當網絡安全公司 Check Point 今年三月舉報呢幾間公司嘅手機有漏洞，有兩間好快就推出修補檔，而華為就「計劃」喺下一代手機再修補，Sony 仲勁，直頭回應話已跟足指引毋須改善添，大家買手機識揀啦！ SMS訊息設定手機傳輸 今次 Check Point 安全專家發現嘅漏洞到底係乜嘢嚟？原來係同 OMA CP 訊息有關。OMA CP 即係 Open Mobile Alliance Client Provisioning，係一種俾網絡供應商推送通訊設定嘅單向訊息，等手機可以用嚟發送圖片、電子郵件或傳輸數據，所以每次用新手機接駁網絡供應商，又或有新嘅網絡設定，網絡供應商都有需要發出呢種訊息，一旦黑客可以假扮供應商發出訊息，用家又同意安裝，黑客就可以通過改動手機嘅傳輸設定，將用家嘅電訊、網絡連接引導去惡意伺服器。…

唔單只牙線唔可以交換用，就連手機充電線都唔得，因為都有可能引發病毒感染㗎！ 近排搭車成日碌手機睇新聞睇片，搞到部 iPhone 好快無電，相信唔少 iPhone 用家都會喺公司擺多條 Lightning 線駁電腦充電。但你有無諗過，插住果條線好可能係鬼線，只要你開著電腦做嘢，隨時可以俾黑客偷走資料？ 手機充電線內藏病毒 其實好多手機用家對充電線都無乜戒心，基本上有需要時就會四圍問人借線充電。理解嘅，因為咁細條充電線，可以惡得去邊丫？有黑客為咗提高公眾對充電線嘅安全意識，特別整咗條像真度高達 100 % 嘅 Lightning 線出嚟，但就內置 Wi-Fi 接收器同惡意軟件，只要目標人物將呢條線插入電腦，黑客就可以透過 Wi-Fi 訊號發出指令，指示惡意軟件執行特別任務，例如引導瀏覽器去釣魚網站，又或將電腦進入鎖定模式，強制要用家輸入登入資料，從而盜取登入系統權限。當然，職位愈高，帳戶可接觸嘅公司資料都愈機密。 製作呢條古惑…

之前都報導過唔少關於 Google Play Store 內嘅 app 藏有惡意程式嘅消息，呢種由源頭落毒嘅手法，令到好多人都唔為意中咗毒。理解嘅，因為大家傾向相信 Play Store 內嘅應用軟件係安全，Google 一定會檢查清楚先俾佢上架，再加上自己已經無安裝來源不明嘅 app，但黑客正正就係利用呢種天真嘅諗法，所以供應鏈攻擊（supply chain attack）先會咁多人中招。 不過，將惡意軟件放上 Play Store，除咗要瞞過 Google 監察，仲要等人自己下載嚟用，好似唔多夠效率，慢慢黑客就發現仲有進步空間，呢個方法就係令到手機製造商睇中惡意軟件嘅表面功能，自動將 app…

喺《Matrix》電影入面，Agent Smith 原本嘅職責係消除系統唔穩定嘅因素，以及清理漏洞 Neo，可以話係維穩工具。不過，最近網絡安全研究員就發現咗一種新嘅手機惡意軟件變種，已經感染咗約 2500 萬部 Android 裝置，而佢嘅名就係「Agent Smith」！ Agent Smith 係一種識得透過偽裝手法，令到其他手機應用軟件變成同黨，齊齊顯示指定廣告以增加廣告收入嘅惡意軟件。Check Point 研究員發現，Agent Smith 攻擊主要針對印度、巴基斯坦、尼泊爾等亞洲地區，但美國、澳洲、英國亦有唔少用家中招。Agent Smith 會分三階段嚟達成攻擊，首先需要引誘用家下載及安裝含有 dropper 嘅軟件，例如係免費遊戲、應用軟件或成人娛樂等，進入手機系統後就會自動解碼，並利用數個已知嘅…

旁路攻擊（Side-Channel attack），係透過一啲非正常渠道嘅手段，去竊取攻擊目標嘅訊息，例如通過人耳聽唔到嘅超高頻將 keylogger 截取嘅訊息傳送出去，又或者通過監測電腦硬件嘅耗電量，估計數據儲存位置而發動攻擊等等；不過，呢種攻擊通常唔容易發動，例如首先要喺目標電腦安裝咗惡意軟件，同時可以讀取到嘅數據量都唔會太大。 偷譯你聲音 最新發現應用喺手機上嘅旁路攻擊 Spearphone 就簡單得多，基本上只要用家安裝咗有問題嘅 app，黑客就一定可以將受害者啲私隱手到拿來。網絡安全獨立研究團隊最新發表一項研究報告，指出黑客可以通過 Android 手機上嘅加速器（accelerometer)，讀取通過手機揚聲器發出嘅音訊內容。其竊取數據嘅方法，係透過加速器感應手機揚聲器發咗聲音後嘅殘響（reverberation），再通過語音辨識將佢還原為語音訊息。只要手機開啟咗揚聲器，用嚟進行語音通話、聽留言，加速器就可以感應得到，所以如果打電話上客戶服務部、對方同你核實私隱，又或手機語音助理讀取你嘅行事曆、聯絡電話出嚟嘅時候，黑客就可以攞得到。 不過研究團隊話，呢種旁路攻擊只可以喺開咗免提模式，同時將音量開到最大聲，先足以令加速器感應到足夠嘅數據，而且亦只可以「聽」到手機揚聲器發出嘅聲音，手機用戶嘅說話就無辦法讀取得到。 現時研究團隊發現 Google Play 上共有 1300 個以上嘅 app 可以做到呢種竊聽效果，因為…

最近國內外網民均熱烈談論一個監控軟件 MFSocket，公安會強行於被調查者嘅手機上安裝，提取手機內嘅資訊。MFSocket 究竟係乜東東？故事更牽連香港反送中？ 事緣最近內地有唔少人被公安「請」去協助調查，有猜測係因為轉發香港嘅反送中報導。坊間傳出，北京及上海已有好多人被邀請。紀實攝影師兼 Visuals Editor 肖慕漪（Muyi Xiao） 6 月 21 日喺 Twitter 發帖，引起大家關注 MFSocket 軟件，網民之間亦熱烈討論，更出現好多對 MFSocket 進行詳細調查嘅文章及報導。 MFSocket 裝完即刪…

有睇過嘉倩 BB 嘅講解片，應該都了解 DDoS （Distributed Denial of Service, 分散式阻斷服務）攻擊嘅運作原理。呢種以本傷人嘅攻擊方法，旨在癱瘓目標網站或應用服務嘅運作，完全唔需要對方存在安全漏洞，一味控制殭屍電腦要求連線就搞掂，早前通訊應用軟件 Telegram、本地傳媒蘋果日報，就先後指出曾受到 DDoS 攻擊。就算你無一大堆殭屍電腦兵團，都唔緊要，因為網絡上有大量黑客提供 DDos as a Service 服務，只要肯俾錢就有黑客代勞㗎喇。 美國聯邦調查局（FBI）喺上年已出招打擊呢類受僱型黑客攻擊，不過網絡安全公司 Nexusguard 最近發表嘅《2019年第一季威脅報告》就提到，今年年初受僱型 DDoS…

具備 NFC 功能嘅 Android 手機要小心喇，日本早稻田大學研究員成功研發出 Tap’n Ghost 攻擊，瞄準 NFC 漏洞再結合電容干擾技術造成雙重攻擊，奪取手機嘅控制權，咁樣攻擊真係好難防避喎！ NFC 無線近場交流技術已經有好多種應用方法，例如用嚟電子付款、交換檔案等等，所以好多人都習慣長期啟動呢個功能。不過，早稻田大學嘅研究員喺 5 月舉辦嘅 2019 IEEE Symposium on Security and…

又是深宵夜機。望下機場跑道，一閃一閃的指示燈，想起白馬過隙之凡世。又望下黑漆漆的夜色，想想，以大小論，我們的地球，比起銀河系，就有如一粒細菌比起地球咁細。以時間來說，悠悠百歲光陰，比之於宇宙歷史，就等於在一生人中洗半個面咁快。天地者，萬物之逆旅；光陰者，百代之過客。地球人者，細菌之洗面乎？ 想到自己咁渺小，只好攞部手機出來 Fing 下。Fing 下 Fing 下之際，想想，手機知唔知我喺度 Fing 緊佢？梗知啦，部手機有感應器嘛。跟住又諗，有乜嘢感應器呢？睇下，大概有以下的感應器，正在收集緊我 Fing 手機的情報： 喺邊度 Fing：Magnetometer 知道你的方向，GPS 知道你的位置，還有 Proximity Sensor 知道你有沒有咀部手機； 點 Fing：Gyroscope…

近日，勞工及福利局局長孫玉菡與勞工處副處長（職業安全及健康）馮浩賢親到工地視察，重點了解密閉空間工作的安全保障措施。孫局長表示：「政府正積極推動業界提供更安全的工作環境，包括推動建造業廣泛應用『安全智慧工地』系統，進一步提升密閉空間工作的安全及健康。」 想睇更多專家見解？立即免費訂閱！ 密閉空間常常處於黑暗且空間狹窄的條件下，如何在這樣的環境中靈活運用科技設備以提升安全，是市民密切關注的課題。筆者團隊目前為市面上唯一提供便攜性及黑暗環境操作的 4S 管理系統，因此獲邀在工地進行實地操作展示。 這套 4S 管理系統的中央平台，能夠將智能手錶、頭盔、標籤、鎖、空氣質量檢測儀和警報器等設備連接起來，實現全面的監控。工人佩戴的智能手錶或頭盔，可以與系統即時同步，若出現異常狀況，系統會發出警報，並提供緊急救援。 此系統特別為密閉空間環境設計，支援便攜性高且電池耐用的硬件裝備，適合在狹窄空間內輕便搬動及設置。示範場景以黑布模擬黑暗密閉的效果，裝置 2 至 3 個小型鏡頭，確保全方位監測，即使在漆黑中，仍可清楚掌握工人狀況。地下工作空間還安裝了掛牆式攝像頭，以實時顯示工人的施工情況，保障工人安全。 示範中，我們模擬了 3 種情境：（1）工人未佩戴合適的裝備（如沒有背氣樽、沒有使用安全吊帶、沒有佩戴智能手錶或頭盔等）；（2）工人雖有合適裝備但未有進入密閉空間的工作許可；（3）工人配備齊全且獲許可進入密閉空間。 在首兩種情況下，工人準備進入密閉環境時，系統即發出警報，且聲音可設置為語音警告，例如提醒工人「請佩戴安全吊帶才可進入密閉環境」。根據不同情況，語音警告可以作出調整，同時系統後台亦顯示警報，通知相關管理人員。 在工人施工期間，智能設備會持續監測其健康數據，如發現異常（如心跳異常、氧氣不足、空氣品質不佳等），系統會自動透過簡訊或手機 App 向負責人或監管人員發送通知，並顯示工人實時位置，以便及時展開救援。…