黑客肆虐，令「疫情、新常態、黑客機遇」概念突破資安圈，各行各業漸漸覺悟，明白後疫情年代適應資安生態劇變的逼切性，又以醫療產業感受至深。 自疫情籠罩美國，紐約皇后區 Elmhurst Hospital 每日湧現數以百計病人，其中一名向《The New York Times》訴苦，以「災難」形容醫護周旋於 PPE、呼吸機、照顧病人、培訓臨危受命的新手間。而事實上，醫院 IT 部門狀況亦不遑多讓，隨著病人數目增加，遠程問診系統、收費系統、醫療器材聯網、視像會議平台等使用壓力幾何級暴增，黑客亦趁亂打劫，同期對醫療體系發動的黑客攻擊增幅達 150％，有黑客搶奪病人資料在黑市倒賣或後續進行詐騙，亦有黑客透過 Ransomware 以垂危病人為人質，要脅醫療機構就範。跟小型醫院與 NGO 醫療機構合作超過 10 年的資安與創新專家 Beau Woods 分析，前線醫護在疫情間盡忠職守，大眾視為抗疫英雄，但如果斷網，病人接受的醫療服務質素一定受到影響，甚至超出負荷。而眼下黑客正利用疫情，蜂湧攻擊醫療機構。 疫情前資安專家早已預警，胰島素注射泵或自動體外心臟去顫器等醫療器材長年欠更新、或使用 Window XP 等有漏洞的傳統系統，均構成極大資安風險。美國 FDA 去年發出警告，Medtronic MiniMed 胰島素注射泵有漏洞，黑客可無線更改注射劑量，構成性命威脅，廠方暫時透過軟件更新堵塞漏洞。 總括而言，醫療機構本已深受不可逆轉的病歷數據化與在線醫療器材所衍生的資安漏洞困擾，後疫情下推行遙距問診，個人電子裝置收集的個人健康資訊，未來勢必成為一大資安問題。而即使醫療機構理解資安風險，卻未必可以投放相關資源。疫情下，醫院首要增加人手、採購呼吸機、PPE、COVID-19 試劑，但同時間，醫院要暫停主要收入來源的非緊急手術與門診，University of California at Davis 的醫生指，疫情下最艱巨的是資源分配決定。Reuters 報導紐約長老會教友決定順延所有非緊急手術，決定影響 10 間紐約區醫院。在緊絀資源下，前線比 IT 部門有資源優先權。 資安平台 SecurityScorecard 與 DarkOwl 聯合研調發現，疫情間黑客攻擊醫療機構的 Web Application、End Point 與 IP Address 分別有 16%、56% 與 117％ 增幅，而圍繞 COVID-19 的攻擊極具效率。攻擊形式中，Ransomeware 大行其道，疫情期間於美國錄得 109％ 增幅，亦有針對 COVID-19 疫苗策動的國家級黑客侵略。攻擊醫療機構的著名案例，要數 2019 年專門追討病患欠債的 American Medical…

企業的管理層不單只人工高，就連他們的電郵帳戶亦特別值錢，事關黑客可以從中了解公司運作、客戶資訊，更可以用來「命令」下屬匯款，進行商業詐騙攻擊（Business Email Compromise，簡稱 BEC）。俄羅斯就有黑客在暗網上出售相關帳戶登入資料，包括CEO、CFO、公司主席、總裁等等，開價由 100 美元至 1,500 美元，都算收得平喎！ BEC攻擊主要是透過假冒身份而獲取收件人的信任，用不同的藉口來騙取企業相關資訊或指示員工匯款，或打開惡意軟件等行為。其厲害之處，是可以借助上司的權威，令下屬不敢怠慢，務求盡快幫上司解決問題，例如即使對匯款指示有懷疑亦不敢求證。何解話 100 美元至 1,500 美元都算平？先來看看下列兩宗新聞。 1.香港警務處網絡安全及科技罪案調查科發表的 2020 年首季行動報告，就指出曾發生 153 宗商業電郵騙案，其中一宗更成功令公司員工將 1,800 萬港元匯出。 2. 去年 9…

APT (Advanced Persistent Threat, 先進持續威脅) 是專門形容以情報收集為目標、受國家資助的黑客團隊所發動的攻擊。這些攻擊以隱密性優先，主力入侵其他國家的政府機構或企業，並不會長期存在於受感染的電腦設備內，而且運作時間有限，以減少被網絡安全工具發現的機會。而網絡安全公司 ESET 今次調查的 APT 團隊 XDSpy ，其隱密手段可謂非常高超，不單在首次曝光後瞬即再度消失，在專家追查下，才發現這團隊已運作了整整 9 年！雖然專攻白羅斯、俄羅斯、烏克蘭等國家，但專家也未能斷言其他地區國家未曾受過攻擊，只是沒有留下網絡線索。 XDSpy 的行蹤首次曝光，源於白羅斯 CERT 網絡安全事故協調組織發出的警報。 ESET 專家跟進調查後，顯示 XDSpy…

為咗唔使上堂，你可以去到幾盡呢？美國佛羅里達州一間社區高校，喺新學年開始無耐，遭受廿幾次網絡攻擊，當中至少有 8 次，竟然出自同校一位學生之手，呢個攻擊名為低軌道離子炮，淨係聽個名都俾佢嚇親啦！ 低軌道離子炮 (Low Orbit Ion Cannon, LOIC) 聽落好似好勁，但其實真身只係一款開源網絡測試工具，不過由於可以製造大量隨機網站訪問，所以確實係 DDoS 攻擊好幫手。好似大名鼎鼎嘅黑客集團 Anonymous 就係十幾年前利用 LOIC 攻擊 Visa、Master 及 PayPal 等金融機構。…

Tesla 股價近期升到「坎坎聲」，仲要拆股上市，自然會吸引好多人虎視眈眈，尤其係一班黑客犯罪份子，恨不過搵到個機會敲詐 Tesla 一筆。一個俄國公民早前就被揭發，企圖買通一個 Tesla 職員，要佢幫手喺公司植入勒索病毒，應承事成之後會分返 100 萬美金作為酬勞，好彩最後呢個職員「企硬」，主動告發事件，Tesla 先至避過一劫。 根據美國司法部嘅資料，呢名俄羅斯人叫 Egor Igorevich Kriuchkov（下稱克留奇克夫）7 月嘅時候去到美國內華達州 Tesla 超級工廠嘅所在地，搵到一名喺 Tesla 做嘢嘅俄語非美國人，以事後分帳 100 萬美金作為賄款，要佢將勒索軟體放入超級工廠嘅作業系統內入面，打算咁樣去勒索…

由 12345678 到 N 個數字加 N 個字母（大細階）加 N 個符號，密碼設定複雜過讀個學位 ，但複雜化趨勢，正正反映自設密碼，越來越不合時宜。Microsoft Identity Division 的 Corporate Vice President Joy Chik 指出，80％的黑客攻擊都係為咗用戶資料，亦即係 Login…

早排令人聞風喪膽嘅 Twitter Hack 黑幕 Kirk，終於喺多日嘅調查同追捕之後被美國佛羅里達洲警員拘捕。估都估唔到，呢一位膽大包天，先前睇落無跡可尋嘅黑客年僅 17 歲。先前有份供佢出嚟嘅 eversoanxious 同另一位 Hacker Rolex 都同時被提告，真係冇一個人逃得出呢座五指山。 Kirk 嘅真名叫 Graham Ivan Clark，唔好睇佢年紀輕輕，其實由 10 歲開始，佢就過住「偷呃拐騙」嘅生活。佢自細已經喺 Minecraft…

如果大家有睇過《上流寄生族》，相信都會記得其中一段最精彩嘅情節，就係家境貧窮嘅主角同佢嘅一家人，點樣一步步將老闆間屋當成自己間屋嚟住。同樣嘅劇情喺網絡世界一樣會發生，歐洲包括英國、瑞士、德國、西班牙等多個國家，上個禮拜開始先後傳出有超級電腦俾駭客植入挖礦程式病毒，黑客就好似《上流寄生族》主角一家咁，利用人哋嘅資源從中得益，只係今次由豪宅變成超級電腦，令相關機構要暫停受影響裝置嘅運作及切斷對外連線，當中更加涉及幾間大學同研究機構嘅資料。 今次事件首先由英國超級電腦服務供應商 ARCHER 喺 5 月 11 日公布，佢哋因為偵測到安全入侵事故而需要暫停運作；ARCHER亦喺兩日後要求用戶重設所有密碼同埋 SSH 金鑰，避免入侵繼續蔓延。 而同一日位於德國巴登符騰堡邦嘅一間超級電腦管理商 bwHPC，亦都宣布有高效能運算系統（HPC）出現類似嘅安全問題，搞到有5間大學用唔到超級電腦。其中一間受影響嘅學院亦都宣布，為咗防止進一步感染，要切斷3部超級電腦同外界嘅連線。 正所謂有一就有二，有二就有三，瑞士科學計算中心（CSCS）、西班牙巴塞隆納嘅超級電腦，仲有慕尼黑大學物理學院嘅數據分析超級電腦，都先後發現有惡意程式嘅攻擊。雖然牽涉嘅研究機構仲未公布調查結果，但係歐洲一個電腦安全事件回應小組（CSIRT），就指出攻擊者係利用外洩嘅 SSH 憑證，由一間研究機構跳到另一間，操控受感染嘅超級電腦執行虛擬貨幣 Monero（XMR） 嘅挖礦程式，美國資訊安全公司 Cado Security 就分析，呢啲…

上星期，小米被 Forbes 踢爆旗下嘅 Mi 及 Mint 瀏覽器，會自動採集用家嘅搜尋記錄、瀏覽網頁習慣、設定資料，同時傳送去位於中國及俄羅斯嘅 Alibaba 伺服器，而且就算你開咗 Incognito 隱身模式都無用。雖然小米回應話呢啲資料會係集中處理，唔會可以用嚟追蹤返用家本人，但有安全專家就話搜集嘅資料包括咗用家嘅 UUID，只要經過過濾，基本上可以抽返晒同一 UUID 嘅記錄出嚟睇，同追蹤個人用戶嘅私隱無太大分別。 https://www.youtube.com/embed/1GdKvvG3zoY?wmode=transparent&rel=0&feature=oembed 受影響嘅包括小米手機用家，以及安裝咗 Mi 或 Mint 瀏覽器嘅用家，為咗安撫用家及平息疑慮，小米方面好快為瀏覽器推出咗更新版本，不過，唔好以為更新咗就無事，因為系統依然預設…

疫情引爆導致全球航運停延、企業停工停產，即使一眾石油生產國同意大幅減產，其產量與現實原油需求依然有極大距離，導致期油價格跌到難以理解嘅負 40.32 美元一桶。負油價，可解讀為庫存爆滿，無人接貨，期貨持有人寧願貼錢將原油轉讓有能力嘅持貨者。而本來喘緊氣嘅股市，立即隨油價暴跌，可見油價指標性與影響力。 咁有影響力，駭客當然唔會放過。 網絡保安平台 Bitdefender 最近發現兩宗針對美國能源企業嘅魚叉式網絡釣魚，黑客透過安裝惡意木馬程式，企圖盜取能源企業絕密情報與數據。魚叉式釣魚電郵具針對性，特點係有別漁翁撒網式釣魚嘅低質電郵，整個電郵設計極具心思，無錯字、文法完美、完全合符正統商業電郵規格，發件人仲要係有名有姓嘅埃及國營石油公司 Engineering for Petroleum and Process Industries，無人諗過釣魚電郵可以咁高質。 呢封 3 月 31 日發送到約 150 間石油與天然氣公司嘅電郵，企業集中於馬來西亞、美國、伊朗、南非與阿曼…