【獨家專訪】Microsoft 欽點最佳夥伴 —  KBQuest 主腦 Eric Moy

    能夠連續多年獲 Microsoft 欽點為 Best Cloud Partner,KBQuest 絕對是行內數一數二的雲端專家。原來 Cloud 崛起背後的故事源自一場大風暴,且看 Eric Moy 講講如何風雲驟變。

    「縮數」變「異數」

    要講雲,先講風。08、09 年打了一場風,叫金融風暴、金融危機。「08、09 年金融危機,大企業削減開支,Data Center 冇生意做。不過巨頭如 Microsoft、Amazon 等有大量資源,於是想到一個辦法:分期付款,推出按量、按月收費。這就是 Cloud 的最初形態。」由一次過買入實體物業,變成按量收費,山窮水盡嘅 CFO 一見鍾情,點知就因為一條「縮數」,造就出 Cloud 呢條「異數」。

    風起,然後雲湧

    企業開始依賴經濟實惠嘅 Cloud,慢慢竟然催生出「技術」。「好似電訊服務,鬥平不是辦法,供應商開始研究『增值服務』,如電郵服務,再後來有更多 Application。後來逐漸真正發展出新技術如雲端運算等,成為現在的 Cloud。」Cloud 由一個 financial game 變成 technology game,連遊戲規則及玩家都有翻天覆地改變,Cloud 徹底改造呢個世界。「當時大家都估不到,原來 Cloud 有如此大的威力。如果冇 Cloud,世界絕對唔係今日咁樣。」

    Cloud 造就 Startup

    近十年亦是 Startup、社交平台、共享經濟興起嘅年代。套入平衡時空,就知道這一切都與 Cloud 有關。「一個網站或一個 App 要在全世界發展,以前可能要到全世界開 data center,非常困難。但忽然間,有個大戶講:我全世界都有 data center,要去邊度發展都得,而且按量收費。對資源有限嘅 Startup 而然,絕對求之不得。Facebook、Uber、Airbnb,仲有 Blockchain、Cryptocurrency、Big Data 等嘅崛起係因為有 Cloud。」

    雲端三步曲:一搬二管三防護

    KBQuest 初期的 Cloud 服務主要是「搬」,幫客戶資料、應用轉移到 Cloud。然後出現咗「管」嘅需求,如管理預算、用量、如何善用 Cloud 嘅功能等。「部份是自己的『親身經歷』,我們正正出現過超支問題呢。」然後就有「防」嘅需要,即是 Security,Eric 指很多事故都是 application 的問題。「其實 Cloud 供應方嘅安全就毋須擔心,反而客戶要留意自己嘅 application 有冇保安問題。Cloud 供應方就好似一張實淨嘅枱,唔會爛唔會穿,問題在於你放响上面個水樽,會唔會漏水。」

    成功關鍵,早著先機

    KBQuest 於 2000 年創立,早期以 programming 為主,發展的關鍵時刻,正與 Cloud 的崛起息息相關:金融危機,市場轉變。「我地亦隨之轉變,更多亞洲業務,亦於涉足 Cloud。坦白說,有點幸運,因為我們屬早期涉足 cloud 領域,在行家仍然在考慮應否落場時,我們已經是 expert 了,他們落場時,我們已經是 expert with a lot of experience 了。」其實 KBQuest 的成功絕非僥倖,團隊的強項,就是勇敢嘗試,早著先機。「說真一點,其實不是甚麼 tactics,只是,我們都是一班傻人,愛新事物,愛挑戰,不怕冒險不怕艱辛。」KBQuest 連續多年獲 Microsoft Best Cloud Partner 及大量雲端服務殊榮,客戶包括公營機構、銀行、保險等大企業大機構。除了 Cloud,KBQuest 同時研發 Blockchain、AI 等新技術及自家產品,新作包括「ai-kehu」人工智能客戶服務系統。KBQuest 簡直是個小矽谷,大量 Startup project 蘊釀中,只看哪項跑出,隨時又贏一仗。

    #KBQuest

    相關文章