連日常生活都會大受影響。之不過，即時通訊軟件款式琳瑯滿目，邊一隻先可以真正保障我地嘅私隱呢？ 喺今次嘅對比入面，我地嘅參賽者包括：WhatsApp、Facebook Messenger、Telegram 同近期大熱嘅 Signal。從多個方面比較，等大家可以全面瞭解我地嘅參賽者。對比項目包括：有冇點對點加密呢？ 是否 Open-Source code？ Server 會唔會 Backup 我地嘅資料？ 有冇身份認證？ 有冇自動通知金鑰變更嘅機制？總公司係邊間？同埋佢會提供咩資料俾政府等等。 唔講咁多，即刻開始分個高下啦﹗ 1. 點對點加密？…

賞金獵人平台 HackerOne 與 Verizon Media 聯合舉辦嘅 Cyber Security Events & Conferences，本來預計今年 3 月喺新加坡舉辦，但受疫情影響，大會唯有改喺網上進行。活動共有來自 13 個國家嘅 50 個黑客參加，喺為期 13 日嘅活動內依然盡興，兼且打破唔少紀錄，一眾白帽黑客更響應 HackerOne…

唔知大家仲記唔記得，舊年10月美國《華盛頓郵報》沙特阿拉伯裔記者卡舒吉（Jamal Khashoggi）入咗沙特駐土耳其伊斯坦布爾領事館後下落不明，最後證實被殺呢單新聞？你可能會話，呢單嘢同資安界好似冇乜關係，不過隨住呢單案進入審訊階段，愈來愈多細節披露出嚟，先發現原來做開資安嘅公司係有另一條財路！ 正常嘅資安機構，最多咪做下防毒軟件，擋擋黑客同埋病毒程式之類，但係有部分嘅業務就複雜好多，好似NSO Group、Gamma Group、Hacking Team（呢間今年四月啱啱同另一間公司合併成為Memento Labs）等等，佢哋係專為各國政府提供軟件，偷取目標人物喺網上嘅所有數據（沙地記者當然係目標人物之一啦），雖然佢哋呢類生意唔多公開，但從唔同渠道獲得嘅資料顯示，呢盤生意查實幾和味！ 先舉NSO Group為例，佢聲稱自己2018年嘅總收入係2.5億美元，但係今年二月，一間英國私募基金Novalpina Capital收購咗佢大部分股權，作價就超過10億美元，可想而知，佢哋生意應該超過佢報出嚟個數啦！要了解佢哋盤生意點解咁大，當然要先知道客人係邊個啦，咁佢哋實唔會自己爆響口嘅，但又好衰唔衰，2015年一次大型數據外洩事件，其中部分數據就咁啱見到Hacking Team嘅客戶名單，當中包括沙地阿拉伯政府、FBI、馬來西亞反貪部門，同埋位於非洲尼日尼亞嘅巴耶爾薩州政府，一睇都知個個係尊貴客人，就解釋到生意額點解會咁大。 呢類生意唔係今時今日先有架喇，自從2013年發生斯諾登事件，全世界知道美國有個咁完善嘅電子監察系統，其他國家當然都想有個咁正嘅系統，於是出得起錢嘅政府，一係就請私人資安機構幫手，一係就索性高薪挖晒西方情報組織嘅前員工，希望洞悉各種加密技術同埋解拆方法，之前《紐約時報》就獲得阿拉伯聯合酋長國一間叫做DarkMatter嘅公司嘅人事部文件，發現佢哋請咗好多前美國國家安全局嘅前員工，就懷疑係後者嘅做法。 你話咁樣偷取個人資料到底合唔合法，條界線就真係好模糊嘅，因為就算上到法庭，都唔知點先可以舉證，就以最近一單為例，有個同埃塞俄比亞有連繫嘅美國人，懷疑埃國政府搵人監聽佢同埋佢嘅家人，但最後法庭都以監聽活動唔係喺美國發生為由，冇受理到單案件，從中可以見到舉證嘅困難。雖然陸陸續續都有人想施加壓力，例如十一月就有美國參議員提出議案，話要調查一下NSO Group，有冇做出危害美國國民嘅事，不過就算真係通過，查得嚟都蚊瞓，照目前情況睇，都應該未有乜嘢事可以威脅到呢類機構繼續賺大錢架喇！

大數據分析服務龍頭供應商 Splunk，在今年十月舉辦的 .conf19 年度用戶大會上，公佈了 Splunk Partner＋ 計劃的最新發展，以及有關 Splunk Enterprise 8.0 等一系列方案的更新。事隔一個多月，Splunk 上星期亦在香港舉辦合作伙伴年度聚會，與香港一眾客戶進一步解釋各項新的服務內容及加深合作關係。聚會上一隻簡單的觸控式迴避障礙物暖場遊戲，不單推高現場氣氛，更成功帶出了 Splunk 「Data-to-Everything」（將數據轉化為一切）的口號，設計非常有心思！ 一隻簡單的觸控式迴避障礙物暖場遊戲，帶出了 Splunk 「Data-to-Everything」的口號，非常有心思！ 數據分析不限高端 年度聚會開始之前，主持人邀請大家一齊玩有獎遊戲《Buttercup Challenge》，遊戲內容其實很簡單，玩家只要觸碰畫面，遊戲中的飛馬就會上升，相反就會下降，玩家只要適時及準確地觸碰屏幕，就能讓飛馬迴避障礙物，結果以支撐得最長時間的玩家為勝。遊戲進行時，現時嘩聲四起，不少參加者看著計分畫面上的即時成績，最高分竟然硬撐到二十多秒，而自己只能錄得單位數成績，均陸續失去幹勁，轉而為其他人打氣。Splunk 香港及台灣區總經理鄭家威（John Cheng）笑說，其實數據並非高科技，最重要是懂得如何利用。他說過往的 Splunk 給人定位為高端 IT 的應用，例如有些數據可以用來協助企業制訂市場策略、調整人力資源分配，亦有些數據可以協助企業堵塞網絡安全漏洞；但事實上，只要懂得轉化數據，亦可以為各行各業增值。 鄭家威說近來一個比較深刻的應用例子，是一間航運公司用來分析貨船航行速度，因為只要貨船進入貨運碼頭，就會開始計算停泊費；航運公司便將採集到的數據以Splunk 進行分析，以調整貨船的航速，大幅減少停泊港口的費用。的而且確，記者亦曾訪問不少手遊公司，他們均會利用大數據去分析關卡的難度，只要調校至適當的等級，就可以在增加玩家課金或離棄遊戲之間取得平衡，增加營運收入之餘而不趕客。John 說諸如此類的 use cases 其實不計其數，所以 Splunk 近年加強向合作伙伴介紹產品的無限可能性，就連 Splunk 的品牌主色調，也由以往象徵高科技的黑色，置換成充滿活力的橘紅色。 Splunk 香港及台灣區總經理鄭家威認為數據並非高科技，最重要是懂得如何利用。 會上，Splunk 的渠道銷售工程師楊耀輝（Daniel Yeung）及客戶經理鄒遠威（Michael Chow），先後講述新推出的 Data Stream Processor 及 Data Fabric Search 服務，如何有助客戶於高容量多源數據中，採集、分析及搜尋有用的數據，同時又能顧及隱藏機密的資料，並簡述過去一年 Splunk 收購的安全信息和事件管理系統 Phantom Cyber、微服務監察供應商 Omnition及雲監控平台 SignalFx 等，如何融合在 Splunk 的大家庭內，令產品能夠全面照顧到 IT、Security、IoT、Biz…

Google 管有大量網絡用家嘅個人私隱，所以大家都會對佢嘅安全措施感到憂慮，擔心佢會好似上年咁洩漏 50 萬 Google+ 用戶資料之餘，又驚佢會好似處理 Google Home 語音助理一樣，允許承包商聽取用家嘅談話內容。所以當收到消息，指 Google 已同美國第二大醫健機構 Ascension 簽約，可以利用對方旗下 150 間醫院及超過 50 間長者宿舍嘅病人資料，作為供給人工智能及機器學習嘅數據，以提升醫療中心嘅運作效率及病人嘅安全性。 消息一傳出，唔少美國網民都好擔心自己嘅病歷都會成為研究對象，因為呢個號稱為夜鶯計劃嘅合作，可利用嘅私隱相當廣泛，包括化驗室資料、醫生診斷報告、醫療記錄以至病人嘅個人資料及病歷，一旦外洩，後果將會相當嚴重。不過，Ascension 方面就回應話今次合作絕對符合美國嘅 HIPAA…

WhatsApp 係今年 4 月 29 日至 5 月 10 日期間，曾經俾以色列公司 NSO Group 開發嘅軟件天馬（Pegasus）利用軟件漏洞，透過撥打 Video Call 去控制對方手機，進行竊取資訊及監控嘅行為。之前收購咗 WhatsApp 嘅 Facebook 話，受影響嘅只得少部分人，但經過內部深入調查後，有指今次事件應該唔止影響…

相信好多人都同我一樣，好鍾意用 CCleaner，可以一次過清理晒所有冇用嘅電腦記錄，又簡單又易用，㩒個掣嗰吓特別爽……當然啦，另一個最主要原因係佢完全免費，作為精打細算嘅 IT 狗，都用咗 CCleaner 好幾年。 不過，最近 CCleaner 嘅軟件商 Avast 就好頭痕，呢間位於捷克嘅防毒軟件公司話由今年 5 月起，就俾人多次不停嘗試入侵佢個網絡，最近一次仲幾乎成功，Avast 資訊安全總監 Jaya Baloo 話，佢哋喺 9 月 23…

習慣每天拿著智能手機、流動裝置上網的用家，今年最熱切期待的技術必定是 Wi-Fi 6，不單傳輸速度比現有的 802.11ac 大幅提升，同時更有高傳輸容量及低延時優勢。不過，Wi-Fi 技術升級並不一定等於用戶體驗能夠同步提升，只要系統無法因應用戶需要，有效分配上網資源，一樣會令人用到一肚氣。Juniper Networks 今年三月將 Wi-Fi 技術供應商 Mist 收歸旗下，就是看中其人工智能管理的優勢！ 網絡質素有數得計 「雖然 Mist 成立於 2016 年，但技術已廣受企業客戶認同，現時 Fortune 頭 500 位企業之中，已有 25 間採用其產品，當中更有 3 間的排名在頭十位內。」 Juniper Networks 香港高級系統工程師鄭健豪解釋，「不論是固網或無線網絡，一般用家其實只會察覺到有否斷線及速度快慢。即使網速變慢，他們也無法知道背後原因；真正要了解問題的是網絡管理員，例如到底是分配 IP 位址、認證出錯，還是硬件或訊號干擾出現問題，都要由網絡管理員採集不同的 log 分析，找出問題才能解決，過程非常耗時。」相反，他說 Mist 的人工智能技術卻可自動調整無線網絡資源，原理是 Mist 透過製定不同的 SLE（Service Level Expectation）指標，以評估每個用家及 Access Point 的連線表現。「以往商用 Wi-Fi系統如要量度網絡表現，讓網絡管理員調配網速，一般會採用 overlay 解決方案，即外加一個裝置扮演用戶角色，定時向 AP 發出連線要求；但由於收集的並非真正用戶的數據，所以量度的數據只能作為參考。」 Mist 透過製定不同的 SLE（Service Level Expectation）指標，以評估每個用家及 Access Point 的連線表現。 Mist 的量度數據則採集自真正的連線表現，鄭健豪舉例說其中一個指標是用戶連線時間，如超過 2 秒便等於差，「Mist 預先製定了超過 180 種 SLE 指標，當中包括頻寬、訊號接收、連線時間等，採集到的數據會全部傳送至它的雲端系統，以人工智能分析並自動調配網絡資源，令所有用戶都能享受到最佳的連線效果。」他認為 Mist 在業內的最大優勢是令到 Wi-Fi表現變得可以量度及可視化，網絡管理員不用再「估估吓」；而收集的數據亦足以讓人工智能預早發現問題所在，主動作出修復或調配上網資源，所以即使企業安裝大量 AP（其中一個客戶安裝了 30 萬個 AP），也不用編配大量人手管理。他說通過採集大量優質數據，Mist 的人工智能分析便會愈見準確；而為了進一步支援網絡管理員，Mist 配備 Marvis 助理，可以用自然語言向系統查詢問題所在及解決方法，快速於控制介面不同的 dashboard 找出所需的資訊。 室內定位一體化 Mist 還有另一強大武器，就是無線網絡裝置中內建 vBLE 室內定位技術，鄭健豪說這項專利技術，比起現時主流採用的Beacon 感應器更準確及方便。「首先現時的 Beacon 需要獨立安裝，例如要在商場追蹤客戶的位置，便要在商場各處安裝大量 Beacon，才能提升準確度。不過，這些 Beacon 感應器每隔年半至兩年便須更換電池，考慮到安裝位置一般難以靠近，便會花費很多人力資源。」Mist 的 vBLE 由於已整合在 AP 內，不用擔心電源問題，而且控制系統亦與 Wi-Fi 介面統一，所以亦易於管理，減少網絡管理員的工作負擔。 有了 Mist 的高速實時定位技術，當客戶在商場的手機應用程式內呼喚協助，職員便能快速找出求助客戶，提升客戶體驗。 準確的定位技術，可增加企業提供的服務內容，提升 customer engagement。「Mist 每個 AP 均提供 16 個指向性天線，以供vBLE使用；Mist 亦放棄採用傳統的三角定位技術，開發出基於機率曲面（Probability Surface）的專利技術，進一步提升定位的速度及準確度，令到可提供的服務內容大增。」他以商場應用為例子，說以往的 Beacon 由於定位緩慢，往往在計算出客戶位置時，真人已移動到別處，「有了 Mist 的高速實時定位技術，當客戶在商場的手機應用程式內呼喚協助，職員便能快速找出求助客戶，提升客戶體驗。」他補充說室內定位服務內容因而變得更多樣化，只要企業客戶構思出來，便有機會化不可能為可能。…