在新冠炎肺疫情反反復復的情況下，新經濟常常受到衝擊，各地股市市場指數大上大落，疫情受控或疫苗開發有望，舊經濟抬頭，而疫情不受控或疫苗開發，又阻礙新經濟開動。Zoom Video Communications Inc. 作為新冠炎肺疫情必須的「網上會議工具」，又有「在家工作受益股」的綽號，有人認為她是比騰訊更騰訊，比 Tesla 更 Tesla 的新經濟公司。Zoom 在 2019 年 4 月在美國 NASDAQ 股票市場上市，IPO 以每股 36 美元上市，疫情下最高價位每股達 588…

數據洩漏事故現時在香港未有立法規管必須通報，並無一個完善的通報機制，除了會造成大眾關注度不足和輕視問題的嚴重性，同時也意味著很多事故隱藏在黑暗中。不要以為數據資料洩漏與自己無關，因為那些被洩漏的資料，分分鐘就是你的信用卡資料、住址、電話；香港過往也曾發生幾宗震撼全城的洩漏相關事故，包括航空公司洩漏 940 萬乘客私隱，選舉事務處遺失載有約 378 萬地方選區選民的資料的電腦，所引發的潛在資料外洩危機等，全都令人擔心企業或政府部門有沒有足夠措施及防護策略，保護客戶、市民的隱私。如果要妥善保護資料，採用由專業的數據保護方案，便能輕鬆管理資料及為資料加密，並設置資料讀取權限，即使遙距工作，也不怕資料外洩。 數據加密零停機 效率保護性兼備 Thales公司的資料保護平台（CipherTrust Data Security Platform, CDSP），為全球各地政府、跨國企業、金融機構所採用，在香港的用戶就包括政府、金融監管機構、發鈔銀行、公用事業及上市企業。Thales公司是數據保護、加密及安全交易的權威，其提供的數據加密方案，能有效保障用戶的個人私隱及交易資料，不會外洩。 其中CipherTrust Transparent Encryption （CTE）方案的透明加密資料設置，可保護結構化及非結構化資料庫，加密內部系統、雲端環境，甚至在大數據和容器內的資料，同時保持存儲數據的效率，在部署時毋須更改應用程式或工作流程，使對業務及作業程序的影響減至最少。 透過Live Data Transformation （免停機背景加密）方案，能在零停機的情況下加密資料，期間不需中斷應用程式或工作流程，在加密過程中，使用者和處理程序可如常繼續存取資料庫或檔案系統，將加密過程對使用者的影響降到最低。另外，平台亦設最低權限使用者存取規則，保護資料免受外來攻擊，以及遭特權使用者誤用。 不少製造商及電子商貿公司亦採用 Thales…

現時不少企業已利用雲端平台，協助營運及管理網上平台，而可靠、易於管理的雲端服務平台，結合安全資訊分析，有效阻擋外來入侵與攻擊，相信是企業間夢寐以求的雲端服務。首屈一指的雲端服務供應商 AWS （Amazon Web Service，亞馬遜雲端運算服務），自 2006 年起已建立雲端服務平台，致力向客戶提供兼具深度與闊度的服務平台，支援超過 175 種雲端服務，在芸芸雲端服務供應商中，連續 10 年成為市場第一，而且兼客第三方的服務平台，例如可結合大數據分析龍頭供應商 Splunk 的資訊安全分析系統，全面保障雲端平台安全運作，預先偵測風險並自動對症下藥，究竟兩個系統的結合，實際上如何讓企業得到穩定而安全的雲端解決方案呢？ 獲多項認證 AWS平台效率高合規格 AWS 的雲端服務平台包含不同範疇的服務，讓份屬不同行業的公司使用，例如 AI Machine Learning、Migration、Application…

早兩日，其中一個惡名昭彰的勒索軟件集團 Maze 在自家網站上貼出公告，表示 Maze Team Project 正式退市，打後如有任何以 Maze 品牌，或聲稱與 Maze 有合作關係的惡意攻擊，就必定屬於虛假訊息或詐騙。臨別在即，Maze 稍稍在貼文上解釋為何有 Maze Team Project 出現，合理與否？就要睇過至知。 Maze 勒索集團之所以出名，除了其勒索軟件的破壞力強及難以被破解，更因為他們是雙重勒索 (double extortion)…

分享FacebookTwitterWhatsAppEmailLinkedin 隨著遙距工作盛行，企業數據資料亦開始從內部部署轉向雲端。意味著企業必須將更多重要，甚至是敏感的資料帶到雲端，因此衍生新的保安難題：如果雲端數據的保安，全交由同一個雲端服務供應商管理，豈不是將個夾萬連同鎖匙交畀同一個看管？企業如何奪回保安主動權？如何確保雲端資料安全？ 是次講座邀請到 Imperva 及 Thales 兩大品牌的雲端保安專家，即場分享最新的雲端數據保安、加密、密鑰管理及監察技術，將數據保安的風險減至最低，確保企業符合法規要求。講座費用全免之餘，參加者更有機會贏取 $200 HKTV Mall 購物禮券。名額有限，報名從速。 主題：如何確保雲端資料安全？ 日期：2020年8月27日（四） 時間：11:00am – 12:00pm 語言： 廣東話 網上留位：https://bit.ly/3fTvzX5 唔想錯過熱門網絡保安消息，請即訂閱 wepro180 電子周報：https://bit.ly/2ZcCi9J

分享FacebookTwitterWhatsAppEmail 呢幾年勒索軟件（Ransomware）肆虐，聞者色變。以往中招者可能只係揀俾唔俾錢攞解密鑰匙，不過而家就多個選擇喇，除咗以上選項，你仲要揀將唔將啲機密檔案銷毀，否則唔單止解鎖唔到啲檔案，仲會網上見添！ 勒索軟件嘅可怕之處，係黑客會將電腦內嘅檔案加密，由於解密鑰匙係基於高級演算法運算出嚟，所以一旦中招，基本上除咗俾贖金之外，都好難靠自己破解。不過，隨住愈來愈多公司重視備份檔案，受害者開始傾向唔俾贖金，於是黑客又再變招，兩大趨勢分別係會狙擊埋備份嘅檔案，以及喺啟動勒索程序前將啲資料偷走，前者等你無備份可依靠，後者就可以恫嚇將資料公開，等你唔俾贖金唔得。 第二招其實已有唔少勒索軟件黑客組織做緊，好似 Maze、Sodinokibi、DopplePaymer、Clop、Sekhmet、Nephilim、Mespinoza、Netwalker 等等，都特登整咗一個網站出嚟，只要對方唔俾錢就將機密資料上載，包括對方客戶嘅個人資料。不過，黑客組織 Ako 就更加狼死，除咗解鎖費用，仲會視乎對方嘅公司規模或行業，要求俾多筆刪除資料費用，Ako 就曾舉例有公司喺繳交 35 萬美元解鎖費用後，要再俾另一筆刪除資料費，費用由 10 萬元至 200 萬美元不等。 「精明」嘅受害者，當然未必會俾晒兩筆贖金啦！Ako 回應傳媒查詢時，就表示有醫療機構選擇只係俾刪除資料費用。相信呢個受害機構係有做好備份，同時衡量過病人資料外洩，就著個人私隱法例嘅賠償金額應該仲大，所以迫於無奈先俾贖金。 隨住勒索軟件不停進化，應對方法除咗加強員工嘅網絡安全意識培訓、做好備份之外，企業亦要做好數據加密技術，以及將其中一個備份設備離線，咁先可以減低勒索軟件嘅破壞力。 資料來源：https://bit.ly/2ZddNcN 相關文章：【雙面人】WannaRen勒索軟件呢頭鎖果頭解

因為疫情嘅關係，視像會議程式突然變到人人都要識用咁滯，南非外交部長馬沙巴內夫人亦唔例外，早排佢本來要就新冠病毒嘅影響，用Zoom主持一個部門嘅視像會議，不過事與願違，呢個會議最終俾黑客入侵，仲要播埋色情內容，場面令人尷尬。 最慘會議上除咗有部門員工同傳媒之外，為咗提升參與度，會議直情開放俾公眾加入，有意參加嘅人超過400個，相信黑客扮成參與者混入會議，喺眾目睽睽之下播放裸露圖片同色情畫面。 隨住視像會議程式嘅需求愈嚟愈大，相關嘅網絡安全問題亦都成為熱話，美國聯邦調查局(FBI)都點名話，Zoom程式有明顯嘅安全漏洞，已經成為黑客目標，更加指出兩宗黑客成功入侵嘅例子：馬薩諸塞州一間高中用Zoom上堂期間，就俾不明來歷嘅入侵者大聲講粗言穢語，同埋公然講出負責老師嘅住址；州內另一間學校就有入侵者喺鏡頭面前，向與會者展示納粹德軍標誌紋身。FBI提醒市民用Zoom或者同類軟件嘅時候，要確保軟件已經更新到最新版本，亦唔好隨便公布同透露進入網路會議室或網路教室嘅連結。 除此之外，加拿大多倫多大學有份參與嘅研究機構Citizen Lab，早前就揭發Zoom有時會用中國伺服器（servers）供應商發出嘅密鑰（keys），就算係北美客戶嘅 Zoom 會議，都可能用咗嚟自中國嘅密鑰。報告質疑Zoom喺中國有三間公司，有可能令 Zoom面對官方壓力嘅時候，有法律責任要披露加密資料。而Zoom亦喺4月3日承認，因為2月用戶流量急升，誤將幾千個用戶嘅會議流量，分流咗去中國兩個數據中心處理，Zoom無透露受影響用戶有幾多，雖然強調已經盡快修補漏洞，不過事件已經令大眾對Zoom嘅安全性存有戒心。 唔少用戶亦都開始尋求Zoom程式以外嘅選擇，包括：Google Hangouts Meet、Microsoft Teams、Cisco WebEx 、又或者係Skype嘅會議功能，經常有需要開視像會議嘅朋友，不妨了解多啲。 資料來源：https://bit.ly/34KXc0R、https://bit.ly/2ymH9Kz、https://bit.ly/3eutbH7 相關文章：【緊急自救】修改群組政策設定 煞停Zoom 派送Windows登入密碼

今年 4 月初，中國國內出現一隻勒索軟件 WannaRen，中招者不單自己部電腦出事，就連同一內聯網嘅電腦都會受感染。由於個名同著名勒索軟件 WannaCry 相似，所以就有人懷疑係咪同一黑客所為？不過，經過內地網絡安全公司調查後，發現隻勒索軟件係用「易語言」嚟寫，所以相信絕對有可能係中國人所為。奇就奇在，製造呢隻惡意軟件嘅黑客喺幾日後，自動上載解密器俾人解密，完全唔使俾之前話要收嘅贖金，到底搞邊科？點解又同北韓金仔有關呢？ 其實今次金仔都好無辜，因為同佢又無直接關係，只係黑客將金仔嘅漫畫黑客造型放咗喺 WannaRen 勒索軟件嘅主介面咋。對於 WannaRen 事件，國內安全服務公司火絨安全有詳細來源去脈報導。簡單嚟講，就係 WannaRen 喺知乎、貼吧、微博上突然成為熱門討論話題，以及出現好多受害者後，火絨就開始對呢隻勒索軟件進行源頭追蹤。發現原來黑客係利用 Windows 系統嘅 EternalBlue 漏洞嚟發動攻擊，只要中咗毒，WannaRen 就會由 C&C 伺服器下載及安裝挖礦軟件同勒索軟件，同時感染其他電腦。而且編寫代碼係用中文嘅易語言，所以否定咗同…

全球政府抗擊疫情，為咗協助市民留守家居抗疫或遙距工作，唔少服務供應商都免費開放收費服務，例如愛情動作片網站 Pornhub 全球免費任睇，YouTube、Netflix 調低串流影片質素，令歐洲市民嘅上網速度保持穩定，Microsoft、Cisco 亦解鎖旗下 Zoom、Webex 網上會議嘅部分收費功能，盡量協助減少病情蔓延。估唔到，有黑客組織喺呢個時候都衝出嚟搶光環，宣布停止對醫療機構發動網絡攻擊，以及同中咗招嘅「拍檔」共度時艱，減少勒索贖款嘅費用，真係「多謝」晒喎！ 解鎖費用靈活有得傾 關於喺新冠疫情期間嘅部署，暫時有三個主要靠勒索軟件搵食嘅黑客組織企出嚟回應。而所謂勒索軟件，就係透過惡意程式將受害者電腦內檔案加密嘅攻擊手法，而且會透過內部網絡擴散，甚至狙擊埋雲端及內部備份。由於解鎖密鑰喺透過加密演算法計算，所以一般好難破密得到。 DoppelPaymer 黑客集團宣稱從來唔要瞄準醫療機構，以及政府嘅911求助熱線。如果有醫療機構不幸中招，佢哋會提供免費解鎖「服務」。不過，條件係要提供證據審查，避免有大型私院假扮小診所嘅情況出現。至於藥物生產商就唔會幫手，因為佢哋話喺疫情期間藥廠已賺咗好多錢，所以免費解鎖呢？不了！ Netwalker Ransomware 同樣聲稱從來唔會瞄準醫療機構攻擊，不過被問到如果有醫院不幸中招又點呢？黑客集團就無直接回應，只係話如果有人被鎖，就要俾錢解鎖。 Maze Ransomware 呢班黑客集團嘅回應就最出位，佢哋聲稱喺疫情期間唔會再對醫療機構發動攻擊。而基於現時全球經濟危機及疫情爆發，佢哋決定向企業伸出援手，向所有人提供解鎖折扣服務，無論係已中招或新加入嘅「拍檔」，都有得傾！ 資料來源：https://bit.ly/3ajCpDh、https://bit.ly/2QFBdm0 相關文章：【賺外快】國家支援黑客 善用工餘時間偷賭客資料

雖然 Google Play Store 嘅 app 都唔係百分百安全，但起碼叫做有人把關，而第三方 app store 甚至來源不明嘅 apk，危險程度就非常之高，所以一直都呼籲 Android 用家唔好安裝 Play Store 以外嘅 app。不過，黑客總係可以利用人心漏洞，例如最近好多人想好容易咁掌握最新肺炎疫情資訊，所以黑客就整咗隻 CovidLock 手機app 出嚟，話保證睇到最新情報，結果有…