再有一個 hacker-for-hire 集團曝光，專家發現這個估計與俄羅斯黑客集團 Fancy Bear 有關連的集團 Void Balaur，已經暗中提供了五年服務，全球現在至少有 3,500 個電郵地址已成為受害者。而在對方提供的服務中，更會出售特定目標的機密資料，而每個目標收取的價錢由 21 美元至 124 美元不等，性價比可謂相當高。 最先發現 Void Balaur 黑客集團存在的是網絡安全服務供應商 Trend Micro，調查顯示，Void…

疫情期間催化黑客攻擊，其中國家級黑客的威力更不容小覷。Google 公布目前為止，已向其用戶就有國家資助（State-sponsored）的黑客攻擊發出 50,000 次警告，相比 2020 同期增加 33%。Google 提醒用戶啟用多重因素身份驗證功能，以保護帳戶。 Google 安全工程師和威脅分析組織 (Threat Analysis Group, TAG) 團隊成員 Ajax Bash 在博客指，發出多次警告的原因，是因為阻止了一個名為 APT28 或…

在香港地區亦非常活躍的銀行木馬病毒 TrickBot，被發現引入新的勒索軟件 Diavol，不過，Fortinet FortiGuard Labs 研究員發現，Diavol 的入侵程序同另一款勒索軟件 Conti 相似，就連勒索贖金通知亦翻炒另一款勒索軟件 Egregor ……好缺人手？ 銀行木馬 TrickBot 最早見於 2016 年，它起初是一款專門攻擊 Windows 作業系統的木馬病毒，功能主要是竊取電腦內的銀行帳戶登入資料。其後 TrickBot 不斷變種，例如變成…

雖然大家都知道勒索軟件攻擊好易搵錢，但經過上周末美國 IT 管理服務供應商 Kaseya 被黑客發現其 VSA 工具存在漏洞，一次過將其過千客戶的電腦系統鎖死後，先至明白點先稱得上「大茶飯」！ 正所謂時間不等人，早前 DIVD 網絡安全研究員向 Kaseya 舉報其 VSA 管理工具存在致命漏洞，Kaseya 證明屬實，於是安全團隊便開始編寫更新檔，堵塞這個零日漏洞。不過，勒索軟件集團 REvil 亦同時間發現了這個漏洞，並搶閘在上星期六執行加密行動，不單 Kaseya 受到影響，其採用了 VSA…

WhatsApp 跟 Facebook 共享用家數據事件，香港大量用戶轉投 Signal 及 Telegram 的懷抱。其中 Telegram 就錄得在短時間內全球大增 5,000 萬新用家。不過在轉會之時，各位轉會人士亦要留意新的即時通訊服務上的詐騙技倆，例如 Telegram 就被發現有黑客正利用其 chat bots (聊天機械人) 功能，上年在歐洲地區騙取至少 650 萬美元，大家要提防新型「電話詐騙」！…

企業的管理層不單只人工高，就連他們的電郵帳戶亦特別值錢，事關黑客可以從中了解公司運作、客戶資訊，更可以用來「命令」下屬匯款，進行商業詐騙攻擊（Business Email Compromise，簡稱 BEC）。俄羅斯就有黑客在暗網上出售相關帳戶登入資料，包括CEO、CFO、公司主席、總裁等等，開價由 100 美元至 1,500 美元，都算收得平喎！ BEC攻擊主要是透過假冒身份而獲取收件人的信任，用不同的藉口來騙取企業相關資訊或指示員工匯款，或打開惡意軟件等行為。其厲害之處，是可以借助上司的權威，令下屬不敢怠慢，務求盡快幫上司解決問題，例如即使對匯款指示有懷疑亦不敢求證。何解話 100 美元至 1,500 美元都算平？先來看看下列兩宗新聞。 1.香港警務處網絡安全及科技罪案調查科發表的 2020 年首季行動報告，就指出曾發生 153 宗商業電郵騙案，其中一宗更成功令公司員工將 1,800 萬港元匯出。 2. 去年 9…

一講起美國頭號通緝犯，大家都會以為係拉登呢類恐怖分子……我估直到上個月都可能係，但由今個月開始就有變喇！ 事關美國司法部十二月初出咗個新嘅通緝令，通緝俄羅斯一個叫 Maksim V. Yakubets 嘅人，懸紅高達 500 萬美元，500 萬美元算唔算多，我唔敢講，但係今年司法部喺拉登死後通緝佢個仔，都只係出 100 萬美元啫，咁呢位 Yakubets 先生睇嚟份量都有返咁上下！ 佢到底做過乜嘢事，要搞到美國政府咁高調通緝呢？原來Yakubets早年成立咗一個叫 Evil Corp 嘅組織，一聽個名就知唔係好嘢，呢個組織由2011年開始，用自家研發軟件Bugat（又叫做 Dridex 同埋 Cridex）入侵目標電腦，取得對方嘅個人資料同埋密碼後，成功盜取佢嘅銀行存款，咁多年嚟大大話話偷咗過億美金（其中7000萬美金嚟自美國），但最令人頭痛嘅唔只係佢哋偷咗幾多錢，而係美國司法當局同…

聽到 Fancy Bear 呢個咁可愛嘅名，唔知仲會以為係迪迪尼之類嘅卡通角色。查實佢係一班來自俄羅斯嘅 APT 黑客組織，而且仲有證據顯示同俄羅斯軍方有千絲萬縷嘅關係，可以話係惡名遠播。 呢排有關佢哋嘅新聞特別多，首先係 Microsoft 揭發佢哋喺 10 月初向全球各地嘅運動組織及反禁藥組織，發動咗多項攻擊，手法包括 spear phishing、利用 IoT 已存漏洞、盜取密碼等等，目的係為咗恐嚇大家唔好禁止俄羅斯運動員出席 2020 東京奧運會。 同時間，又有一班自稱係 Fancy Bear…

如果大家好記性，都記得舊年香港爆過單遺失選民登記冊嘅新聞，最精采 係上個月選委會開記招提返呢件事，竟然話調查完都判斷唔到點解會遺失……any肥，我只係想講，香港地方咁細，唔見咗選民登記冊都牽連甚廣，換轉係美國，當然就更大件事，而且分分鐘影響埋選舉結果！ 路透社最近就出咗篇獨家文章，話原來美國政府內部已經做緊嘢，一個月前推出咗新計劃，希望可以喺 2020 年總統大選前，提升選舉系統嘅防禦能力。上屆選舉時，已經有俄羅斯黑客入侵選民驗證系統，從中偷走資料，但大家擔心嘅係上次只係試驗，今次大選行動會升級，黑客唔滿足於拎資料咁簡單，而係透過操控及竄改資料嚟決定選舉結果，咁就更加大件事！ 華府網絡安全和基礎設施安全局（CISA）局長 Christopher Krebs 接受訪問時就話，近幾個月各州縣政府部門先後被勒索軟件攻陷，部分檔案被鎖住唔能夠打開，要用虛擬貨幣交贖金先開得返，而好有可能下年大選都有機會中招，俾黑客用同樣招數鎖住選民資料。 目前 CISA 已經同所有州政府聯繫，一方面提供教材，等佢哋知點樣應對呢類攻擊，另一方面就落手落腳幫佢哋做齊晒各方面嘅測試，睇下有冇乜嘢漏洞，及早作出修補。雖然目前仲未有指引，如果州政府中招後應唔應該俾贖金，但 CISA 就強調做好預防及備份措施，就係希望唔會出現要俾贖金嘅呢一日。 當然啦，唔想俾黑客勒索，最有效方法就係定時備份，有州政府選舉工作人員就話，自從 2016 年開始，已明顯加強咗網絡保安，而且不時都會備份選民資料以防萬一，但係到底要幾耐備份一次先妥當？暫時都未有清晰指引喇！ 資料來源：https://reut.rs/2ZwpYxK

仲記得以前家居寬頻無咁快嘅年代，如果有片有音樂想 Download，而公司嘅網速又比較快嘅話，自自然然會借用公司部腦嚟做嘢啦。所以喺核電廠返工，而身邊又有無限電力，點解唔拎嚟挖礦咁大嘥先！ 無論你有無挖過礦，都應該聽過用嚟挖礦嘅電腦，硬件設備一定要好勁，同時要耗費大量電力。事關挖礦其實係鬥快計數，為咗快人一步計出答案，機能就唔可以慢，又或者學似黑客咁，利用病毒控制網絡上嘅電腦一齊計，咁呢門生意幾乎可以做到零成本。 密室偷電 烏克蘭一個核電廠工人就非常大膽，為咗減低挖礦成本，於是就喺核電廠嘅儲物室內擺放自己嘅電腦，借用電力挖礦。由於廠房內出現不尋常嘅電力消耗，所以驚動咗烏克蘭政府嘅Ukrainian Secret Service（SBU）嚟調查，搜勻成個核電廠後，先至揭穿呢個計劃。起初調查員同核電廠方面好緊張，因為核電廠涉及國家安全，如果俾黑客入侵就會好麻煩，特別係烏克蘭曾因為俄羅斯黑客攻擊而發生大斷電添。好在今次事件只係純粹偷電，犯案員工並無將自己部電腦連接核電廠網絡，所以大家先可以安心收隊。 其實喺核電廠挖礦事件已經唔係第一次發生，上年俄羅斯一個工程師仲狼死，偷用埋核電廠內嘅超級電腦嚟挖礦，連硬件費用都唔出。至於今次烏克蘭核電廠員工由於只係偷電，所以預計刑罰會較輕，而核電廠方面就計劃要追討佢偷咗嘅電費，叫做有人情味喇。 資料來源：https://bit.ly/2zlSwQ0